Levitico 5:7

Ang Biblia 2011

“Apan kon siya dili makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati ingon nga halad tungod sa paglapas alang sa Ginoo tungod sa sala nga iyang nahimo, ang usa ingon nga halad tungod sa sala ug ang usa ingon nga halad nga sunogon.

Cross References

Levitico 12:6

“Kon ang mga adlaw sa pagputli kaniya matuman na, tungod ba sa anak nga lalaki o tungod sa anak nga babaye, kinahanglang magdala siya ug usa ka nating karnero nga usa ka tuig ang kagulangon ingon nga halad nga sunogon, ug usa ka kuyabog sa salampati o usa ka tukmo ingon nga halad tungod sa sala. Dad-on kini ngadto sa pultahan sa tolda nga tagboanan ngadto sa pari.

Levitico 12:8

Kon dili siya makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati, ang usa alang sa halad nga sunogon ug ang usa sa halad tungod sa sala. Ug ang pari maghimo sa pagtabon sa sala alang kaniya ug mahinlo siya.”

Levitico 14:30

Ihalad usab niya ang usa sa mga tukmo o sa mga kuyabog sa salampati sumala sa iyang maabot,

Levitico 14:31

ang usa alang sa halad tungod sa sala ug ang usa alang sa halad nga sunogon uban sa halad nga pagkaon. Ug ang pari maghimo ug pagtabon sa sala alang sa tawo nga gihinloan sa atubangan sa Ginoo.”

Levitico 15:30

Ang pari maghalad sa usa ka langgam ingon nga halad tungod sa sala ug ang usa ingon nga halad nga sunogon, ug ang pari maghimo sa pagtabon sa sala alang kaniya sa atubangan sa Ginoo tungod sa pagkahugaw sa iyang pagdugo.

Levitico 16:5

Gikan sa katilingban sa katawhan sa Israel, magkuha siya ug duha ka laki nga kanding alang sa halad tungod sa sala ug usa ka laking karnero alang sa halad nga sunogon.

Levitico 27:8

Apan kon siya kabos kaayo sa pagbayad sa bili nga imong gihatag, dad-on siya ngadto sa atubangan sa pari, ug ang pari magbanabana sa iyang bili sumala sa mahimo sa nanaad, ang pari maghatag kaniya ug bili.

Levitico 5:11

“Apan kon dili siya makaabot sa pagdala ug duha ka tukmo o duha ka kuyabog sa salampati, ingon nga halad tungod sa sala nga iyang nahimo, magdala siya ug ikanapulo nga bahin sa usa ka epha nga pinong harina alang sa halad tungod sa sala. Dili niya kini butangan ug lana o butangan ug insenso kay kini halad tungod sa sala.

Levitico 7:1

“Kini mao ang balaod sa halad tungod sa paglapas. Kini labing balaan.

Levitico 9:3

Ug sultihi ang katawhan sa Israel, ‘Pagkuha kamo ug usa ka laking kanding alang sa halad tungod sa sala, ug usa ka nating baka ug usa ka nating karnero, kining duha tagsa ka tuig ang kagulangon ug walay tatsa, alang sa halad nga sunogon,

Numeros 5:6

“Sultihi ang katawhan sa Israel: Sa diha nga ang usa ka lalaki o usa ka babaye makabuhat ug bisan unsa nga sala nga gibuhat sa mga tawo pinaagi sa paglapas ug nakalapas batok sa Ginoo, ug ang maong tawo sad-an,

Numeros 6:10

Sa ikawalo nga adlaw magdala siya ug duha ka tukmo o duha ka kuyabog sa salampati ngadto sa pari didto sa pultahan sa tolda nga tagboanan.

Numeros 6:11

Unya ang pari maghalad sa usa ingon nga halad tungod sa sala ug ang usa ingon nga halad nga sunogon ug himoon sa pari ang pagtabon sa sala alang kaniya, kay nakasala man siya tungod sa minatay ug balaanon ang iyang ulo nianang adlawa.

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Mateo 21:12

Unya si Jesus misulod sa Templo ug iyang gihinginlan ang tanang namaligya ug namalit diha sa Templo ug iyang gipanglimbuwad ang mga lamisa sa mga tigpangilis ug salapi ug ang mga lingkoranan sa mga namaligya ug salampati.

Mateo 3:16

Ug sa gibautismohan na si Jesus, siya mihaw-as dayon gikan sa tubig, ug unya naabli ang kalangitan ug iyang nakita ang Espiritu sa Dios nga mikunsad daw salampati, ug mitugdon kaniya.

Lucas 2:24

ug maghatag sila ug halad sumala sa giingon sa balaod sa Ginoo, “usa ka parisan nga tukmo, o duha ka salampati nga kuyabog.”

2 Mga Taga-Corinto 8:12

Kay kon anaa ang pagkamatinguhaon, kini kahimut-an sumala sa unsay anaa sa tawo, dili sumala sa unsay wala kaniya.