Levitico 8:23

Ang Biblia 2011

Ug gipatay kini ni Moises ug mikuha siya ug dugo niini ug gibutang niya sa tumoy sa tuong dalunggan ni Aaron ug diha sa kumagko sa tuo niyang kamot ug diha sa kumagko sa tuo niyang tiil.

Cross References

Exodo 29:20

Ug patya ang laking karnero ug pagkuha sa dugo niini ug ihidhid sa tumoy sa tuong dalunggan ni Aaron ug sa tumoy sa tuong mga dalunggan sa iyang mga anak nga lalaki, ug sa tumoy sa kumagko sa ilang mga tuong kamot ug sa tumoy sa kumagko sa mga tuo nga tiil nila, ug isablig ang dugo sa tanang kilid sa halaran.

Exodo 29:21

Unya pagkuha sa dugo nga anaa sa ibabaw sa halaran ug sa lana nga igdidihog ug iwisik ngadto kang Aaron ug sa iyang mga bisti ug ngadto sa iyang mga anak nga lalaki ug sa mga bisti nila, ug mahimo siyang balaan ug ang iyang mga bisti. Siya mahimong balaan lakip ang iyang mga anak nga lalaki ug ang mga bisti sa iyang mga anak nga lalaki uban kaniya.

Levitico 14:14

Ang pari magkuha sa dugo sa halad tungod sa paglapas ug ang pari magbutang niini sa tumoy sa tuong dalunggan sa tawo nga gihinloan ug sa ibabaw sa kumagko sa iyang tuong kamot ug sa ibabaw sa kumagko sa iyang tuong tiil.

Levitico 14:17

Ang mahibilin sa lana nga diha sa iyang kamot, ibutang niya kini sa tumoy sa tuong dalunggan sa tawo nga hinloan, sa kumagko sa iyang tuong kamot ug diha sa kumagko sa iyang tuong tiil, diha sa dugo sa halad tungod sa paglapas.

Levitico 14:25

Patyon sa pari ang nating karnero nga halad tungod sa paglapas ug ang pari magkuha ug dugo gikan sa halad tungod sa paglapas ug ibutang niya sa tumoy sa tuong dalunggan sa tawo nga gihinloan ug sa kumagko sa iyang tuong kamot ug sa kumagko sa iyang tuong tiil.

Levitico 14:28

Ang pari magbutang ug lana nga anaa sa iyang kamot sa tumoy sa tuong dalunggan sa tawo nga gihinloan, ug sa kumagko sa iyang tuong kamot ug sa kumagko sa iyang tuong tiil sa dapit diin ang dugo sa halad tungod sa paglapas gibutang.

Levitico 7:37

Kini mao ang balaod sa halad nga sunogon, sa halad nga pagkaon, sa halad tungod sa sala, sa halad sa paglapas, sa pagbalaan ug sa mga halad sa pakigdait

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Roma 6:13

Ayaw itugyan ang mga bahin sa inyong lawas ngadto sa sala ingon nga galamiton sa pagkadili matarong, hinuon itugyan ang inyong kaugalingon ngadto sa Dios ingon nga mga tawo nga nabuhi gikan sa kamatayon ug ang mga bahin sa inyong lawas ngadto sa Dios ingon nga mga galamiton sa pagkamatarong.

Roma 6:19

Nagsulti ako sa tawhanong paagi tungod sa inyong tawhanong kakulangan. Kay ingon nga kaniadto inyong gitugyan ang mga bahin sa inyong lawas ngadto sa kahugawan ug gikan sa usa ka kalapasan ngadto sa lain pang kalapasan, busa karon kinahanglang itugyan ninyo ang mga bahin sa inyong lawas ingon nga ulipon sa pagkamatarong ngadto sa pagkabalaan.

1 Mga Taga-Corinto 1:2

Alang sa iglesia sa Dios nga anaa sa Corinto, kanila nga gibalaan pinaagi kang Cristo Jesus, ang mga gitawag nga balaan uban sa tanan nga nagtawag diha sa tanang dapit sa ngalan sa atong Ginoong Jesu-Cristo, ilang Ginoo ug atoa usab:

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

1 Mga Taga-Corinto 6:20

kay gipalit na kamo sa usa ka bili. Busa himayaa ninyo ang Dios pinaagi sa inyong lawas.

Mga Taga-Filipos 1:20

Ingon nga maoy akong mainitong pagpaabot ug paglaom nga dili gayod ako maulaw, apan nga inubanan sa tumang kaisog karon ug sa kanunay, si Cristo mapasidunggan dinhi sa akong lawas, bisan pa kon pinaagi sa kinabuhi o sa kamatayon.

Mga Taga-Filipos 2:17

Apan kon ibubo ako diha sa inyong halad nga inihaw ug sa halad sa inyong pagtuo, ikalipay ko kini ug ako maglipay uban kaninyong tanan.

1 Mga Taga-Tesalonica 5:22

likayi ang tanang matang sa daotan.

Mga Hebreo 2:10

Kay angay gayod kaniya nga alang kaniya ug pinaagi kaniya naglungtad ang tanang butang, nga sa iyang pagdala sa daghang mga anak ngadto sa himaya, iyang hingpiton pinaagi sa mga pag-antos ang nagpasiugda sa ilang kaluwasan.

Mga Hebreo 5:8

Bisan tuod ug siya Anak, siya nakakat-on sa pagkamasinugtanon pinaagi sa mga butang nga iyang giantos.