Levitico 7:13

Ang Biblia 2011

Uban sa iyang inihaw nga halad sa pakigdait alang sa pasalamat, dad-on niya ang iyang halad uban ang mga pan nga may patubo.

Cross References

Jeremias 33:11

ang tingog sa pagmaya ug ang tingog sa kalipay, ang tingog sa pamanhonon ug ang tingog sa pangasaw-onon, ang mga tingog niadtong nag-awit samtang nagdala sila ug mga halad sa pasalamat ngadto sa balay sa Ginoo: ‘Pagpasalamat ngadto sa Ginoo sa mga panon, kay ang Ginoo maayo, kay ang iyang gugmang walay paglubad molungtad hangtod sa kahangtoran!’ Kay ibalik nako ang maayong kahimtang sa yuta sama sa una, nag-ingon ang Ginoo.

Levitico 2:12

Ingon nga halad sa unang mga abot dad-a ninyo kini ngadto sa Ginoo, apan dili kini ihalad ibabaw sa halaran ingon nga usa ka kahumot.

Levitico 23:17

Gikan sa inyong mga puluy-anan magdala kamo ug duha ka pan nga bayawon, gikan sa harina nga duha sa napulo ka bahin sa epha, kini hinimo sa pinong harina, giluto nga adunay patubo, ingon nga gikan sa unang abot alang sa Ginoo.

Levitico 23:18

Paghalad kamo uban sa pan, pito ka nating karnero nga tagsa ka tuig ang kagulangon nga walay tatsa ug usa ka laking baka nga nati ug duha ka laking karnero, kini mao ang halad nga sunogon alang sa Ginoo uban sa ilang halad nga pagkaon ug sa ilang mga halad nga ilimnon, usa ka halad pinaagi sa kalayo, usa ka kahumot alang sa Ginoo.

Amos 4:5

paghalad ug usa ka halad sa pagpasalamat gikan niadtong may patubo, ug pagsangyaw ug mga halad nga kinabubut-on ug ipahibalo kini; kay mao kini ang buot ninyong buhaton, O katawhan sa Israel!” nag-ingon ang Ginoong Dios.

Mateo 13:33

Ug misugilon siya kanila ug lain pang sambingay, “Ang gingharian sa langit sama sa patubo nga gikuha sa usa ka babaye ug gisagol niya pagmasa sa tulo ka takos nga harina hangtod nga kini mitubo.”

1 Timoteo 4:4

Kay maayo ang tanang binuhat sa Dios, ug walay ipasalikway kon gidawat kini uban sa pagpasalamat,