Levitico 7:21

Ang Biblia 2011

Kon si bisan kinsa nga makahikap ug hugaw nga butang, kahugaw man sa tawo o mananap nga hugaw o bisan unsa nga dulumtanan nga hugaw, unya mokaon siya ug unod sa inihaw nga halad sa pakigdait alang sa Ginoo, ang maong tawo ipahimulag gikan sa iyang katawhan.”

Cross References

Genesis 17:14

Ug ang lalaki nga wala matuli ang iyang yamis ipahimulag gikan sa iyang katawhan. Siya naglapas sa akong kasabotan.”

Exodo 12:15

Pito ka adlaw kamong magkaon ug pan nga walay patubo. Sa unang adlaw, ipalayo ang tanang patubo sa pan gikan sa inyong mga balay kay si bisan kinsa nga mokaon ug bisan unsa nga may patubo sukad sa unang adlaw hangtod sa ikapito, ang maong tawo ipahimulag gikan sa Israel.

Exodo 12:19

Sulod sa pito ka adlaw kinahanglan nga walay patubo nga makaplagan diha sa inyong mga balay, kay si bisan kinsa nga mokaon niadtong may patubo, kanang tawhana ipahimulag gikan sa katilingban sa Israel, langyaw man siya o lumad sa yuta.

Ezequiel 33:25

Busa sultihi sila, Mao kini ang giingon sa Ginoong Dios: Kamo nangaon ug unod uban sa dugo ug miyahat sa inyong mga mata ngadto sa inyong mga diosdios ug nagpaagas ug dugo; manag-iya ba diay kamo sa yuta?

Ezequiel 4:14

Unya miingon ako, “Ah Ginoong Dios! Tan-awa, wala pa gayod nako mahugawi ang akong kaugalingon, kay gikan sa akong pagkabatan-on hangtod karon wala ako makakaon nianang namatay sa iyang kaugalingon o sa gikuniskunis sa mga mananap o may misulod sa akong baba nga hugaw nga unod.”

Levitico 11:20

“Ang tanan nga gagmayng mananap nga nagkamang sa yuta, pak-an ug maglakaw sa upat ka tiil, dulumtanan alang kaninyo.

Levitico 12:1

Ang Ginoo miingon kang Moises,

Levitico 17:10

“Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga magkaon sa bisan unsa nga dugo, akong ipaatubang ang akong nawong batok nianang tawhana nga magkaon ug dugo ug ipahimulag nako siya gikan sa iyang katawhan.

Levitico 17:14

“Kay ang kinabuhi sa tanang buhing binuhat anaa sa dugo niini, busa miingon nako sa katawhan sa Israel: Dili gayod kamo magkaon sa dugo sa bisan unsa nga buhing binuhat, kay ang kinabuhi sa tanan nga buhing binuhat mao ang dugo niini, si bisan kinsa nga magkaon niini ipahimulag siya.

Levitico 18:29

Kay si bisan kinsa nga magbuhat sa bisan unsa niining tanan nga mga dulumtanan, ang mga tawo nga magbuhat niini ipahimulag gikan sa taliwala sa ilang katawhan.

Levitico 19:8

Ang matag usa nga magkaon niini magpas-an sa iyang sala, kay nagpasipala man siya sa balaang butang sa Ginoo ug kadtong tawhana ipahimulag gikan sa iyang katawhan.

Levitico 20:3

Makigbatok gayod ako sa maong tawo ug ipahimulag nako siya gikan sa taliwala sa iyang katawhan, kay gihatag man niya ang usa sa iyang anak ngadto kang Molec, naghugaw sa akong balaan nga dapit ug nagpasipala sa akong balaan nga ngalan.

Levitico 22:3

Ingna sila, ‘Si bisan kinsa sa tanan ninyong kaliwatan ngadto sa sunod ninyong mga kaliwatan nga moduol sa mga butang nga balaan nga gihalad sa mga anak sa Israel alang sa Ginoo, samtang anaa siya sa pagkahugaw, ang maong tawo ipahimulag gikan sa atubangan nako. Ako mao ang Ginoo.

Levitico 22:4

Walay kaliwat ni Aaron nga sanlahon o may nag-agos nga makakaon sa mga butang nga balaan hangtod nga siya mahinlo. Ug si bisan kinsa nga makahikap sa bisan unsang butang nga nahugaw tungod sa minatay o usa ka tawo nga gigawasan sa binhi,

Levitico 23:29

Kay si bisan kinsa nga dili maghikaw sa iyang kaugalingon niining adlawa, ipahimulag gikan sa iyang katawhan.

Levitico 7:20

Apan ang tawo nga anaa sa iyang kahugaw magkaon sa unod sa inihaw nga halad sa pakigdait ngadto sa Ginoo, ang maong tawo ipahimulag gikan sa iyang katawhan.

Levitico 7:22

Ang Ginoo miingon kang Moises,

Levitico 7:25

Kay si bisan kinsa nga mokaon sa tambok sa mananap nga gihalad pinaagi sa kalayo alang sa Ginoo ipahimulag gikan sa iyang katawhan.

Levitico 7:27

Si bisan kinsa nga mokaon ug bisan unsa nga dugo, siya ipahimulag gikan sa iyang katawhan.”

Numeros 19:22

Ug ang bisan unsa nga mahikapan sa tawong hugaw mahugaw usab, ug si bisan kinsa nga makahikap niini, mahugaw hangtod sa pagkakilomkilom.”

Deuteronomio 14:10

Ug ang bisan unsa nga walay kapay ug himbis, ayaw ninyo kaona, hugaw kini alang kaninyo.

Deuteronomio 14:3

“Ayaw kamo pagkaon sa bisan unsang butang nga dulumtanan.

1 Samuel 20:26

Bisan pa niana si Saul walay gisulti bisan unsa niadtong adlawa, kay naghunahuna siya, “Adunay nahitabo kaniya, dili siya hinlo, sa pagkatinuod siya dili hinlo.”