Levitico 7:31

Ang Biblia 2011

Ang tambok sunogon sa pari diha sa halaran apan ang dughan maiya ni Aaron ug sa iyang mga anak nga lalaki.

Cross References

Exodo 29:26

“Kuhaa ang dughan sa laking karnero nga gigamit alang sa paggahin kang Aaron, ug ibayaw kini sa atubangan sa Ginoo ingon nga halad nga binayaw ug kini mao ang imong bahin.

Levitico 3:11

Ug ang pari magsunog niini ibabaw sa halaran ingon nga pagkaon nga gihalad pinaagi sa kalayo ngadto sa Ginoo.

Levitico 3:16

Ug ang pari magsunog niini sa ibabaw sa halaran ingon nga pagkaon nga gihalad pinaagi sa kalayo ingon nga kahumot alang sa Ginoo. Ang tanan nga tambok iya sa Ginoo.

Levitico 3:5

Unya ang mga anak ni Aaron magsunog niini ibabaw sa halaran uban sa halad nga gisunog ibabaw sa sugnod nga anaa sa ibabaw sa kalayo. Kini usa ka halad pinaagi sa kalayo, usa ka kahumot alang sa Ginoo.

Levitico 5:13

Ug ang pari maghimo ug pagtabon sa sala alang kaniya tungod sa sala nga iyang nabuhat ug siya pasayloon. Ang mahibilin maiya sa pari, sama sa halad nga pagkaon.”

Levitico 6:16

Ug ang nahibilin niini kaonon ni Aaron ug sa iyang mga anak nga lalaki. Kini kaonon nga walay patubo diha sa dapit nga balaan, sa hawanan sa tolda nga tagboanan kini kaonon nila.

Levitico 6:26

Ang pari nga maghalad niini alang sa sala mokaon niini. Kaonon kini diha sa dapit nga balaan, sa hawanan sa tolda nga tagboanan.

Levitico 7:34

Kay ang dughan nga gibayaw ug ang paa nga gihalad akong gikuha gikan sa katawhan sa Israel gikan sa mga inihaw sa ilang halad sa pakigdait ug gihatag kini kang Aaron nga pari ug sa iyang mga anak nga lalaki ingon nga ilang bahin hangtod sa kahangtoran gikan sa mga anak sa Israel.

Levitico 8:29

Gikuha ni Moises ang dughan ug gibayaw niya kini ingon nga halad nga binayaw sa atubangan sa Ginoo. Mao kini ang bahin ni Moises sa laking karnero alang sa paggahin sumala sa gisugo sa Ginoo kang Moises.

Numeros 18:11

Ug kini imo usab, ang halad sa ilang mga gasa, ang tanang mga halad nga binayaw gikan sa katawhan sa Israel. Kini gihatag nako kanimo ug sa imong mga anak nga lalaki ug mga anak nga babaye uban kanimo, ingon nga bahin hangtod sa kahangtoran. Ang tanan nga hinlo diha sa imong balay makakaon niini.

Numeros 18:18

Ug ang unod niini maimo, ingon man ang dughan nga binayaw, ug ingon man ang tuo nga paa maimo.

1 Mga Taga-Corinto 9:13

Wala ba kamo masayod nga kadtong nag-alagad sa Templo nagkaon sa unsay gikan sa Templo, ug kadtong nag-alagad sa halaran nagdawat ug bahin gikan sa mga halad nga inihaw?

Deuteronomio 18:3

Ug kini mao ang bahin sa mga pari gikan sa katawhan, gikan niadtong maghalad ug inihaw, baka man o karnero, ihatag nila sa pari ang abaga, ang mga apapangig ug ang tungol.