Levitico 9:23

Ang Biblia 2011

Ug si Moises ug si Aaron misulod sa tolda nga tagboanan, ug sa paggula nila ilang gipanalanginan ang katawhan ug ang himaya sa Ginoo nagpakita sa tibuok nga katawhan.

Cross References

2 Cronicas 7:1

Sa dihang nahuman si Solomon sa iyang pag-ampo, may kalayo nga miabot gikan sa langit, ug milamoy sa halad nga sunogon ug sa mga inihaw ug ang himaya sa Ginoo milukop sa Templo.

Exodo 16:10

Ug sa dihang misulti si Aaron sa tibuok katilingban sa katawhan sa Israel, mitan-aw sila ngadto sa kamingawan ug ilang nakita nga ang himaya sa Ginoo mipakita diha sa panganod.

Exodo 39:43

Ug nakita ni Moises ang tanang buhat, ug tan-awa, gibuhat nila kini. Sumala sa gisugo sa Ginoo, gibuhat nila kini ug gipanalanginan sila ni Moises.

Levitico 9:4

ug usa ka baka ug usa ka laking karnero alang sa mga halad sa pakigdait nga ihawon ninyo sa atubangan sa Ginoo, ug usab usa ka halad nga pagkaon nga sinagolan ug lana, kay ang Ginoo magpakita karon kaninyo.’ ”

Levitico 9:6

Unya si Moises miingon, “Kini mao ang gisugo sa Ginoo nga buhaton ninyo ug ang himaya sa Ginoo magpakita kaninyo.”

Numeros 14:10

Apan ang tibuok katilingban mihulga nga labayon sila ug mga bato. Unya ang himaya sa Ginoo nagpakita diha sa tolda nga tagboanan ngadto sa tanang katawhan sa Israel.

Numeros 16:19

Ug si Korah mitigom sa tibuok nga katilingban nga batok kanila nga didto sa pultahan sa tolda nga tagboanan. Unya ang himaya sa Ginoo mipakita sa tibuok nga katilingban.

Numeros 16:42

Ug nagtigom ang katilingban batok kang Moises ug batok kang Aaron, mipaatubang sila sa tolda nga tagboanan ug unya ang panganod mitabon niini, ug ang himaya sa Ginoo mipakita.