Levitico 8:35

Ang Biblia 2011

Ug sa pultahan sa tolda nga tagboanan magpabilin kamo sa adlaw ug sa gabii sulod sa pito ka adlaw ug maghimo sa gisugo sa Ginoo kay tingali unya ug mangamatay kamo kay mao kini ang gisugo kanako.”

Cross References

1 Mga Hari 2:3

ug tumana ang sugo sa Ginoo nga imong Dios, magsubay sa iyang mga dalan ug magtuman sa iyang mga lagda, sa iyang mga sugo, sa iyang mga tulumanon ug sa iyang mga pagpamatuod, sumala sa nasulat sa Balaod ni Moises, aron ikaw magmauswagon sa tanan nimong buhaton ug sa bisan asa ikaw moadto,

Exodo 29:35

“Mao kini ang buhaton nimo kang Aaron ug sa iyang mga anak nga lalaki sumala sa tanan nga akong gisugo kanimo. Sulod sa pito ka adlaw himoa ang paggahin kanila.

Ezequiel 43:25

Sa pito ka adlaw magtagana ikaw matag adlaw ug usa ka kanding alang sa usa ka halad tungod sa sala, ug usa usab ka torong baka ug usa ka laking karnero nga walay tatsa gikan sa panon kinahanglang itagana.

Ezequiel 48:11

Kini alang sa mga pari nga gibalaan, ang mga kaliwat ni Zadok nga nagtuman sa akong mga sugo, nga wala mahisalaag sa diha nga nahisalaag ang katawhan sa Israel, sama sa pagkahisalaag sa mga Levihanon.

Levitico 10:1

Unya si Nadab ug si Abihu nga mga anak nga lalaki ni Aaron, matag usa kanila mikuha ug sudlanan sa insenso ug gibutangan nila kini ug kalayo ug ang ibabaw niini gibutangan nila ug insenso, ug naghalad sila ug dili balaan nga kalayo sa atubangan sa Ginoo nga wala gayod isugo kanila.

Levitico 14:8

Ug kadtong hinloan manglaba sa iyang mga bisti ug kiskison niya ang tanan niyang buhok ug maligo siya sa tubig ug mahinlo siya. Ug human niana mosulod siya sa kampo apan mopuyo siya sa gawas sa iyang tolda sulod sa pito ka adlaw.

Levitico 8:30

Unya mikuha si Moises ug lana nga igdidihog ug dugo nga diha sa ibabaw sa halaran ug giwisik kini kang Aaron ug sa iyang mga bisti ug sa iya usab nga mga anak nga lalaki ug sa ilang mga bisti. Ug gibalaan niya si Aaron ug ang iyang mga bisti ug ang iyang mga anak nga lalaki ug ang ilang mga bisti.

Levitico 8:34

Ingon sa gihimo niining adlawa, ang Ginoo nagsugo nga buhaton ang paghimo sa pagtabon sa sala alang kaninyo.

Levitico 8:36

Ug si Aaron ug ang iyang mga anak nga lalaki mihimo sa tanang mga butang nga gisugo sa Ginoo pinaagi kang Moises.

Numeros 19:12

Iyang hinloan ang iyang kaugalingon sa tubig sa ikatulo nga adlaw ug sa ikapito nga adlaw mahinlo siya. Apan kon dili siya manghinlo, sa ikatulo nga adlaw, sa ikapito nga adlaw dili siya mahinlo.

Numeros 3:7

Ug sila magbuhat sa iyang mga buluhaton ug alang sa tibuok nga katilingban sa atubangan sa tolda nga tagboanan, samtang mag-alagad sila diha sa Tolda.

Numeros 9:19

Sa diha nga ang panganod magpabilin sa ibabaw sa Tolda sa daghang mga adlaw, ang katawhan sa Israel magtuman sa sugo sa Ginoo ug dili manglakaw.

2 Mga Taga-Corinto 7:1

Kay nakabaton man kita niining maong mga saad, mga hinigugma, hinloan nato ang atong kaugalingon sa tanang kahugaw sa unod ug sa espiritu, ug hingpiton nato ang pagkabalaan diha sa pagkahadlok sa Dios.

Deuteronomio 11:1

“Busa higugmaa ang Ginoo nga imong Dios ug tumana ang iyang pahimangno, ang iyang mga lagda, ang iyang mga tulumanon ug ang iyang mga sugo sa kanunay.

1 Timoteo 1:18

Kining maong sugo akong gitugyan kanimo, Timoteo, anak, sumala sa mga propesiya kaniadto mahitungod kanimo nga ikaw makigbisog pinaagi sa maayong pagpakig-away,

1 Timoteo 5:21

Sa atubangan sa Dios ug ni Cristo Jesus ug sa pinili nga mga anghel, ako magtugon kanimo sa pagbantay niining mga butanga sa walay pagpalabi, dili magbuhat pinaagi sa pagdapig.

1 Timoteo 6:13

Sa atubangan sa Dios nga naghatag ug kinabuhi sa tanang butang ug ni Cristo Jesus nga sa iyang pagpamatuod sa atubangan ni Poncio Pilato naghimo sa maayong pagsugid,

1 Timoteo 6:17

Sa mga dato niining panahona karon, sugoa sila nga dili magpataas sa ilang kaugalingon o magbutang sa ilang paglaom diha sa walay kasigurohan nga mga bahandi, kondili diha sa Dios nga madagayaong naghatag kanato sa tanang butang alang sa atong kalipay.

1 Timoteo 6:20

O Timoteo, matngoni ang mga butang nga gisalig diha kanimo. Likayi ang mga sultisulti nga dili diosnon ug ang mga pagsumpakiay nga gitawag ug kahibalo apan dili tinuod nga kahibalo,

2 Timoteo 4:1

Sa atubangan sa Dios ug ni Cristo Jesus nga mao ang maghukom sa mga buhi ug sa mga patay, ug pinaagi sa iyang pagpadayag ug sa iyang gingharian, ako magtugon kanimo niini:

Mga Hebreo 7:28

Sa pagkatinuod, ang Balaod nagtudlo ug mga tawo nga may kaluyahon ingon nga mga labawng pangulong pari, apan ang pulong sa panumpa, nga miabot human sa Balaod, nagtudlo ug Anak nga nahimong hingpit hangtod sa kahangtoran.