Levitico 7:12

Ang Biblia 2011

Kon siya maghalad niini ingon nga halad sa pasalamat uban sa inihaw nga halad sa pasalamat, maghalad siya ug mga pan nga walay patubo nga sinagolan ug lana ug mga pan nga nipis nga walay patubo nga gihidhiran ug lana ug mga torta sa pinong harina nga sinagolan ug lana.

Cross References

2 Cronicas 29:31

Unya si Hesekias miingon, “Karon kamo naghalad sa inyong kaugalingon alang sa Ginoo; duol kamo, ug pagdala ug mga halad ug mga halad sa pagpasalamat ngadto sa balay sa Ginoo.” Ug ang katilingban nagdala ug mga halad nga inihaw ug mga halad sa pagpasalamat ug ang tanan nga mahinatagon ug kasingkasing nagdala ug mga halad nga sunogon.

2 Cronicas 33:16

Iyang gipatindog pag-usab ang halaran sa Ginoo ug mihalad sa ibabaw niini ug mga inihaw ingon nga mga halad sa pakigdait ug pagpasalamat ug iyang gisugo ang Juda sa pag-alagad sa Ginoo, ang Dios sa Israel.

Nehemias 12:43

Ug sila naghalad ug mga dagkong halad niadtong adlawa ug nagmalipayon, kay ang Dios naglipay kanila uban sa dakong paglipay ug ang mga babaye usab ug ang mga kabataan naglipay, ug ang kalipay sa Jerusalem nadungog ngadto sa layo.

Salmo 107:8

Papasalamata sila sa Ginoo tungod sa iyang gugmang walay paglubad, tungod sa iyang mga katingalahang buhat alang sa mga anak sa mga tawo!

Salmo 116:17

Akong ihalad kanimo ang halad sa pasalamat, ug magsangpit ako sa ngalan sa Ginoo.

Salmo 50:23

Ang naghatag ug pasalamat ingon nga iyang halad nagpasidungog kanako; kaniya nga nagmatngon sa iyang dalan ipakita nako ang kaluwasan sa Dios.”

Jeremias 33:11

ang tingog sa pagmaya ug ang tingog sa kalipay, ang tingog sa pamanhonon ug ang tingog sa pangasaw-onon, ang mga tingog niadtong nag-awit samtang nagdala sila ug mga halad sa pasalamat ngadto sa balay sa Ginoo: ‘Pagpasalamat ngadto sa Ginoo sa mga panon, kay ang Ginoo maayo, kay ang iyang gugmang walay paglubad molungtad hangtod sa kahangtoran!’ Kay ibalik nako ang maayong kahimtang sa yuta sama sa una, nag-ingon ang Ginoo.

Oseas 14:2

Dad-a ang inyong mga pulong, ug balik ngadto sa Ginoo; ingna siya, “Kuhaa ang tanang kasal-anan; dawata ang maayo ug among ihatag ang bunga sa among mga ngabil.

Levitico 2:4

“Sa dihang ikaw maghalad ug usa ka halad nga pagkaon nga giluto diha sa hudno, kinahanglan nga kini mga pan nga walay patubo gikan sa pinong harina nga sinagolan ug lana o mga nipis nga pan nga walay patubo ug gihidhiran ug lana.

Levitico 2:5

Kon ang imong halad usa ka halad nga pagkaon nga giluto diha sa kaha nga mabaw, kinahanglan nga kini gikan sa pinong harina nga walay patubo nga sinagolan ug lana.

Levitico 22:29

Sa diha nga mag-ihaw kamo ug halad sa mga pasalamat alang sa Ginoo, ihalad ninyo kini aron kamo dawaton niya.

Levitico 6:16

Ug ang nahibilin niini kaonon ni Aaron ug sa iyang mga anak nga lalaki. Kini kaonon nga walay patubo diha sa dapit nga balaan, sa hawanan sa tolda nga tagboanan kini kaonon nila.

Levitico 7:15

Ang unod sa iyang inihaw nga halad sa pakigdait alang sa pasalamat kaonon sa adlaw sa iyang paghalad niini. Dili siya magbilin ug bisan unsa gikan niini hangtod sa pagkabuntag.

Amos 4:5

paghalad ug usa ka halad sa pagpasalamat gikan niadtong may patubo, ug pagsangyaw ug mga halad nga kinabubut-on ug ipahibalo kini; kay mao kini ang buot ninyong buhaton, O katawhan sa Israel!” nag-ingon ang Ginoong Dios.

Numeros 6:15

ug usa ka bukag nga pan nga walay patubo, torta nga gikan sa pinong harina nga sinagolan ug lana ug mga pan nga nipis nga dinihogan ug lana ug ang halad nga pagkaon niini, ug ang ilang mga halad nga ilimnon.

Lucas 17:16

Ug siya mihapa sa tiilan ni Jesus ug nagpasalamat kaniya. Ug kadto siya usa ka Samarianhon.

Lucas 17:18

Wala ba kanilay mibalik ug nagdayeg sa Dios gawas niining langyaw?”

Roma 1:21

kay bisan ug nahibalo sila sa Dios, wala nila siya pasidunggi ingon nga Dios o magpasalamat sila kaniya, hinuon ang ilang pangatarongan nahimong walay hinungdan ug gingitngitan ang ilang walay buot nga kasingkasing.

Mga Taga-Efeso 5:20

Sa tanang higayon magpasalamat kamo ngadto sa Dios nga Amahan tungod sa tanang mga butang, diha sa ngalan sa atong Ginoong Jesu-Cristo.

Mga Hebreo 13:15

Busa pinaagi kaniya himoon nato sa kanunay ang halad sa pagdayeg ngadto sa Dios, sa ato pa, sa bunga sa mga ngabil nga nag-ila sa iyang ngalan.

1 Pedro 2:5

Ug ang inyong kaugalingon usab, ingon nga mga buhi nga bato, ipahimo ninyong espirituhanon nga balay, alang sa balaan nga pagkapari, aron sa paghalad ug espirituhanong mga halad nga kahimut-an sa Dios pinaagi kang Jesu-Cristo.