Levitico 8:2

Ang Biblia 2011

“Dad-a si Aaron ug ang iyang mga anak nga lalaki uban kaniya ug ang mga bisti ug ang lana nga igdidihog ug ang torong baka alang sa halad tungod sa sala ug ang duha ka laking karnero ug ang bukag nga gisudlan ug mga pan nga walay patubo.

Cross References

Exodo 28:1

“Unya paduola kanimo si Aaron nga imong igsoon ug ang iyang mga anak nga lalaki uban kaniya gikan sa katawhan sa Israel aron sa pag-alagad kanako ingon nga mga pari, si Aaron ug ang iyang mga anak nga lalaki nga si Nadab ug si Abihu, si Eleasar ug si Itamar.

Exodo 28:40

“Ug alang sa mga anak nga lalaki ni Aaron, pagbuhat ug mga bisti ug mga bakos ug mga kalo. Buhata kini alang sa himaya ug katahom.

Exodo 39:41

ang maayong pagkabuhat nga mga bisti alang sa pagpangalagad didto sa dapit nga balaan, ug ang mga balaan nga bisti ni Aaron nga pari ug ang mga bisti sa iyang mga anak nga lalaki aron sa pag-alagad ingon nga mga pari.

Levitico 6:10

Ang pari magsul-ob sa iyang bisti nga lino ug magsul-ob siya ug mga karsunsilyo nga lino sa iyang lawas. Ug iyang hiposon ang abo sa kalayo nga nag-ut-ot sa halad nga sinunog ibabaw sa halaran ug kini ibutang niya duol sa halaran.

Levitico 8:1

Ang Ginoo miingon kang Moises,

Levitico 8:10

Unya gikuha ni Moises ang lana nga igdidihog ug gidihogan niya ang Tolda ug ang tanang mga butang nga diha niini ug gibalaan kini.

Levitico 8:18

Unya gihalad niya ang laking karnero ingon nga halad nga sunogon, ug si Aaron ug ang iyang mga anak nga lalaki mitapion sa ilang mga kamot sa ulo sa karnero.

Levitico 8:22

Unya gihalad niya ang lain nga laking karnero, ang karnero alang sa paggahin. Unya si Aaron ug ang iyang mga anak nga lalaki mitapion sa ilang mga kamot sa ibabaw sa ulo sa laking karnero.

Levitico 8:3

Unya tigoma ang tibuok nga katilingban didto sa pultahan sa tolda nga tagboanan.”

Mga Hebreo 7:27

Lahi sa uban nga mga labawng pangulong pari, siya wala magkinahanglan sa adlaw-adlaw nga paghimo ug mga paghalad, una alang sa iyang kaugalingong mga sala ug unya alang sa mga sala sa katawhan. Kini gihimo niya sa makausa lamang alang sa tanang panahon sa paghalad niya sa iyang kaugalingon.