Levitico 9:15

Ang Biblia 2011

Unya gihalad ni Aaron ang halad sa katawhan, ug gikuha niya ang laking kanding nga mao ang halad tungod sa sala sa katawhan, ug gipatay kini ug gihalad alang sa sala sama sa unang halad tungod sa sala.

Cross References

2 Cronicas 29:24

Ug gipatay kini sa mga pari, ug naghimo sila ug usa ka halad alang sa sala pinaagi sa dugo niini ibabaw sa halaran, alang sa kapasayloan sa tibuok Israel. Kay ang hari nagsugo nga ang halad nga sunogon ug ang halad alang sa sala himoon alang sa tibuok Israel.

Isaias 53:10

Apan kabubut-on sa Ginoo ang pagsamad kaniya; gisakit niya siya; sa diha nga gihimo niya ang iyang kaugalingon nga usa ka halad alang sa sala, makita niya ang iyang kaliwat, siya maglugway sa iyang mga adlaw; ug ang kabubut-on sa Ginoo mouswag diha sa iyang kamot;

Levitico 10:16

Sa nagpakisusi si Moises mahitungod sa kanding nga halad tungod sa sala, kini gisunog na diay. Busa nasuko si Moises kang Eleasar ug kang Itamar, ang nahibilin nga mga anak nga lalaki ni Aaron, nga nag-ingon,

Levitico 9:14

Ug iyang gihugasan ang mga tinai ug ang mga paa, ug gisunog kini uban sa halad nga sunogon ibabaw sa halaran.

Levitico 9:3

Ug sultihi ang katawhan sa Israel, ‘Pagkuha kamo ug usa ka laking kanding alang sa halad tungod sa sala, ug usa ka nating baka ug usa ka nating karnero, kining duha tagsa ka tuig ang kagulangon ug walay tatsa, alang sa halad nga sunogon,

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Mga Hebreo 2:17

Busa kinahanglan nga mahimo siya nga sama sa iyang mga igsoon sa tanang kahimtang, sa tuyo nga mahimo siyang labawng pangulong pari nga maluluy-on ug kasaligan diha sa pagpangalagad sa Dios alang sa kapasayloan sa mga sala sa katawhan.

Mga Hebreo 5:3

Tungod niini kinahanglan siyang maghalad dili lamang alang sa mga sala sa maong mga tawo, kondili alang usab sa iyang kaugalingong mga sala.