Levitico 8:6

Ang Biblia 2011

Unya gidala ni Moises si Aaron ug ang iyang mga anak nga lalaki, ug sila gihugasan niya ug tubig.

Cross References

Salmo 26:6

Ako manghunaw sa akong mga kamot sa pagkawalay sala, ug molibot sa imong halaran, O Ginoo,

Salmo 51:2

Hugasi ako pag-ayo gikan sa akong kasal-anan, ug hinloi ako gikan sa akong sala!

Salmo 51:7

Hinloi ako pinaagi sa hisopo, ug mahinlo ako; hugasi ako, ug mahimo ako nga puti kaayo.

Exodo 29:4

Dad-a si Aaron ug ang iyang mga anak nga lalaki ngadto sa pultahan sa tolda nga tagboanan ug hugasi sila sa tubig.

Exodo 30:19

Ug si Aaron ug ang iyang mga anak nga lalaki manghugas sa ilang mga kamot ug sa ilang mga tiil diha niini.

Exodo 30:20

Sa diha nga mosulod sila sa tolda nga tagboanan o sa diha nga moduol sila sa halaran aron sa pag-alagad, sa pagsunog ug usa ka halad alang sa Ginoo pinaagi sa kalayo, kinahanglan nga manghugas gayod sila aron dili sila mangamatay.

Exodo 40:12

Ug dad-a si Aaron ug ang iyang mga anak nga lalaki ngadto sa pultahan sa tolda nga tagboanan, ug hugasi sila ug tubig.

Isaias 1:16

Hugasi ang inyong kaugalingon; himoa ang inyong kaugalingon nga hinlo; kuhaa ang daotan sa inyong mga binuhatan gikan sa atubangan sa akong mga mata; hunonga ang pagbuhat ug daotan,

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Levitico 16:4

Magsul-ob siya sa balaang bisti nga lino ug karsunsilyo nga lino ug magbakos siya ug bakos nga lino ug magsul-ob siya ug purong nga lino. Kini mao ang balaan nga mga bisti. Ligoon niya ug tubig ang tibuok niyang lawas ug isul-ob ang mga bisti.

Levitico 8:5

Si Moises miingon sa katilingban, “Kini mao ang gisugo sa Ginoo nga kinahanglang buhaton.”

Zacarias 13:1

“Nianang adlawa adunay usa ka tuboran nga buksan alang sa balay ni David ug sa mga nagpuyo sa Jerusalem, aron sa paghinlo kanila gikan sa sala ug sa pagkahugaw.

1 Mga Taga-Corinto 6:11

Ug kaniadto ang uban kaninyo ingon niini. Apan kamo gihinloan na, kamo gibalaan na, kamo gihimo nang matarong diha sa ngalan sa Ginoong Jesu-Cristo ug pinaagi sa Espiritu sa atong Dios.

Mga Taga-Efeso 5:26

aron iyang balaanon siya sa mahinloan na niya siya pinaagi sa paghugas kaniya ug tubig pinaagi sa pulong,

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.

Mga Hebreo 9:10

sila may kalabotan lamang mahitungod sa mga pagkaon ug ilimnon ug sa nagkalainlaing mga pagpanghugas, mga tulumanon alang sa lawas nga gipahamtang aron tumanon hangtod sa panahon sa pagbag-o.

Gipadayag 7:14

Ako miingon kaniya, “Akong Ginoo, nasayod ikaw.” Ug siya miingon kanako, “Mao kini sila ang mga nakalabang sa dagkong kasakitan, ang ilang mga tag-as nga bisti gilabhan nila ug gipaputi diha sa dugo sa Nating Karnero.