Levitico 7:35

Ang Biblia 2011

Kini mao ang bahin ni Aaron ug sa iyang mga anak nga lalaki gikan sa mga halad pinaagi sa kalayo alang sa Ginoo, nga gigahin alang kanila sa adlaw nga sila gihalad aron mag-alagad sa Ginoo ingon nga mga pari.

Cross References

Exodo 28:1

“Unya paduola kanimo si Aaron nga imong igsoon ug ang iyang mga anak nga lalaki uban kaniya gikan sa katawhan sa Israel aron sa pag-alagad kanako ingon nga mga pari, si Aaron ug ang iyang mga anak nga lalaki nga si Nadab ug si Abihu, si Eleasar ug si Itamar.

Exodo 29:1

“Karon mao kini ang buhaton nimo kanila aron sa pagbalaan kanila, aron sila mag-alagad kanako ingon nga mga pari. Pagkuha ug usa ka laki nga nating baka, ug duha ka karnero nga laki nga walay tatsa,

Exodo 29:21

Unya pagkuha sa dugo nga anaa sa ibabaw sa halaran ug sa lana nga igdidihog ug iwisik ngadto kang Aaron ug sa iyang mga bisti ug ngadto sa iyang mga anak nga lalaki ug sa mga bisti nila, ug mahimo siyang balaan ug ang iyang mga bisti. Siya mahimong balaan lakip ang iyang mga anak nga lalaki ug ang mga bisti sa iyang mga anak nga lalaki uban kaniya.

Exodo 29:7

Unya dad-a ang lana nga igdidihog ug ibubo sa ibabaw sa iyang ulo ug dihogi siya.

Isaias 10:27

Nianang adlawa ang iyang palas-anon makuha gikan sa imong abaga, ug ang iyang yugo gub-on gikan sa imong liog.”

Isaias 61:1

Ang Espiritu sa Ginoong Dios ania kanako, tungod kay gidihogan ako sa Ginoo aron sa pagdala sa maayong balita ngadto sa mga sinakit; ako gipaanhi niya aron sa pagbugkos sa mga nadugmok nga kasingkasing, aron sa pagmantala sa kagawasan sa mga binihag, ug sa pag-abli sa bilanggoan alang sa mga ginapos;

Levitico 8:30

Unya mikuha si Moises ug lana nga igdidihog ug dugo nga diha sa ibabaw sa halaran ug giwisik kini kang Aaron ug sa iyang mga bisti ug sa iya usab nga mga anak nga lalaki ug sa ilang mga bisti. Ug gibalaan niya si Aaron ug ang iyang mga bisti ug ang iyang mga anak nga lalaki ug ang ilang mga bisti.

Juan 3:34

Siya nga gipadala sa Dios nagsulti sa mga pulong sa Dios kay sa walay sukod gihatag sa Dios ang Espiritu.

2 Mga Taga-Corinto 1:21

Apan ang Dios mao ang naglig-on kanamo uban kaninyo diha kang Cristo, ug ang nagdihog kanamo.

1 Juan 2:20

Apan kamo gidihogan na niya nga Balaan, ug kamong tanan nahibalo na.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.

1 Samuel 2:28

Nagpili ako kaniya gikan sa tanang banay sa Israel aron mahimo nga akong pari, sa pag-adto sa halaran, sa pagsunog ug insenso, ug sa pagsul-ob ug ephod sa akong atubangan. Ug gihatag nako sa balay sa imong amahan ang tanang mga halad nga gihimo pinaagi sa kalayo gikan sa katawhan sa Israel.