Levitico 4:25

Ang Biblia 2011

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang dugo niini diha sa tungtonganan sa halaran sa halad nga sunogon.

Cross References

Exodo 29:12

Ug pagkuha ug dugo sa torong baka, ug ibutang kini sa mga sungaysungay sa halaran pinaagi sa imong tudlo ug ang tanang dugo nga nahibilin ihuwad sa tiilan sa halaran.

Isaias 40:21

Wala ba kamo mahibalo? Wala ba kamo makadungog? Wala ba kini isugilon kaninyo gikan pa sa sinugdan? Wala ba kamo makasabot sukad pa sa pagkatukod sa yuta?

Levitico 16:18

Unya mogula siya ngadto sa halaran nga anaa sa atubangan sa Ginoo ug maghimo siya sa pagtabon sa sala alang niini ug magkuha siya sa dugo sa torong baka ug sa dugo sa kanding ug iya kining ilibot pagbutang sa ibabaw sa mga sungaysungay sa halaran.

Levitico 17:11

Kay ang kinabuhi sa unod anaa sa dugo, ug ako naghatag kaninyo niana aron sa pagtabon sa sala sa inyong mga kalag diha sa ibabaw sa halaran, kay ang dugo mao ang naghimo sa pagtabon sa sala tungod sa kinabuhi.

Levitico 4:18

Siya magbutang ug dugo sa ibabaw sa mga sungaysungay sa halaran nga anaa sa atubangan sa Ginoo sa sulod sa tolda nga tagboanan, ug ibubo niya ang nahibilin nga dugo ngadto sa tungtonganan sa halaran sa halad nga sunogon nga anaa sa pultahan sa tolda nga tagboanan.

Levitico 4:24

Ibutang niya ang iyang kamot sa ibabaw sa ulo sa laking kanding ug patyon niya kini sa dapit diin patyon ang halad nga sunogon sa atubangan sa Ginoo. Kini usa ka halad tungod sa sala.

Levitico 4:30

Ug ang pari magkuha ug diyotay nga dugo pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang nahibilin nga dugo niini diha sa tungtonganan sa halaran.

Levitico 4:34

Ug ang pari magkuha ug diyotay nga dugo sa halad tungod sa sala pinaagi sa iyang tudlo ug ibutang niya sa ibabaw sa mga sungaysungay sa halaran sa halad nga sunogon ug ibubo niya ang nahibilin nga dugo diha sa tungtonganan sa halaran.

Levitico 4:7

Ang pari magbutang ug dugo sa ibabaw sa mga sungaysungay sa halaran sa insenso nga humot nga anaa sa tolda nga tagboanan sa atubangan sa Ginoo. Ug ang nahibilin nga dugo sa torong baka iyabo niya diha sa tungtonganan sa halaran sa halad nga sunogon nga anaa sa pultahan sa tolda nga tagboanan.

Levitico 5:9

Ug magwisik siya ug diyotay sa dugo sa halad tungod sa sala diha sa kilid sa halaran ug ang nahibilin sa dugo iyabo niya diha sa tungtonganan sa halaran. Kini mao ang halad tungod sa sala.

Levitico 8:10

Unya gikuha ni Moises ang lana nga igdidihog ug gidihogan niya ang Tolda ug ang tanang mga butang nga diha niini ug gibalaan kini.

Levitico 8:15

Gipatay kini ni Moises ug gikuha niya ang dugo ug pinaagi sa iyang tudlo gibutang niya kini diha sa mga sungaysungay sa halaran sa palibot ug giputli niya ang halaran. Unya gibubo niya ang uban nga dugo diha sa tungtonganan sa halaran ug kini gibalaan niya aron sa paghimo ug pagtabon sa sala alang niini.

Levitico 9:9

Ug ang dugo gidala sa mga anak nga lalaki ni Aaron ngadto kaniya ug iyang gituslob ang iyang tudlo sa dugo ug gibutang niya ang dugo sa ibabaw sa mga sungaysungay sa halaran ug gibubo niya ang uban nga dugo diha sa tungtonganan sa halaran.

Roma 10:4

Kay si Cristo mao ang kataposan sa Balaod alang sa pagkamatarong sa tanan nga may pagtuo.

Mga Hebreo 2:10

Kay angay gayod kaniya nga alang kaniya ug pinaagi kaniya naglungtad ang tanang butang, nga sa iyang pagdala sa daghang mga anak ngadto sa himaya, iyang hingpiton pinaagi sa mga pag-antos ang nagpasiugda sa ilang kaluwasan.

Mga Hebreo 9:22

Sa pagkatinuod, ubos sa Balaod hapit ang tanang butang hinloan ug dugo, ug kon walay pag-ula ug dugo walay mahimong pagpasaylo sa mga sala.