Levitico 9:4

Ang Biblia 2011

ug usa ka baka ug usa ka laking karnero alang sa mga halad sa pakigdait nga ihawon ninyo sa atubangan sa Ginoo, ug usab usa ka halad nga pagkaon nga sinagolan ug lana, kay ang Ginoo magpakita karon kaninyo.’ ”

Cross References

Exodo 16:10

Ug sa dihang misulti si Aaron sa tibuok katilingban sa katawhan sa Israel, mitan-aw sila ngadto sa kamingawan ug ilang nakita nga ang himaya sa Ginoo mipakita diha sa panganod.

Exodo 19:11

Ug paandama sila sa ikatulong adlaw kay sa ikatulong adlaw mokunsad ang Ginoo sa Bukid sa Sinai, sa atubangan sa tanang katawhan.

Exodo 24:16

Ang himaya sa Ginoo mipahiluna diha sa Bukid sa Sinai ug ang panganod mitabon niini sulod sa unom ka adlaw, ug sa ikapitong adlaw gitawag niya si Moises gikan sa taliwala sa panganod.

Exodo 29:43

Didto makigtagbo ako sa katawhan sa Israel ug ang Tolda balaanon pinaagi sa akong himaya.

Ezequiel 43:2

Ug didto, ang himaya sa Dios sa Israel miabot gikan sa silangan; ug ang tingog sa iyang pag-abot sama sa dahunog sa daghang katubigan, ug ang yuta misidlak sa iyang himaya.

Ezequiel 43:27

Ug sa diha nga matapos na nila kining mga adlawa, sugod sa ikawalo nga adlaw ug sa umaabot pa, ang mga pari maghimo sa inyong mga halad nga sunogon diha sa halaran ug sa inyong mga halad sa pakigdait, ug ako magdawat kaninyo, nag-ingon ang Ginoong Dios.”

Levitico 2:1

“Sa dihang adunay magdala ug halad nga pagkaon alang sa Ginoo, kinahanglan nga ang iyang ihalad pinong harina, ug buboan niya kini ug lana ug butangan niya ug insenso ang ibabaw niini.

Levitico 3:1

“Kon ang iyang halad usa ka inihaw nga halad sa pakigdait, kon siya maghalad gikan sa panon sa mga baka, laki o baye, maoy ihalad niya ang walay tatsa sa atubangan sa Ginoo.

Levitico 9:23

Ug si Moises ug si Aaron misulod sa tolda nga tagboanan, ug sa paggula nila ilang gipanalanginan ang katawhan ug ang himaya sa Ginoo nagpakita sa tibuok nga katawhan.

Levitico 9:3

Ug sultihi ang katawhan sa Israel, ‘Pagkuha kamo ug usa ka laking kanding alang sa halad tungod sa sala, ug usa ka nating baka ug usa ka nating karnero, kining duha tagsa ka tuig ang kagulangon ug walay tatsa, alang sa halad nga sunogon,

Levitico 9:5

Gidala nila ang gisugo ni Moises didto sa atubangan sa tolda nga tagboanan ug ang tibuok nga katilingban nanuol ug nanindog sa atubangan sa Ginoo.

Levitico 9:6

Unya si Moises miingon, “Kini mao ang gisugo sa Ginoo nga buhaton ninyo ug ang himaya sa Ginoo magpakita kaninyo.”

Numeros 14:10

Apan ang tibuok katilingban mihulga nga labayon sila ug mga bato. Unya ang himaya sa Ginoo nagpakita diha sa tolda nga tagboanan ngadto sa tanang katawhan sa Israel.

Numeros 16:19

Ug si Korah mitigom sa tibuok nga katilingban nga batok kanila nga didto sa pultahan sa tolda nga tagboanan. Unya ang himaya sa Ginoo mipakita sa tibuok nga katilingban.