Levitico 4:6

Ang Biblia 2011

Ituslob sa pari ang iyang tudlo sa dugo, ug iwisik niya ang dugo sa makapito sa atubangan sa Ginoo, atubangan sa tabil sa balaan nga dapit.

Cross References

Exodo 40:21

Ug gidala niya ang sudlanan ngadto sa Tolda, ug gitaod niya ang tabil ug gitabilan niya ang sudlanan sa pagpamatuod sumala sa gisugo sa Ginoo kang Moises.

Exodo 40:26

Gibutang niya ang halaran nga bulawan sulod sa tolda nga tagboanan sa atubangan sa tabil.

Levitico 14:16

ug ituslob niya ang iyang tuong tudlo sa lana nga anaa sa iyang wala nga kamot ug magwisik siya ug lana pinaagi sa iyang tudlo sa makapito sa atubangan sa Ginoo.

Levitico 14:18

Ang mahibilin sa lana nga anaa sa iyang kamot ibutang niya sa ibabaw sa ulo sa tawo nga hinloan. Ug ang pari maghimo ug pagtabon sa sala alang kaniya sa atubangan sa Ginoo.

Levitico 14:27

ug pinaagi sa iyang tuong tudlo ang pari magwisik sa lana nga anaa sa iyang kamot nga wala sa makapito sa atubangan sa Ginoo.

Levitico 14:7

Ug magwisik siya sa makapito ibabaw sa sanlahon nga hinloan ug siya magpahibalo nga ang maong tawo hinlo na ug buhian ang langgam nga buhi ngadto sa hawan nga kapatagan.

Levitico 16:14

Magkuha siya sa dugo sa torong baka, ug iwisik niya kini pinaagi sa iyang tudlo ngadto sa silangan nga bahin sa tabon, ug sa atubangan sa tabon magwisik siya ug dugo pinaagi sa iyang tudlo sa makapito.

Levitico 16:19

Sa makapito wisikan niya ug dugo ang ibabaw niini pinaagi sa iyang tudlo, ug maghinlo niini ug magbalaan niini gikan sa mga kahugawan sa katawhan sa Israel.

Levitico 25:8

“Mag-ihap ikaw ug pito ka tuig sa pahulay alang kanimo, pito ka pito ka tuig, ug niana ang mga adlaw sa pito ka tuig sa pahulay mahimo kanimo nga 49 ka tuig.

Levitico 26:18

Kon nianang mga butanga dili gihapon kamo mamati kanako, kastigohon ko kamo ug pito ka pilo tungod sa inyong mga sala.

Levitico 26:24

ako usab maglakaw batok kaninyo ug ako gayod maghampak kaninyo sa pito ka pilo tungod sa inyong mga sala.

Levitico 26:28

ako maglakaw batok kaninyo nga adunay kaligutgot ug kastigohon ko kamo pag-usab sa pito ka pilo tungod sa inyong mga sala.

Levitico 4:17

ug ituslob sa pari ang iyang tudlo sa dugo niini ug iwisik kini sa makapito sa atubangan sa Ginoo, sa atubangan sa tabil.

Levitico 4:25

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang dugo niini diha sa tungtonganan sa halaran sa halad nga sunogon.

Levitico 4:30

Ug ang pari magkuha ug diyotay nga dugo pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang nahibilin nga dugo niini diha sa tungtonganan sa halaran.

Levitico 4:34

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang nahibilin nga dugo diha sa tungtonganan sa halaran.

Levitico 8:11

Giwisikan niya ug lana ang ibabaw sa halaran sa makapito ug gidihogan niya ang halaran ug ang tanang mga kasangkapan niini ug ang hugasanan ug ang tungtonganan niini aron sa pagbalaan niini.

Levitico 8:15

Gipatay kini ni Moises ug gikuha niya ang dugo ug pinaagi sa iyang tudlo gibutang niya kini diha sa mga sungaysungay sa halaran sa palibot ug giputli niya ang halaran. Unya gibubo niya ang uban nga dugo diha sa tungtonganan sa halaran ug kini gibalaan niya aron sa paghimo ug pagtabon sa sala alang niini.

Levitico 9:9

Ug ang dugo gidala sa mga anak nga lalaki ni Aaron ngadto kaniya ug iyang gituslob ang iyang tudlo sa dugo ug gibutang niya ang dugo sa ibabaw sa mga sungaysungay sa halaran ug gibubo niya ang uban nga dugo diha sa tungtonganan sa halaran.

Numeros 19:4

Ug si Eleasar nga pari magkuha ug dugo niini pinaagi sa iyang tudlo ug magwisik sa dugo sa makapito ngadto sa atubangan sa tolda nga tagboanan.

Josue 6:4

Ug ang pito ka pari magdala ug pito ka trumpeta nga sungay sa laking karnero nga mag-una sa sudlanan sa kasabotan. Ug sa ikapito nga adlaw pagmartsa kamo libot sa siyudad sa makapito ug ang mga pari magpatingog sa mga trumpeta.

Josue 6:8

Sa pagsugo ni Josue sa katawhan, ang pito ka pari nga nagdala sa pito ka trumpeta nga sungay sa karnero sa atubangan sa Ginoo mipadayon nga nagpatingog sa mga trumpeta, uban ang sudlanan sa kasabotan sa Ginoo nga nagsunod kanila.