Levitico 6:20

Ang Biblia 2011

“Kini mao ang ihalad ni Aaron ug sa iyang mga anak nga lalaki ngadto sa Ginoo sa adlaw nga siya dihogan: ikanapulo nga bahin sa usa ka epha nga pinong harina ingon nga naandang halad nga pagkaon, ang katunga niini sa buntag ug ang katunga niini sa hapon.

Cross References

1 Cronicas 23:29

Motabang usab sila diha sa pag-andam sa pan nga ihalad, sa harina alang sa halad nga pagkaon, sa nigpis nga pan nga walay patubo, sa halad nga giluto sa hudno, sa halad nga minasa ug harina ug ang tanang sukod sa gidaghanon ug sa gidak-on.

Exodo 16:36

Ang usa ka omer mao ang ikapulo nga bahin sa epha.

Exodo 29:2

ug pan nga walay patubo, mga torta nga walay patubo nga sinagolan ug lana, ug mga pan nga nigpis nga walay patubo nga gisagolan ug lana. Himoa kini gikan sa pino nga harina sa trigo.

Levitico 23:13

Ang halad nga pagkaon uban niini, nga duha sa napulo ka bahin sa usa ka epha nga pinong harina nga sinagolan ug lana, ihalad kini pinaagi sa kalayo alang sa Ginoo, usa ka kahumot. Ug ang halad nga ilimnon ikaupat nga bahin sa usa ka hin nga bino.

Levitico 5:1

“Kon adunay tawo nga makasala ingon nga siya nakadungog man ug tawag sa pagsaksi, ug nga bisan tuod siya saksi, kay nakakita man siya o nahibalo apan siya dili mosulti, siya magpas-an sa iyang sala.

Levitico 5:11

“Apan kon dili siya makaabot sa pagdala ug duha ka tukmo o duha ka kuyabog sa salampati, ingon nga halad tungod sa sala nga iyang nahimo, magdala siya ug ikanapulo nga bahin sa usa ka epha nga pinong harina alang sa halad tungod sa sala. Dili niya kini butangan ug lana o butangan ug insenso kay kini halad tungod sa sala.

Levitico 6:11

Unya huboon niya ang iyang mga bisti ug magsul-ob siya ug lain nga mga bisti ug dad-on niya ang abo ngadto sa gawas sa kampo, ngadto sa dapit nga hinlo.

Levitico 6:19

Ang Ginoo miingon kang Moises,

Numeros 28:10

Kini mao ang halad nga sunogon alang sa matag adlaw nga igpapahulay, dugang sa magpadayon nga halad nga sunogon ug sa halad nga ilimnon niini.

Numeros 28:3

Ug ingna sila, Kini mao ang halad nga pinaagi sa kalayo nga ihalad ninyo sa Ginoo: duha ka nating karnero nga laki nga walay tatsa nga usa ka tuig ang kagulangon sa matag adlaw ingon nga halad nga sunogon nga magpadayon.

Numeros 4:16

“Ug ang katungdanan ni Eleasar nga anak ni Aaron nga pari mao ang pag-atiman sa lana alang sa suga, sa humot nga insenso, sa mapadayonon nga halad nga pagkaon ug ang pag-atiman sa lana nga igdidihog ug ang pagdumala sa tibuok nga Tolda ug sa tanan nga anaa niini, ang balaang dapit ug ang mga galamiton niini.”

Mga Hebreo 5:1

Kay ang matag labawng pangulong pari nga gipili gikan sa mga tawo gitudlo aron mag-alagad sa Dios alang sa mga tawo, sa paghalad ug mga gasa ug mga halad alang sa mga sala.

Mga Hebreo 7:27

Lahi sa uban nga mga labawng pangulong pari, siya wala magkinahanglan sa adlaw-adlaw nga paghimo ug mga paghalad, una alang sa iyang kaugalingong mga sala ug unya alang sa mga sala sa katawhan. Kini gihimo niya sa makausa lamang alang sa tanang panahon sa paghalad niya sa iyang kaugalingon.