Levitico 7:1

Ang Biblia 2011

“Kini mao ang balaod sa halad tungod sa paglapas. Kini labing balaan.

Cross References

2 Cronicas 31:14

Ug si Kore nga anak nga lalaki ni Imna nga Levihanon, ang tigbantay sa silangan nga ganghaan, maoy tinugyanan sa mga kinabubut-ong mga halad ngadto sa Dios, sa pagbahinbahin sa mga halad nga gigahin alang sa Ginoo ug sa labing balaan nga mga halad.

Ezequiel 40:39

Ug didto sa agianan sa ganghaan may duha ka lamisa sa matag kilid, diin adto ihawon ang halad nga sunogon ug ang halad tungod sa sala ug ang halad tungod sa paglapas.

Ezequiel 44:29

Sila magkaon sa mga halad pagkaon ug sa halad tungod sa sala ug sa halad tungod sa paglapas, ug ang tanang butang nga gigahin sa Israel maangkon nila.

Ezequiel 46:20

Ug siya miingon kanako, “Kini mao ang dapit diin pabukalan sa mga pari ang halad tungod sa paglapas ug ang halad tungod sa sala, ug diin lutoon nila ang halad nga pagkaon, aron dili nila kini dad-on ngadto sa gawas nga hawanan ug nga makatakod sa pagkabalaan ngadto sa katawhan.”

Levitico 21:22

Makakaon siya sa pan sa iyang Dios, sa labing balaan ug sa mga balaang butang,

Levitico 5:11

“Apan kon dili siya makaabot sa pagdala ug duha ka tukmo o duha ka kuyabog sa salampati, ingon nga halad tungod sa sala nga iyang nahimo, magdala siya ug ikanapulo nga bahin sa usa ka epha nga pinong harina alang sa halad tungod sa sala. Dili niya kini butangan ug lana o butangan ug insenso kay kini halad tungod sa sala.

Levitico 5:14

Ang Ginoo miingon kang Moises,

Levitico 5:15

“Kon adunay tawo nga makalapas ug makasala nga wala tuyoa sa mga butang nga gibalaan alang sa Ginoo, kinahanglan nga magdala siya ingon nga iyang halad sa paglapas ngadto sa Ginoo, usa ka laking karnero nga walay tatsa gikan sa panon nga gibilihan ug tinimbang nga plata sumala sa siklo sa balaang dapit. Kini usa ka halad tungod sa paglapas.

Levitico 5:7

“Apan kon siya dili makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati ingon nga halad tungod sa paglapas alang sa Ginoo tungod sa sala nga iyang nahimo, ang usa ingon nga halad tungod sa sala ug ang usa ingon nga halad nga sunogon.

Levitico 5:8

Dad-on niya kini ngadto sa pari nga maoy maghalad pag-una sa usa ingon nga halad tungod sa sala. Lungison sa pari ang ulo niini gikan sa liog apan dili niya bulagbulagon.

Levitico 6:17

Kini dili lutoon nga may patubo. Kini akong gihatag kanila ingon nga ilang bahin gikan sa akong mga halad pinaagi sa kalayo. Kini butang nga labing balaan sama sa halad tungod sa sala ug sa halad tungod sa paglapas.

Levitico 6:25

“Sultihi si Aaron ug ang iyang mga anak nga lalaki: Kini mao ang balaod sa halad tungod sa sala. Sa dapit diin didto patyon ang halad nga sunogon, adto usab patyon ang halad tungod sa sala sa atubangan sa Ginoo. Kini butang nga labing balaan.

Numeros 6:12

Ug iyang balaanon alang sa Ginoo ang mga adlaw sa iyang pagkaginahin ug magdala siya ug usa ka nating karnero nga laki nga usa ka tuig ang kagulangon ingon nga halad tungod sa paglapas. Apan ang unang mga adlaw dili na isipon kay nahugawan man ang iyang pagkaginahin.