Levitico 8:7

Ang Biblia 2011

Ug iyang gisul-ob kang Aaron ang bisti, ug gibakos kaniya ang bakos, ug gisul-ob kaniya ang sutana, ug gipahimutang ang ephod, ug iyang gibakos kaniya ang maayong pagkahabol nga bakos sa ephod ug kini gihigot kaniya.

Cross References

Exodo 28:2

Kinahanglan nga magbuhat ikaw ug mga bisti nga balaan alang kang Aaron nga imong igsoon, alang sa himaya ug alang sa katahom.

Exodo 28:4

Mao kini ang mga bisti nga buhaton nila: ang tabon sa dughan, ang ephod, ang sutana, ang bisti nga binurdahan, ang purong ug ang bakos. Magbuhat sila ug mga bisti nga balaan alang kang Aaron nga imong igsoon, ug sa iyang mga anak nga lalaki aron mag-alagad sila kanako ingon nga mga pari.

Exodo 28:6

Ug magbuhat sila ug ephod gikan sa bulawan ug sa asul ug tapol ug lutong pula nga delana ug lino nga pinong pagkalubid nga binuhat sa mga batid nga magbubuhat.

Exodo 29:5

Ug dad-a ang mga bisti ug ipasul-ob kang Aaron ang bisti ug ang sutana sa ephod ug ang ephod ug ang tabon sa dughan ug baksi siya sa maayong pagkahabol nga bakos sa ephod.

Isaias 61:10

Ako maglipay pag-ayo diha sa Ginoo, ang akong kalag magmalipayon diha sa akong Dios; kay ako gibistihan niya sa mga bisti sa kaluwasan, ako gisul-oban niya sa kupo sa pagkamatarong, sama sa pamanhonon nga nagdayandayan sa iyang kaugalingon sa usa ka purongpurong nga bulak, ug sama sa pangasaw-onon nga nagdayandayan sa iyang kaugalingon sa iyang mga alahas.

Isaias 61:3

sa paghatag ngadto sa nagsubo didto sa Zion— sa paghatag kanila ug purongpurong nga bulak inay abo, lana sa kalipay inay pagsubo, bisti sa pagdayeg inay luya nga espiritu; aron sila tawgon nga mga dagkong kahoy sa pagkamatarong, ang gitanom sa Ginoo, aron siya himayaon.

Ezequiel 42:14

Sa diha nga ang mga pari mosulod sa balaang dapit, dili sila mogula niini ngadto sa gawas nga hawanan kon dili nila ibutang didto ang mga bisti nga ilang gisul-ob sa ilang pag-alagad, tungod kay kini balaan. Kinahanglang magsul-ob sila ug laing mga bisti sa dili pa sila moduol niadtong mga butang nga alang sa katawhan.”

Roma 13:14

Apan isul-ob ninyo ang Ginoong Jesu-Cristo, ug ayaw tagda ang unod alang sa mga pangibog niini.

Roma 3:22

ang pagkamatarong sa Dios pinaagi sa pagtuo kang Jesu-Cristo alang sa tanan nga nagtuo. Kay walay kalainan,

Mga Taga-Galacia 3:27

Kay ang tanan kaninyo nga gibautismohan ngadto kang Cristo nagsul-ob kang Cristo.

1 Samuel 2:28

Nagpili ako kaniya gikan sa tanang banay sa Israel aron mahimo nga akong pari, sa pag-adto sa halaran, sa pagsunog ug insenso, ug sa pagsul-ob ug ephod sa akong atubangan. Ug gihatag nako sa balay sa imong amahan ang tanang mga halad nga gihimo pinaagi sa kalayo gikan sa katawhan sa Israel.