Levitico 7:26

Ang Biblia 2011

Dugang pa ayaw gayod kamo pagkaon ug bisan unsa nga dugo, sa langgam o sa mananap, diha sa tanan ninyo nga mga puluy-anan.

Cross References

Genesis 9:4

Apan lamang, ayaw ninyo kaona ang unod uban ang kinabuhi niini, nga mao ang dugo.

Exodo 22:30

Buhata usab ninyo kini sa inyong mga baka ug sa inyong mga karnero. Pito ka adlaw nga magpabilin ang kamagulangan diha sa iyang inahan ug sa ikawalo nga adlaw, ihatag kini kanako.

Ezequiel 33:25

Busa sultihi sila, Mao kini ang giingon sa Ginoong Dios: Kamo nangaon ug unod uban sa dugo ug miyahat sa inyong mga mata ngadto sa inyong mga diosdios ug nagpaagas ug dugo; manag-iya ba diay kamo sa yuta?

Levitico 19:26

“Ayaw kamo pagkaon ug bisan unsa nga unod uban ang dugo niini. Ayaw paghupot ug anting-anting o pagtagnatagna.

Levitico 3:17

Kini usa ka tulumanon nga dayon alang sa inyong mga kaliwatan, sa tanan ninyong mga puluy-anan, aron dili kamo magkaon ug tambok o dugo.”

Levitico 7:25

Kay si bisan kinsa nga mokaon sa tambok sa mananap nga gihalad pinaagi sa kalayo alang sa Ginoo ipahimulag gikan sa iyang katawhan.

Levitico 7:27

Si bisan kinsa nga mokaon ug bisan unsa nga dugo, siya ipahimulag gikan sa iyang katawhan.”

Juan 6:53

Busa si Jesus miingon kanila, “Sa pagkatinuod gayod, sultihan ko kamo, gawas kon mangaon kamo sa unod sa Anak sa Tawo ug manginom sa iyang dugo, wala kamoy kinabuhi diha kaninyo.

Mga Buhat 15:20

apan magsulat ngadto kanila sa paglikay gikan sa kahugawan sa mga diosdios ug sa salawayong pakighilawas ug sa mananap nga tinuok ug sa dugo.

Mga Buhat 15:29

ang paglikay sa gihalad ngadto sa mga diosdios ug sa dugo, ug gikan sa mga mananap nga tinuok ug sa salawayong pakighilawas. Kon kamo maglikay gikan niining mga butanga, magbuhat kamo ug maayo. Adios.”

Mga Taga-Efeso 1:7

Diha kang Cristo naangkon nato ang pagkatinubos pinaagi sa iyang dugo, ang kapasayloan alang sa atong mga kalapasan, sumala sa kadato sa grasya sa Dios

Deuteronomio 12:16

Apan ayaw ninyo kaona ang dugo, iyabo ninyo kini sa yuta sama sa tubig.

Deuteronomio 12:23

Siguroa lamang nga dili ninyo kaonon ang dugo kay ang dugo mao ang kinabuhi ug ayaw ninyo kaona ang kinabuhi uban sa iyang unod.

Deuteronomio 15:23

Lamang, ayaw kaona ang dugo niini; iyabo kini sa yuta sama sa tubig.

1 Timoteo 4:4

Kay maayo ang tanang binuhat sa Dios, ug walay ipasalikway kon gidawat kini uban sa pagpasalamat,