Levitico 4:3

Ang Biblia 2011

kon ang dinihogan nga pari maoy makasala unya makaangin sa katawhan sa pagpakasala tungod sa sala nga iyang nabuhat, pahalara siya ngadto sa Ginoo ug usa ka torong baka nga nati nga walay tatsa alang sa halad tungod sa sala.

Cross References

2 Cronicas 29:21

Sila nagdala ug pito ka torong baka, ug pito ka laking karnero, pito ka nating karnero ug pito ka laking kanding alang sa halad sa sala alang sa gingharian ug sa balaang dapit ug alang sa Juda. Ug iyang gisugo ang mga pari nga mga anak ni Aaron sa paghalad niini ibabaw sa halaran sa Ginoo.

Esdras 8:35

Niadtong panahona, kadtong miabot gikan sa pagkabihag, ang mga nahiuli nga mga binihag mihalad ug mga halad nga sunogon ngadto sa Dios sa Israel, 12 ka torong baka alang sa tibuok Israel, 96 ka laking karnero, 77 ka nating karnero, 12 ka laking kanding alang sa usa ka halad tungod sa sala, kining tanan usa ka halad nga sunogon alang sa Ginoo.

Exodo 29:14

Apan ang unod sa torong baka, ang panit niini, ug ang sulod sa tinai sunoga didto sa gawas sa kampo. Kini halad tungod sa sala.

Exodo 29:21

Unya pagkuha sa dugo nga anaa sa ibabaw sa halaran ug sa lana nga igdidihog ug iwisik ngadto kang Aaron ug sa iyang mga bisti ug ngadto sa iyang mga anak nga lalaki ug sa mga bisti nila, ug mahimo siyang balaan ug ang iyang mga bisti. Siya mahimong balaan lakip ang iyang mga anak nga lalaki ug ang mga bisti sa iyang mga anak nga lalaki uban kaniya.

Exodo 29:7

Unya dad-a ang lana nga igdidihog ug ibubo sa ibabaw sa iyang ulo ug dihogi siya.

Exodo 30:10

Sa ibabaw sa mga sungaysungay kinahanglan nga si Aaron maghimo ug pagtabon sa mga sala makausa sa matag tuig. Pinaagi sa dugo sa halad tungod sa sala alang sa pagtabon sa mga sala, siya maghimo ug pagtabon sa mga sala alang niini makausa sa matag tuig sa tanan ninyong kaliwatan. Kini labing balaan alang sa Ginoo.”

Ezequiel 40:39

Ug didto sa agianan sa ganghaan may duha ka lamisa sa matag kilid, diin adto ihawon ang halad nga sunogon ug ang halad tungod sa sala ug ang halad tungod sa paglapas.

Ezequiel 43:19

ihatag nimo ngadto sa mga pari nga mga Levihanon nga gikan sa kaliwat ni Zadok, nga maoy moduol kanako, aron sa pag-alagad kanako, nag-ingon ang Ginoong Dios, ang usa ka batan-on nga torong baka alang sa halad tungod sa sala.

Ezequiel 44:27

Ug sa adlaw nga siya mosulod sa balaang dapit, ngadto sa sulod nga hawanan, sa pag-alagad diha sa balaang dapit, siya maghalad sa iyang halad tungod sa sala, nag-ingon ang Ginoong Dios.

Levitico 1:10

“Kon ang iyang halad alang sa halad nga sunogon gikan sa panon, sa mga karnero o sa mga kanding, ang iyang ihalad laki nga walay tatsa.

Levitico 1:3

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Levitico 16:11

“Unya ihalad ni Aaron ang torong baka ingon nga halad tungod sa sala alang sa iyang kaugalingon ug himoon niya ang pagtabon sa sala alang sa iyang kaugalingon ug alang sa iyang panimalay ug patyon niya ang torong baka ingon nga halad tungod sa sala alang sa iyang kaugalingon.

Levitico 16:3

Ingon niini ang pagsulod ni Aaron sa dapit nga labing balaan: dala ang usa ka nating baka nga laki alang sa halad tungod sa sala ug usa ka laking karnero alang sa halad nga sunogon.

Levitico 16:5

Gikan sa katilingban sa katawhan sa Israel, magkuha siya ug duha ka laki nga kanding alang sa halad tungod sa sala ug usa ka laking karnero alang sa halad nga sunogon.

Levitico 16:6

“Ihalad ni Aaron ang torong baka ingon nga halad tungod sa sala alang sa iyang kaugalingon ug maghimo siya sa pagtabon sa sala alang sa iyang kaugalingon ug alang sa iyang panimalay.

Levitico 4:14

sa diha nga mahibaloan na ang sala nga ilang nabuhat, ang katilingban maghalad ug usa ka torong baka nga nati ingon nga halad tungod sa sala ug dad-on nila kini ngadto sa atubangan sa tolda nga tagboanan.

Levitico 4:23

kon ang sala nga iyang nabuhat gipahibalo na kaniya, magdala siya ug usa ka laking kanding nga walay tatsa ingon nga iyang halad.

Levitico 4:28

kon ang sala nga iyang nabuhat gipahibalo na kaniya, magdala siya alang sa iyang halad ug usa ka baye nga kanding nga walay tatsa ingon nga iyang halad alang sa iyang sala nga nabuhat.

Levitico 4:5

Ang dinihogan nga pari magkuha ug diyotay sa dugo sa torong baka, ug dad-on niya kini sa tolda nga tagboanan.

Levitico 5:6

ug dad-on niya ang iyang halad tungod sa paglapas ngadto sa Ginoo alang sa sala nga iyang nabuhat, usa ka baye gikan sa mga panon, nating karnero o kanding alang sa halad tungod sa sala, ug ang pari maghimo sa pagtabon sa sala alang kaniya, alang sa iyang sala.

Levitico 6:18

Ang tanang lalaki sa mga anak ni Aaron makakaon niini, ingon nga gisugo hangtod sa kahangtoran sa tibuok ninyong mga kaliwatan, gikan sa mga halad alang sa Ginoo pinaagi sa kalayo. Ang tanan nga makahikap niini mahimong balaan.”

Levitico 8:12

Ug gibuboan niya ug lana nga igdidihog ang ulo ni Aaron ug gidihogan niya aron sa pagbalaan kaniya.

Levitico 9:2

Ug siya miingon kang Aaron, “Pagkuha ug usa ka nating baka nga laki alang sa halad tungod sa sala ug usa ka laking karnero alang sa halad nga sunogon, ang duha walay tatsa, ug ihalad kini sa atubangan sa Ginoo.

Levitico 9:3

Ug sultihi ang katawhan sa Israel, ‘Pagkuha kamo ug usa ka laking kanding alang sa halad tungod sa sala, ug usa ka nating baka ug usa ka nating karnero, kining duha tagsa ka tuig ang kagulangon ug walay tatsa, alang sa halad nga sunogon,

Numeros 16:22

Ug sila mihapa ug miingon “O Dios, ang Dios sa mga espiritu sa tanan nga unod, kon makasala ang usa ka tawo, masuko ba ikaw sa tibuok nga katilingban?”

Numeros 8:8

Unya magkuha sila ug usa ka nating baka nga laki ug halad nga pagkaon nga pinong harina nga sinagolan ug lana, ug magkuha ikaw ug lain nga nating baka nga laki alang sa halad tungod sa sala.

Roma 8:3

Kay ang wala mahimo sa Balaod nga nahuyang tungod sa unod gihimo sa Dios pinaagi sa pagpadala niya sa kaugalingon niyang Anak diha sa dagway sa makasasala nga tawo ug mahitungod sa sala, gisilotan niya ang sala diha sa unod,

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Mga Hebreo 5:3

Tungod niini kinahanglan siyang maghalad dili lamang alang sa mga sala sa maong mga tawo, kondili alang usab sa iyang kaugalingong mga sala.

Mga Hebreo 9:12

siya sa makausa ug sa wala nay pagsubli misulod sa Balaang Dapit, nga nagdala dili sa dugo sa mga kanding ug sa mga nating baka kondili sa iyang kaugalingong dugo ug sa ingon niana nahimo niya ang pagtubos nga dayon.