Levitico 7:16

Ang Biblia 2011

Apan kon ang iyang inihaw nga halad usa ka sinaad o halad nga kinabubut-on, kini kaonon niya sa adlaw sa iyang paghalad ug ang mahibilin kaonon niya sa adlaw nga mosunod.

Cross References

Salmo 116:14

magbayad ako sa akong mga panaad sa Ginoo, diha sa atubangan sa tanan niyang katawhan.

Salmo 116:18

Magbayad ako sa akong mga panaad sa Ginoo diha sa atubangan sa tanan niyang katawhan,

Salmo 66:13

Mosulod ako sa imong balay uban ang mga halad nga sunogon, magtuman ako kanimo sa akong mga panaad,

Exodo 35:29

Ang tanan nga katawhan sa Israel, mga babaye ug mga lalaki nga gidasig sa ilang mga kasingkasing sa pagdala ug bisan unsa alang sa buluhaton nga gisugo sa Ginoo pinaagi kang Moises aron ilang buhaton, nagdala niini ingon nga ilang kinabubut-ong halad ngadto sa Ginoo.

Mga Panultihon 7:14

“Naghalad ako ug halad sa pagkigdait, ug karong adlawa nagtuman ako sa akong mga panaad;

Ezequiel 46:12

Sa diha nga ang pangulo mag-andam ug usa ka halad nga kinabubut-on, usa ka halad nga sunogon o mga halad sa pakigdait ingon nga usa ka halad nga kinabubut-on ngadto sa Ginoo, ang ganghaan nga nag-atubang sa silangan buksan alang kaniya, ug siya maghalad sa iyang halad nga sunogon, o sa iyang mga halad sa pakigdait, sama sa iyang buhaton panahon sa adlawng igpapahulay. Unya mogula siya, ug human sa iyang paggula tak-opan ang ganghaan.

Levitico 22:23

Ang baka nga laki o nating karnero nga adunay kapin nga bahin o kulangan sa iyang mga bahin mahimong ihalad ingon sa halad nga kinabubut-on, apan alang sa halad nga gipaanad kini dili dawaton.

Levitico 22:29

Sa diha nga mag-ihaw kamo ug halad sa mga pasalamat alang sa Ginoo, ihalad ninyo kini aron kamo dawaton niya.

Levitico 23:38

Kini wala pay labot sa mga adlaw nga igpapahulay sa Ginoo ug sa inyong mga gasa ug sa tanang mga halad nga gipanaad ninyo ug sa tanan ninyong mga halad nga kinabubut-on nga ihatag ninyo sa Ginoo.

Nahum 1:15

Tan-awa, ibabaw sa kabukiran ang mga tiil niadtong nagdala sa mga maayong balita, nga nagsangyaw sa pakigdait! Himoa ang inyong mga kasaulogan, O Juda, tumana ang inyong mga panaad, kay dili na gayod mosulong kaninyo ang daotan, nalaglag na gayod siya.

Numeros 15:3

ug maghimo kamo ug halad pinaagi sa kalayo alang sa Ginoo, usa ka halad nga inihaw nga sunogon o usa ka halad aron sa pagtuman sa usa ka panaad o ingon sa usa ka halad nga kinabubut-on o sa inyong gitakdang mga kasaulogan aron sa paghimo sa usa ka kahumot alang sa Ginoo gikan sa mga baka o gikan sa mga karnero,

Deuteronomio 12:11

unya ngadto sa dapit nga pilion sa Ginoo nga inyong Dios aron sa pagpapuyo sa iyang ngalan didto, dad-a ninyo didto ang tanan nga gisugo nako kaninyo, ang inyong mga halad nga sunogon ug ang inyong mga halad nga inihaw, ang inyong mga ikapulo ug ang mga halad nga binayaw sa inyong mga kamot ug ang tanan ninyong mga halad nga gisaad, nga inyong gisaad sa Ginoo.

Deuteronomio 12:17

Ayaw ninyo kaona sulod sa inyong mga lungsod ang ikapulo sa inyong trigo, o sa inyong bino, o sa inyong lana o sa mga kamagulangan sa inyong mga baka o sa inyong mga karnero o bisan unsa sa inyong mga halad nga gisaad nga inyong gisaad o sa inyong halad nga kinabubut-on o sa halad nga binayaw sa inyong kamot.

Deuteronomio 12:26

Apan ang mga butang nga balaan nga anaa kaninyo ug ang inyong mga halad nga gisaad dad-a ninyo ug adto kamo sa dapit nga pilion sa Ginoo

Deuteronomio 12:6

Didto mangadto kamo, ug didto dad-on ninyo ang inyong mga halad nga sunogon, ug ang inyong mga halad nga inihaw, ug ang inyong mga ikapulo ug ang halad nga binayaw sa inyong mga kamot ug ang inyong mga halad nga gisaad ug ang inyong mga halad nga kinabubut-on ug ang mga kamagulangan sa inyong mga baka ug sa inyong mga karnero.