Levitico 6:15

Ang Biblia 2011

Gikan niini siya magkuha ug usa ka hakop nga pinong harina sa halad nga pagkaon uban sa lana niini ug ang tanan nga insenso nga anaa sa ibabaw sa halad nga pagkaon, ug sunogon niya kini ibabaw sa halaran ingon nga handomanan niini, usa ka kahumot alang sa Ginoo.

Cross References

Exodo 27:21

Sulod sa tolda nga tagboanan sa gawas sa tabil nga anaa sa atubangan sa pagpamatuod, si Aaron ug ang iyang mga anak nga lalaki mao ang mag-atiman gikan sa hapon hangtod sa buntag atubangan sa Ginoo. Kini mahimong tulumanon hangtod sa kahangtoran nga tumanon sa katawhan sa Israel ngadto sa ilang mga kaliwatan.

Levitico 2:2

Unya dad-on niya kini ngadto sa mga anak ni Aaron, ang mga pari. Unya ang pari magkuha ug usa ka hakop sa pinong harina ug sa lana, uban ang tanan nga insenso niini. Ug kini sunogon sa pari ingon nga handomanan niini ibabaw sa halaran, halad pinaagi sa kalayo, usa ka kahumot alang sa Ginoo.

Levitico 2:9

Ang pari magkuha ug diyotay gikan sa halad nga pagkaon alang sa handomanan niini, ug sunogon kini ibabaw sa halaran, halad pinaagi sa kalayo, usa ka kahumot alang sa Ginoo.

Levitico 3:17

Kini usa ka tulumanon nga dayon alang sa inyong mga kaliwatan, sa tanan ninyong mga puluy-anan, aron dili kamo magkaon ug tambok o dugo.”

Levitico 6:14

“Kini mao ang balaod sa halad nga pagkaon. Ang mga anak ni Aaron maghalad niini atubangan sa Ginoo diha sa atubangan sa halaran.