Levitico 8:21

Ang Biblia 2011

Ug sa nahugasan na ug tubig ang mga tinai ug ang mga paa, gisunog ni Moises ang tibuok laking karnero sa ibabaw sa halaran ingon nga halad nga sunogon, usa ka kahumot, usa ka halad pinaagi sa kalayo alang sa Ginoo, sumala sa gisugo sa Ginoo kang Moises.

Cross References

Genesis 8:21

Sa diha nga ang Ginoo nakapanimaho sa kahumot, ang Ginoo miingon diha sa iyang kasingkasing, “Dili na nako tunglohon pag-usab ang yuta tungod sa tawo, kay ang tuyo sa kasingkasing sa tawo daotan sukad sa iyang pagkabata, ug dili na nako laglagon pag-usab ang tanang butang nga buhi sama sa akong gihimo.

Exodo 12:9

Ayaw kamo pagkaon sa bisan unsa niini nga hilaw, o pinabukalan ug tubig, kondili inasal nga uban ang ulo niini, ang mga tiil niini ug ang sulod sa ginhawaan niini.

Exodo 29:18

Ug sunoga ang tibuok nga laking karnero ibabaw sa halaran. Mao kini ang halad nga sunogon alang sa Ginoo. Kini maoy usa ka kahumot, ang halad ngadto sa Ginoo pinaagi sa kalayo.

Exodo 40:16

Sa ingon niini gibuhat kini ni Moises. Sumala sa tanan nga gisugo kaniya sa Ginoo, gibuhat niya kini.

Levitico 1:13

Apan hugasan niya ug tubig ang sulod sa ginhawaan ug ang mga paa, ug ihalad sa pari ang tibuok ug sunogon kini niya ibabaw sa halaran. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Levitico 1:17

Laksion niya kini diha sa mga pako, apan dili na kini bahinon pa. Ug sunogon kini sa pari ibabaw sa halaran ibabaw sa sugnod diha sa kalayo. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Levitico 1:9

Apan hugasan niya ug tubig ang mga sulod sa ginhawaan ug ang mga paa niini. Ug sunogon sa pari ang tibuok ibabaw sa halaran ingon nga usa ka halad nga sinunog, usa ka halad pinaagi sa kalayo, usa ka kahumot alang sa Ginoo.

Levitico 2:9

Ang pari magkuha ug diyotay gikan sa halad nga pagkaon alang sa handomanan niini, ug sunogon kini ibabaw sa halaran, halad pinaagi sa kalayo, usa ka kahumot alang sa Ginoo.

Levitico 8:13

Ug gidala ni Moises ang mga anak nga lalaki ni Aaron ug gisul-oban sila sa mga bisti ug gibaksan sila sa mga bakos, ug gipurongan sila sumala sa gisugo sa Ginoo kang Moises.

Levitico 8:9

Ug gisul-ob niya ang purong diha sa ulo ni Aaron ug sa ibabaw sa purong, sa atubangan, gibutang niya ang dayandayan nga bulawan, ang balaan nga korona sumala sa gisugo sa Ginoo kang Moises.

Mga Taga-Efeso 5:2

Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.