Levitico 7:2

Ang Biblia 2011

Sa dapit diin patyon nila ang halad nga sunogon, adto nila patyon ang halad tungod sa paglapas ug ang dugo niini isablig libot sa halaran.

Cross References

Isaias 52:15

siya makapakugang usab sa daghang mga nasod; ang mga hari magtak-om sa ilang mga baba tungod kaniya; kay kadtong wala pa ikasugilon kanila makita nila, ug kadtong wala pa nila madungog ilang masabtan.

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Ezequiel 40:39

Ug didto sa agianan sa ganghaan may duha ka lamisa sa matag kilid, diin adto ihawon ang halad nga sunogon ug ang halad tungod sa sala ug ang halad tungod sa paglapas.

Levitico 1:11

Patyon niya kini dapit sa amihanan nga kilid sa halaran sa atubangan sa Ginoo ug ang mga pari nga mga anak ni Aaron magsablig sa dugo niini libot sa halaran.

Levitico 1:3

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Levitico 1:5

Patyon niya ang torong baka sa atubangan sa Ginoo ug ang mga pari nga mga anak ni Aaron maghalad sa dugo ug magsablig niini libot sa halaran nga anaa sa pultahan sa tolda nga tagboanan.

Levitico 14:13

Patyon niya ang nating karnero nga laki sa dapit diin adto patyon ang halad tungod sa sala ug ang halad nga sunogon, sa balaang dapit, kay ang halad tungod sa paglapas sama sa halad tungod sa sala, iya sa pari. Kini labing balaan.

Levitico 3:2

Ibutang niya ang iyang kamot sa ibabaw sa ulo sa iyang halad, ug patyon niya kini didto sa pultahan sa tolda nga tagboanan ug ang mga pari, ang mga anak ni Aaron, magsablig sa dugo niini libot sa halaran.

Levitico 3:8

Ug ibutang niya ang iyang kamot ibabaw sa ulo sa iyang halad ug kini iyang patyon sa atubangan sa Tolda nga Tagboanan ug ang mga anak ni Aaron magsablig sa dugo niini libot sa halaran.

Levitico 4:24

Ibutang niya ang iyang kamot sa ibabaw sa ulo sa laking kanding ug patyon niya kini sa dapit diin patyon ang halad nga sunogon sa atubangan sa Ginoo. Kini usa ka halad tungod sa sala.

Levitico 4:29

Ibutang niya ang iyang kamot sa ibabaw sa ulo sa halad tungod sa sala ug patyon niya kini sa dapit sa halad nga sunogon.

Levitico 4:33

Ibutang niya ang iyang kamot sa ibabaw sa ulo sa halad tungod sa sala ug patyon niya kini ingon nga halad tungod sa sala didto sa dapit diin patyon ang halad nga sunogon.

Levitico 5:16

Ulian niya ang bili sa butang nga balaan nga nabuhatan niya sa kalapasan ug idugang niini ang ikalima nga bahin ug ihatag niya sa pari, ug ang pari maghimo alang kaniya sa pagtabon sa sala pinaagi sa laking karnero nga halad tungod sa paglapas, ug siya pasayloon.

Levitico 5:7

“Apan kon siya dili makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati ingon nga halad tungod sa paglapas alang sa Ginoo tungod sa sala nga iyang nahimo, ang usa ingon nga halad tungod sa sala ug ang usa ingon nga halad nga sunogon.

Levitico 5:9

Ug magwisik siya ug diyotay sa dugo sa halad tungod sa sala diha sa kilid sa halaran ug ang nahibilin sa dugo iyabo niya diha sa tungtonganan sa halaran. Kini mao ang halad tungod sa sala.

Levitico 6:25

“Sultihi si Aaron ug ang iyang mga anak nga lalaki: Kini mao ang balaod sa halad tungod sa sala. Sa dapit diin didto patyon ang halad nga sunogon, adto usab patyon ang halad tungod sa sala sa atubangan sa Ginoo. Kini butang nga labing balaan.

Levitico 6:7

Ug ang pari maghimo sa pagtabon sa sala alang kaniya sa atubangan sa Ginoo ug pasayloon siya sa bisan unsa nga mga butang nga tungod niana sad-an siya.”

Numeros 6:12

Ug iyang balaanon alang sa Ginoo ang mga adlaw sa iyang pagkaginahin ug magdala siya ug usa ka nating karnero nga laki nga usa ka tuig ang kagulangon ingon nga halad tungod sa paglapas. Apan ang unang mga adlaw dili na isipon kay nahugawan man ang iyang pagkaginahin.

Mga Hebreo 11:28

Tungod sa pagtuo iyang gihimo ang tulumanon sa Pagsaylo ug gisablig ang dugo aron siya nga naglaglag sa mga panganay dili motandog kanila.

Mga Hebreo 12:24

ug kang Jesus, ang tigpataliwala sa usa ka bag-ong kasabotan, ug sa binisibis nga dugo nga nagsulti sa labi pa ka maayong pulong kay sa dugo ni Abel.

1 Pedro 1:2

nga gipili sumala sa nahibaloan nang daan sa Dios nga Amahan ug gibalaan sa Espiritu ngadto sa pagkamasinugtanon kang Jesu-Cristo ug pagbisibis sa iyang dugo: Ang grasya ug kalinaw modagaya unta diha kaninyo.