Levitico 4:7

Ang Biblia 2011

Ang pari magbutang ug dugo sa ibabaw sa mga sungaysungay sa halaran sa insenso nga humot nga anaa sa tolda nga tagboanan sa atubangan sa Ginoo. Ug ang nahibilin nga dugo sa torong baka iyabo niya diha sa tungtonganan sa halaran sa halad nga sunogon nga anaa sa pultahan sa tolda nga tagboanan.

Cross References

Salmo 118:27

Ang Ginoo mao ang Dios, ug siya naghatag kanato ug kahayag. Bangana ang halad uban sa mga sanga, ngadto sa mga sungaysungay sa halaran!

Exodo 29:12

Ug pagkuha ug dugo sa torong baka, ug ibutang kini sa mga sungaysungay sa halaran pinaagi sa imong tudlo ug ang tanang dugo nga nahibilin ihuwad sa tiilan sa halaran.

Levitico 1:5

Patyon niya ang torong baka sa atubangan sa Ginoo ug ang mga pari nga mga anak ni Aaron maghalad sa dugo ug magsablig niini libot sa halaran nga anaa sa pultahan sa tolda nga tagboanan.

Levitico 16:18

Unya mogula siya ngadto sa halaran nga anaa sa atubangan sa Ginoo ug maghimo siya sa pagtabon sa sala alang niini ug magkuha siya sa dugo sa torong baka ug sa dugo sa kanding ug iya kining ilibot pagbutang sa ibabaw sa mga sungaysungay sa halaran.

Levitico 4:18

Siya magbutang ug dugo sa ibabaw sa mga sungaysungay sa halaran nga anaa sa atubangan sa Ginoo sa sulod sa tolda nga tagboanan, ug ibubo niya ang nahibilin nga dugo ngadto sa tungtonganan sa halaran sa halad nga sunogon nga anaa sa pultahan sa tolda nga tagboanan.

Levitico 4:25

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang dugo niini diha sa tungtonganan sa halaran sa halad nga sunogon.

Levitico 4:30

Ug ang pari magkuha ug diyotay nga dugo pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang nahibilin nga dugo niini diha sa tungtonganan sa halaran.

Levitico 4:34

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang nahibilin nga dugo diha sa tungtonganan sa halaran.

Levitico 5:9

Ug magwisik siya ug diyotay sa dugo sa halad tungod sa sala diha sa kilid sa halaran ug ang nahibilin sa dugo iyabo niya diha sa tungtonganan sa halaran. Kini mao ang halad tungod sa sala.

Levitico 6:30

Walay halad tungod sa sala nga kaonon nga ang dugo niini gidala ngadto sa tolda nga tagboanan aron himoon ang pagtabon sa sala didto sa dapit nga balaan. Kini sunogon sa kalayo.

Levitico 8:15

Gipatay kini ni Moises ug gikuha niya ang dugo ug pinaagi sa iyang tudlo gibutang niya kini diha sa mga sungaysungay sa halaran sa palibot ug giputli niya ang halaran. Unya gibubo niya ang uban nga dugo diha sa tungtonganan sa halaran ug kini gibalaan niya aron sa paghimo ug pagtabon sa sala alang niini.

Levitico 9:9

Ug ang dugo gidala sa mga anak nga lalaki ni Aaron ngadto kaniya ug iyang gituslob ang iyang tudlo sa dugo ug gibutang niya ang dugo sa ibabaw sa mga sungaysungay sa halaran ug gibubo niya ang uban nga dugo diha sa tungtonganan sa halaran.

Mga Taga-Efeso 2:13

Apan karon, diha kang Cristo Jesus, kamo nga kaniadto layo, karon gipaduol na pinaagi sa dugo ni Cristo.

Mga Hebreo 9:15

Busa siya mao ang tigpataliwala sa usa ka bag-ong kasabotan, aron ang mga gipanawag makadawat sa gisaad nga panulundon nga dayon, kay nahitabo man ang usa ka kamatayon nga nagtubos kanila gikan sa mga kalapasan nga nahimo ilalom sa unang kasabotan.

Mga Hebreo 9:21

Ug sa samang paagi iyang giwisikan ug dugo ang tolda ug ang tanang galamiton sa pagsimba.

Gipadayag 6:9

Ug sa pagbukas niya sa ikalimang silyo, akong nakita nga sa ilalom sa halaran diha ang mga kalag sa mga gipamatay tungod sa pulong sa Dios ug tungod sa pagpamatuod nga ilang gihimo.