Levitico 4:35

Ang Biblia 2011

Iyang kuhaon gikan niini ang tanan nga tambok sama sa pagkuha sa tambok sa nating karnero gikan sa inihaw nga halad sa pakigdait ug sunogon kini sa pari diha sa halaran sama sa halad nga sunogon alang sa Ginoo, ug ang pari maghimo ug pagtabon sa sala alang kaniya alang sa sala nga iyang nabuhat, ug pasayloon siya.

Cross References

Levitico 12:8

Kon dili siya makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati, ang usa alang sa halad nga sunogon ug ang usa sa halad tungod sa sala. Ug ang pari maghimo sa pagtabon sa sala alang kaniya ug mahinlo siya.”

Levitico 14:18

Ang mahibilin sa lana nga anaa sa iyang kamot ibutang niya sa ibabaw sa ulo sa tawo nga hinloan. Ug ang pari maghimo ug pagtabon sa sala alang kaniya sa atubangan sa Ginoo.

Levitico 14:53

Unya buhian niya ang langgam nga buhi sa gawas sa lungsod ngadto sa hawan nga kapatagan. Sa ingon niini himoon niya ang pagtabon sa sala alang sa balay ug kini mahinlo.”

Levitico 15:15

Ang pari maghalad niini, ang usa ingon nga halad tungod sa sala ug ang usa ingon nga halad nga sunogon. Ug ang pari maghimo sa pagtabon sa sala alang kaniya sa atubangan sa Ginoo tungod sa iyang pag-agos.

Levitico 19:22

Ug ang pari maghimo ug pagtabon sa sala alang kaniya pinaagi sa laking karnero nga halad tungod sa paglapas sa atubangan sa Ginoo alang sa sala nga nabuhat niya ug pasayloon ang sala nga nabuhat niya.

Levitico 4:20

Mao kini ang iyang buhaton sa torong baka, sama sa iyang gibuhat sa torong baka nga halad tungod sa sala, busa buhaton usab niya kini. Ang pari maghimo sa pagtabon sa sala alang kanila ug pasayloon sila.

Levitico 4:26

Ug sunogon niya ang tanan nga tambok niini sa ibabaw sa halaran sama sa tambok sa inihaw nga halad sa pakigdait. Busa ang pari maghimo ug pagtabon sa sala alang kaniya, alang sa iyang sala, ug pasayloon siya.

Levitico 5:10

Unya ihalad niya ang ikaduha ingon nga halad nga sunogon sumala sa tulumanon ug ang pari maghimo sa pagtabon sa sala alang kaniya tungod sa sala nga iyang nabuhat, ug pasayloon siya.

Levitico 5:13

Ug ang pari maghimo ug pagtabon sa sala alang kaniya tungod sa sala nga iyang nabuhat ug siya pasayloon. Ang mahibilin maiya sa pari, sama sa halad nga pagkaon.”

Levitico 5:6

ug dad-on niya ang iyang halad tungod sa paglapas ngadto sa Ginoo alang sa sala nga iyang nabuhat, usa ka baye gikan sa mga panon, nating karnero o kanding alang sa halad tungod sa sala, ug ang pari maghimo sa pagtabon sa sala alang kaniya, alang sa iyang sala.

Levitico 6:7

Ug ang pari maghimo sa pagtabon sa sala alang kaniya sa atubangan sa Ginoo ug pasayloon siya sa bisan unsa nga mga butang nga tungod niana sad-an siya.”

Levitico 9:7

Unya miingon si Moises kang Aaron, “Duol sa halaran ug ihalad ang imong halad tungod sa sala ug ang imong halad nga sunogon ug himoa ang pagtabon sa sala alang sa imong kaugalingon ug alang sa katawhan ug dad-a usab ang halad sa katawhan, ug himoa ang pagtabon sa sala alang kanila sumala sa gisugo sa Ginoo.”

Numeros 15:25

Unya ang pari maghimo ug pagtabon sa sala alang sa tibuok nga katilingban sa katawhan sa Israel ug sila pasayloon kay kadto usa man ka sayop, ug sila nagdala sa ilang halad, usa ka halad pinaagi sa kalayo ngadto sa Ginoo ug ang ilang halad tungod sa sala sa atubangan sa Ginoo, alang sa ilang sayop.

Numeros 15:28

Ug ang pari maghimo sa pagtabon sa sala alang niadtong tawo nga nasayop, sa diha nga makasala siya nga wala tuyoa sa atubangan sa Ginoo, aron sa paghimo sa pagtabon sa sala alang kaniya ug siya pasayloon.

Roma 10:4

Kay si Cristo mao ang kataposan sa Balaod alang sa pagkamatarong sa tanan nga may pagtuo.

Roma 4:25

nga gitugyan ngadto sa kamatayon tungod sa atong kalapasan ug gibanhaw alang sa paghimo kanato nga matarong.

Roma 8:1

Busa sila nga anaa kang Cristo Jesus dili na karon mga hinukman.

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Mga Taga-Efeso 5:2

Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.

Mga Taga-Colosas 1:14

nga diha kaniya kita nakabaton sa pagkatinubos, sa kapasayloan sa mga sala.

Mga Hebreo 1:3

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,

Mga Hebreo 4:14

Kay aduna man kitay dako nga labawng pangulong pari nga nakalatas sa kalangitan, si Jesus, ang Anak sa Dios, huptan nato pag-ayo ang atong pagtuo.

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.

Mga Hebreo 9:14

labaw pa gayod ang mahimo sa dugo ni Cristo, nga pinaagi sa Espiritu nga dayon mihalad sa iyang kaugalingon nga walay buling ngadto sa Dios aron sa paghinlo sa atong tanlag gikan sa mga patayng binuhatan aron mag-alagad sa Dios nga buhi.

1 Pedro 2:22

Siya walay sala nga nahimo, walay nakit-ang limbong diha sa iyang baba.

1 Pedro 2:24

Siya gayod mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarong. Pinaagi sa iyang mga samad kamo nangaayo.

1 Pedro 3:18

Kay si Cristo usab namatay sa makausa tungod sa mga sala, ang matarong alang sa mga dili matarong, aron kamo iyang madala ngadto sa Dios, ingon nga gipatay siya diha sa lawas apan gibuhi diha sa espiritu.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

1 Juan 2:2

Ug siya mao ang halad sa pasig-uli alang sa atong mga sala ug dili lamang sa atong mga sala kondili sa mga sala usab sa tibuok kalibotan.