Levitico 8:15

Ang Biblia 2011

Gipatay kini ni Moises ug gikuha niya ang dugo ug pinaagi sa iyang tudlo gibutang niya kini diha sa mga sungaysungay sa halaran sa palibot ug giputli niya ang halaran. Unya gibubo niya ang uban nga dugo diha sa tungtonganan sa halaran ug kini gibalaan niya aron sa paghimo ug pagtabon sa sala alang niini.

Cross References

2 Cronicas 29:24

Ug gipatay kini sa mga pari, ug naghimo sila ug usa ka halad alang sa sala pinaagi sa dugo niini ibabaw sa halaran, alang sa kapasayloan sa tibuok Israel. Kay ang hari nagsugo nga ang halad nga sunogon ug ang halad alang sa sala himoon alang sa tibuok Israel.

Ezequiel 45:20

Unya himoon nimo ang samang paagi sa ikapitong adlaw sa bulan alang sa matag usa nga nakasala tungod sa sayop o sa pagkawalay kahibalo, busa himoon nimo ang pagtabon sa sala alang sa Templo.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Levitico 1:11

Patyon niya kini dapit sa amihanan nga kilid sa halaran sa atubangan sa Ginoo ug ang mga pari nga mga anak ni Aaron magsablig sa dugo niini libot sa halaran.

Levitico 1:5

Patyon niya ang torong baka sa atubangan sa Ginoo ug ang mga pari nga mga anak ni Aaron maghalad sa dugo ug magsablig niini libot sa halaran nga anaa sa pultahan sa tolda nga tagboanan.

Levitico 16:20

“Human niya mahimo ang pagtabon sa sala alang sa dapit nga balaan ug sa tolda nga tagboanan ug sa halaran, ihalad niya ang kanding nga buhi.

Levitico 3:2

Ibutang niya ang iyang kamot sa ibabaw sa ulo sa iyang halad, ug patyon niya kini didto sa pultahan sa tolda nga tagboanan ug ang mga pari, ang mga anak ni Aaron, magsablig sa dugo niini libot sa halaran.

Levitico 3:8

Ug ibutang niya ang iyang kamot ibabaw sa ulo sa iyang halad ug kini iyang patyon sa atubangan sa Tolda nga Tagboanan ug ang mga anak ni Aaron magsablig sa dugo niini libot sa halaran.

Levitico 4:25

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang dugo niini diha sa tungtonganan sa halaran sa halad nga sunogon.

Levitico 4:30

Ug ang pari magkuha ug diyotay nga dugo pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang nahibilin nga dugo niini diha sa tungtonganan sa halaran.

Levitico 4:7

Ang pari magbutang ug dugo sa ibabaw sa mga sungaysungay sa halaran sa insenso nga humot nga anaa sa tolda nga tagboanan sa atubangan sa Ginoo. Ug ang nahibilin nga dugo sa torong baka iyabo niya diha sa tungtonganan sa halaran sa halad nga sunogon nga anaa sa pultahan sa tolda nga tagboanan.

Levitico 6:30

Walay halad tungod sa sala nga kaonon nga ang dugo niini gidala ngadto sa tolda nga tagboanan aron himoon ang pagtabon sa sala didto sa dapit nga balaan. Kini sunogon sa kalayo.

Numeros 8:12

Ug ang mga Levihanon magbutang sa ilang mga kamot ibabaw sa mga ulo sa mga torong baka ug ihalad ang usa ingon nga halad tungod sa sala ug ang usa alang sa halad nga sunogon ngadto sa Ginoo aron sa paghimo sa pagtabon sa sala alang sa mga Levihanon.

Roma 5:10

Kay kon sa dihang mga kaaway pa kita sa Dios, kita gipasig-uli ngadto sa Dios pinaagi sa kamatayon sa iyang Anak, labaw pa karon nga napasig-uli na kita, luwason kita pinaagi sa iyang kinabuhi.

Mga Taga-Efeso 2:16

Ug kini aron ang duha iyang mapasig-uli ngadto sa Dios diha sa usa ka lawas pinaagi sa krus, ug sa ingon gitapos ang panagbingkil.

Mga Hebreo 2:17

Busa kinahanglan nga mahimo siya nga sama sa iyang mga igsoon sa tanang kahimtang, sa tuyo nga mahimo siyang labawng pangulong pari nga maluluy-on ug kasaligan diha sa pagpangalagad sa Dios alang sa kapasayloan sa mga sala sa katawhan.