Levitico 7:19

Ang Biblia 2011

“Ang unod nga madapat sa bisan unsa nga hugaw dili gayod kaonon, sunogon kini sa kalayo. Ang tanan nga hinlo makakaon sa unod.

Cross References

Levitico 6:27

Ang tanan nga makahikap sa unod niini mahimong balaan ug kon masablig ang dugo niini sa ibabaw sa bisti, hinloan nimo ang nasabligan didto sa dapit nga balaan.

Levitico 7:18

Kon may bisan unsa sa unod sa iyang inihaw nga halad sa pakigdait nga kaonon sa ikatulo nga adlaw, ang naghalad niini dili dawaton o isipon nga kini iya sa naghalad niini. Isipon kini nga dulumtanan, ug ang tawo nga magkaon niini magpas-an sa iyang sala.

Levitico 7:20

Apan ang tawo nga anaa sa iyang kahugaw magkaon sa unod sa inihaw nga halad sa pakigdait ngadto sa Ginoo, ang maong tawo ipahimulag gikan sa iyang katawhan.

Lucas 11:41

Apan ilimos ninyo kanang anaa sa sulod, ug tan-awa, ang tanan mahinlo alang kaninyo.

Mga Buhat 10:28

Ug siya miingon kanila, “Kamo gayod nahibalo nga supak sa balaod alang sa usa ka Judio ang pagpakigsuod o pagpamisita kang bisan kinsa nga taga-laing nasod. Apan ang Dios nagpakita kanako nga kinahanglan dili ako magtawag kang bisan kinsa nga dili putli o hugaw.

Roma 14:14

Ako nahibalo ug nagtuo gayod diha sa Ginoong Jesus nga walay butang nga hugaw sa iyang kaugalingon, apan kini hugaw alang sa tawo nga naghunahuna nga hugaw kini.

Roma 14:20

Ayaw gub-a ang buhat sa Dios tungod lang sa pagkaon. Sa pagkatinuod hinlo ang tanang butang, apan dili maayo sa usa ka tawo nga mahimong kapandolan pinaagi sa iyang gikaon.

2 Mga Taga-Corinto 6:17

Busa panggula kamo gikan kanila, ug bulag kamo gikan kanila, nag-ingon ang Ginoo, ug ayaw na kamo paghikap ug hugaw; unya dawaton ko kamo.

Tito 1:15

Alang sa mga putli, ang tanang butang putli, apan alang sa mga hugaw ug dili matinuohon, walay butang nga putli, hinuon ang ilang mga hunahuna ug tanlag mao ang hugaw.