Levitico 6:27

Ang Biblia 2011

Ang tanan nga makahikap sa unod niini mahimong balaan ug kon masablig ang dugo niini sa ibabaw sa bisti, hinloan nimo ang nasabligan didto sa dapit nga balaan.

Cross References

Exodo 29:37

Sulod sa pito ka adlaw himoa ang pagtabon sa mga sala alang sa halaran ug balaana kini, ug ang halaran mahimo nga labing balaan. Bisan unsang butang nga madapat sa halaran, mahimong balaan.

Exodo 30:29

Ug ihalad kini aron kini mahimo nga labing balaan. Ang tanan nga masaghid niini mahimong balaan.

Ezequiel 44:19

Ug sa diha nga sila mogula ngadto sa gawas nga hawanan, ngadto sa katawhan, hukason nila ang ilang bisti nga maoy gisul-ob nila sa ilang pag-alagad, ug hiposon kini didto sa mga balaang lawak, ug isul-ob nila ang laing mga bisti aron sila dili makatakod sa pagkabalaan ngadto sa katawhan pinaagi sa ilang mga bisti.

Levitico 11:32

Ug bisan unsa nga mahulogan sa usa niini sa dihang patay na kini mahugaw ang maong butang, sudlanan man nga kahoy o bisti o panit o sako o bisan unsa nga sudlanan nga gamiton sa bisan unsang tuyo. Ihumol kini sa tubig ug hugaw kini hangtod sa pagkakilomkilom, unya mahinlo na kini.

Levitico 6:18

Ang tanang lalaki sa mga anak ni Aaron makakaon niini, ingon nga gisugo hangtod sa kahangtoran sa tibuok ninyong mga kaliwatan, gikan sa mga halad alang sa Ginoo pinaagi sa kalayo. Ang tanan nga makahikap niini mahimong balaan.”

Levitico 7:19

“Ang unod nga madapat sa bisan unsa nga hugaw dili gayod kaonon, sunogon kini sa kalayo. Ang tanan nga hinlo makakaon sa unod.

Hageo 2:12

‘Kon adunay magdala ug balaang unod sa sidsid sa iyang bisti ug magkasaghid sa sidsid ang pan o sud-an o bino o lana o bisan unsa nga pagkaon, mahimo ba kini nga balaan?’ ” Ug ang mga pari mitubag, “Dili.”

Mateo 14:36

Ug nagpakiluoy sila kaniya nga pahikapon lamang unta sila sa sidsid sa iyang bisti ug nangaayo ang tanang nakahikap niini.

Mateo 9:21

kay siya nag-ingon sa iyang kaugalingon, “Kon makahikap lang ako sa iyang bisti, mamaayo gayod ako.”

2 Mga Taga-Corinto 7:1

Kay nakabaton man kita niining maong mga saad, mga hinigugma, hinloan nato ang atong kaugalingon sa tanang kahugaw sa unod ug sa espiritu, ug hingpiton nato ang pagkabalaan diha sa pagkahadlok sa Dios.

2 Mga Taga-Corinto 7:11

Kay tan-awa unsa kamatinud-anon ang misangpot diha kaninyo tungod sa inyong diosnon nga pagkasubo, unsa kaikag pagpanalipod, kasuko, kahadlok, tinguha, pagkamainiton, pagsilot! Sa kinatibuk-an kamo nakapamatuod nga kamo dili sad-an sa maong butang.