Levitico 8:28

Ang Biblia 2011

Unya gikuha ni Moises ang maong mga butang gikan sa ilang mga kamot ug gisunog niya kini sa halaran uban sa halad nga sunogon ingon nga halad sa paggahin, usa ka kahumot nga makapahimuot, usa ka halad pinaagi sa kalayo alang sa Ginoo.

Cross References

Genesis 8:21

Sa diha nga ang Ginoo nakapanimaho sa kahumot, ang Ginoo miingon diha sa iyang kasingkasing, “Dili na nako tunglohon pag-usab ang yuta tungod sa tawo, kay ang tuyo sa kasingkasing sa tawo daotan sukad sa iyang pagkabata, ug dili na nako laglagon pag-usab ang tanang butang nga buhi sama sa akong gihimo.

Exodo 29:25

Unya kuhaa kini gikan sa ilang mga kamot ug daobi sa halaran dugang sa halad nga gisunog, ingon nga usa ka kahumot sa atubangan sa Ginoo. Kini usa ka halad pinaagi sa kalayo alang sa Ginoo.

Levitico 1:9

Apan hugasan niya ug tubig ang mga sulod sa ginhawaan ug ang mga paa niini. Ug sunogon sa pari ang tibuok ibabaw sa halaran ingon nga usa ka halad nga sinunog, usa ka halad pinaagi sa kalayo, usa ka kahumot alang sa Ginoo.

Zacarias 13:7

“Pagmata na, O espada, batok sa akong tigbantay sa karnero, batok sa tawo nga nagtindog sunod kanako,” nag-ingon ang Ginoo sa mga panon. “Tigbasa ang tigbantay aron ang mga karnero magkatibulaag; pabalikon nako ang akong kamot batok sa mga gagmay.