Levitico 6:7

Ang Biblia 2011

Ug ang pari maghimo sa pagtabon sa sala alang kaniya sa atubangan sa Ginoo ug pasayloon siya sa bisan unsa nga mga butang nga tungod niana sad-an siya.”

Cross References

Exodo 34:7

nagpadayon sa gugmang walay paglubad ngadto sa mga linibo, nagpasaylo sa pagkadaotan ug sa pagkamalapason ug sa sala, apan dili magpalingkawas sa sad-an, nagsilot sa mga sala sa mga ginikanan diha sa mga anak ug sa mga anak sa mga anak ngadto sa ikatulo ug ikaupat nga kaliwatan.”

Isaias 1:18

“Dali ngari, maghusay kita, nag-ingon ang Ginoo; bisan ug ang inyong mga sala pula kaayo, himoon kining puti kaayo, bisan pa ug kini lutong pula, kini mahimong sama sa puting balhibo sa karnero.

Ezequiel 33:19

Ug sa diha nga ang daotan mobiya gikan sa iyang pagkadaotan, ug magbuhat sa unsay uyon sa balaod ug sa matarong, siya mabuhi pinaagi niini.

Levitico 2:1

“Sa dihang adunay magdala ug halad nga pagkaon alang sa Ginoo, kinahanglan nga ang iyang ihalad pinong harina, ug buboan niya kini ug lana ug butangan niya ug insenso ang ibabaw niini.

Levitico 4:20

Mao kini ang iyang buhaton sa torong baka, sama sa iyang gibuhat sa torong baka nga halad tungod sa sala, busa buhaton usab niya kini. Ang pari maghimo sa pagtabon sa sala alang kanila ug pasayloon sila.

Levitico 4:26

Ug sunogon niya ang tanan nga tambok niini sa ibabaw sa halaran sama sa tambok sa inihaw nga halad sa pakigdait. Busa ang pari maghimo ug pagtabon sa sala alang kaniya, alang sa iyang sala, ug pasayloon siya.

Levitico 4:31

Ug iyang kuhaon gikan niini ang tanang tambok sama sa pagkuha sa tambok sa inihaw nga halad sa pakigdait, ug ang pari magsunog niini sa ibabaw sa halaran ingon nga usa ka kahumot alang sa Ginoo, ug ang pari maghimo ug pagtabon sa sala alang sa maong tawo ug pasayloon siya.

Levitico 5:10

Unya ihalad niya ang ikaduha ingon nga halad nga sunogon sumala sa tulumanon ug ang pari maghimo sa pagtabon sa sala alang kaniya tungod sa sala nga iyang nabuhat, ug pasayloon siya.

Levitico 5:13

Ug ang pari maghimo ug pagtabon sa sala alang kaniya tungod sa sala nga iyang nabuhat ug siya pasayloon. Ang mahibilin maiya sa pari, sama sa halad nga pagkaon.”

Levitico 5:18

Magdala siya ngadto sa pari ug usa ka laking karnero nga walay tatsa gikan sa panon nga gibilihan ingon nga halad tungod sa paglapas, ug ang pari maghimo sa pagtabon sa sala alang kaniya tungod sa sayop nga iyang nabuhat nga wala tuyoa, ug siya pasayloon.

Levitico 6:8

Ang Ginoo miingon kang Moises,

Levitico 7:2

Sa dapit diin patyon nila ang halad nga sunogon, adto nila patyon ang halad tungod sa paglapas ug ang dugo niini isablig libot sa halaran.

Miqueas 7:18

Kinsa ba ang Dios nga sama kanimo, nga nagpasaylo sa kasal-anan ug mopalabay lamang sa mga kalapasan sa salin sa iyang panulundon? Siya wala maghupot sa iyang kasuko hangtod sa kahangtoran, kay siya malipay diha sa gugmang walay paglubad.

Mateo 12:31

Busa sultihan ko kamo nga ang tanang sala ug pagpasipala sa tawo mapasaylo, apan ang pagpasipala batok sa Espiritu dili gayod mapasaylo.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

1 Juan 1:9

Kon isugid nato ang atong mga sala, siya kasaligan ug matarong nga mopasaylo kanato sa atong mga sala ug maghinlo kanato gikan sa tanang pagkadili matarong.