Levitico 6:26

Ang Biblia 2011

Ang pari nga maghalad niini alang sa sala mokaon niini. Kaonon kini diha sa dapit nga balaan, sa hawanan sa tolda nga tagboanan.

Cross References

Exodo 40:33

Ug gipatindog niya ang hawanan libot sa Tolda ug sa halaran, ug gitaod niya ang tabil sa ganghaan sa hawanan. Busa nahuman ni Moises ang buluhaton.

Ezequiel 42:13

Unya siya miingon kanako, “Ang mga lawak sa amihanan ug ang mga lawak sa habagatan nga anaa sa atbang sa luna mao ang balaan nga mga lawak, diin ang mga pari nga moduol sa Ginoo magkaon sa labing balaan nga mga halad. Didto nila ibutang ang labing balaan nga mga halad, ang halad nga pagkaon ug ang halad tungod sa sala ug ang halad tungod sa paglapas, kay ang dapit balaan.

Ezequiel 46:20

Ug siya miingon kanako, “Kini mao ang dapit diin pabukalan sa mga pari ang halad tungod sa paglapas ug ang halad tungod sa sala, ug diin lutoon nila ang halad nga pagkaon, aron dili nila kini dad-on ngadto sa gawas nga hawanan ug nga makatakod sa pagkabalaan ngadto sa katawhan.”

Oseas 4:8

Nagkaon sila diha sa sala sa akong katawhan; sila hangol sa ilang kasal-anan.

Levitico 6:16

Ug ang nahibilin niini kaonon ni Aaron ug sa iyang mga anak nga lalaki. Kini kaonon nga walay patubo diha sa dapit nga balaan, sa hawanan sa tolda nga tagboanan kini kaonon nila.

Levitico 6:17

Kini dili lutoon nga may patubo. Kini akong gihatag kanila ingon nga ilang bahin gikan sa akong mga halad pinaagi sa kalayo. Kini butang nga labing balaan sama sa halad tungod sa sala ug sa halad tungod sa paglapas.

Levitico 6:29

Ang tanan nga lalaki sa banay sa mga pari mokaon niini. Kini labing balaan.

Levitico 7:7

Ang halad tungod sa paglapas sama sa halad tungod sa sala, usa lamang ka balaod ang alang niini, ang pari nga maghimo sa pagtabon sa sala pinaagi niini makabaton niini.

1 Mga Taga-Corinto 9:13

Wala ba kamo masayod nga kadtong nag-alagad sa Templo nagkaon sa unsay gikan sa Templo, ug kadtong nag-alagad sa halaran nagdawat ug bahin gikan sa mga halad nga inihaw?