Levitico 5:5

Ang Biblia 2011

Kon sad-an siya sa usa niini, isugid niya ang sala nga iyang nahimo,

Cross References

Job 33:27

ug siya mag-awit sa atubangan sa mga tawo ug moingon, ‘Ako nakasala, ug gituis nako ang matarong, ug kini wala magpulos kanako.

Salmo 32:5

Giila nako ang akong sala nganha kanimo, ug wala nako tagoi ang akong kasal-anan; miingon ako, “Isugid nako ang akong kalapasan ngadto sa Ginoo,” unya imong gipasaylo ang pagkadaotan sa akong sala. Selah

Mga Panultihon 28:13

Siya nga nagtabon sa iyang kalapasan dili mouswag, apan siya nga nagsugid ug nagbiya niini makakab-ot ug kaluoy.

Jeremias 3:13

Angkona lamang ang imong kasal-anan, nga ikaw misupil batok sa Ginoo nga imong Dios, ug nagsabwag sa imong mga pagpahimuot ngadto sa mga langyaw ilalom sa matag lunhawng kahoy, ug wala nimo pamatia ang akong tingog, nag-ingon ang Ginoo.

Daniel 9:4

Ako nag-ampo sa Ginoo nga akong Dios ug misugid nga nag-ingon, “O Ginoo, ang dako ug makalilisang nga Dios nga nagtuman sa kasabotan ug sa gugmang walay paglubad ngadto kanila nga nahigugma kaniya ug nagtuman sa iyang mga sugo,

Levitico 16:21

Ibutang ni Aaron ang duha niya ka kamot sa ibabaw sa ulo sa kanding nga buhi ug isugid niya sa ibabaw niini ang tanan nga kasal-anan sa katawhan sa Israel ug ang tanan nila nga mga kalapasan, ang tanan nila nga mga sala. Ug kini ibutang niya sa ibabaw sa ulo sa kanding ug ipadala kini ngadto sa kamingawan pinaagi sa kamot sa usa ka tawo nga tinudlo alang niini.

Levitico 26:40

“Apan kon isugid nila ang ilang pagkadaotan ug ang pagkadaotan sa ilang mga katigulangan tungod sa ilang kalapasan nga ilang gihimo batok kanako, ug kay naglakaw man sila batok kanako,

Levitico 5:13

Ug ang pari maghimo ug pagtabon sa sala alang kaniya tungod sa sala nga iyang nabuhat ug siya pasayloon. Ang mahibilin maiya sa pari, sama sa halad nga pagkaon.”

Numeros 5:7

kinahanglang isugid niya ang iyang sala nga iyang nahimo ug bayran niya ang tanan gayod tungod sa iyang sala ug kini pun-an niya sa ikalima nga bahin ug ihatag ngadto sa iyang nabuhatan ug sayop.

Roma 10:10

Kay ang tawo magtuo diha sa iyang kasingkasing ngadto sa pagkamatarong ug siya magsugid pinaagi sa iyang baba ngadto sa iyang kaluwasan.

Josue 7:19

Unya si Josue miingon kang Acan, “Anak ko, ihatag ang himaya sa Ginoo, ang Dios sa Israel ug dayega siya. Ug sultihi ako karon kon unsay imong nabuhat; ayaw kini itago kanako.”