Levitico 4:20

Ang Biblia 2011

Mao kini ang iyang buhaton sa torong baka, sama sa iyang gibuhat sa torong baka nga halad tungod sa sala, busa buhaton usab niya kini. Ang pari maghimo sa pagtabon sa sala alang kanila ug pasayloon sila.

Cross References

Exodo 32:30

Sa pagkasunod adlaw, si Moises miingon sa katawhan, “Nakasala kamo ug usa ka dakong sala ug karon motungas ako ngadto sa Ginoo; basin ug makahimo ako ug pagtabon sa sala alang sa inyong mga sala.”

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Levitico 1:4

Iyang ibutang ang iyang kamot sa ibabaw sa ulo sa halad nga sunogon ug kini dawaton alang kaniya aron sa pagtabon sa sala alang kaniya.

Levitico 12:8

Kon dili siya makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati, ang usa alang sa halad nga sunogon ug ang usa sa halad tungod sa sala. Ug ang pari maghimo sa pagtabon sa sala alang kaniya ug mahinlo siya.”

Levitico 14:18

Ang mahibilin sa lana nga anaa sa iyang kamot ibutang niya sa ibabaw sa ulo sa tawo nga hinloan. Ug ang pari maghimo ug pagtabon sa sala alang kaniya sa atubangan sa Ginoo.

Levitico 15:15

Ang pari maghalad niini, ang usa ingon nga halad tungod sa sala ug ang usa ingon nga halad nga sunogon. Ug ang pari maghimo sa pagtabon sa sala alang kaniya sa atubangan sa Ginoo tungod sa iyang pag-agos.

Levitico 19:22

Ug ang pari maghimo ug pagtabon sa sala alang kaniya pinaagi sa laking karnero nga halad tungod sa paglapas sa atubangan sa Ginoo alang sa sala nga nabuhat niya ug pasayloon ang sala nga nabuhat niya.

Levitico 4:21

Ug dad-on niya ang torong baka ngadto sa gawas sa kampo ug sunogon niya kini sama sa pagsunog niya sa unang torong baka. Kini mao ang halad tungod sa sala alang sa katilingban.

Levitico 4:26

Ug sunogon niya ang tanan nga tambok niini sa ibabaw sa halaran sama sa tambok sa inihaw nga halad sa pakigdait. Busa ang pari maghimo ug pagtabon sa sala alang kaniya, alang sa iyang sala, ug pasayloon siya.

Levitico 4:35

Iyang kuhaon gikan niini ang tanan nga tambok sama sa pagkuha sa tambok sa nating karnero gikan sa inihaw nga halad sa pakigdait ug sunogon kini sa pari diha sa halaran sama sa halad nga sunogon alang sa Ginoo, ug ang pari maghimo ug pagtabon sa sala alang kaniya alang sa sala nga iyang nabuhat, ug pasayloon siya.

Levitico 4:8

Ug kuhaon niya ang tanang tambok gikan sa laking baka nga halad tungod sa sala: ang tambok nga nagputos sa mga tinai ug ang tanan nga anaa sa sulod sa ginhawaan,

Levitico 5:10

Unya ihalad niya ang ikaduha ingon nga halad nga sunogon sumala sa tulumanon ug ang pari maghimo sa pagtabon sa sala alang kaniya tungod sa sala nga iyang nabuhat, ug pasayloon siya.

Levitico 5:13

Ug ang pari maghimo ug pagtabon sa sala alang kaniya tungod sa sala nga iyang nabuhat ug siya pasayloon. Ang mahibilin maiya sa pari, sama sa halad nga pagkaon.”

Levitico 5:16

Ulian niya ang bili sa butang nga balaan nga nabuhatan niya sa kalapasan ug idugang niini ang ikalima nga bahin ug ihatag niya sa pari, ug ang pari maghimo alang kaniya sa pagtabon sa sala pinaagi sa laking karnero nga halad tungod sa paglapas, ug siya pasayloon.

Levitico 5:18

Magdala siya ngadto sa pari ug usa ka laking karnero nga walay tatsa gikan sa panon nga gibilihan ingon nga halad tungod sa paglapas, ug ang pari maghimo sa pagtabon sa sala alang kaniya tungod sa sayop nga iyang nabuhat nga wala tuyoa, ug siya pasayloon.

Levitico 5:6

ug dad-on niya ang iyang halad tungod sa paglapas ngadto sa Ginoo alang sa sala nga iyang nabuhat, usa ka baye gikan sa mga panon, nating karnero o kanding alang sa halad tungod sa sala, ug ang pari maghimo sa pagtabon sa sala alang kaniya, alang sa iyang sala.

Levitico 6:7

Ug ang pari maghimo sa pagtabon sa sala alang kaniya sa atubangan sa Ginoo ug pasayloon siya sa bisan unsa nga mga butang nga tungod niana sad-an siya.”

Numeros 15:25

Unya ang pari maghimo ug pagtabon sa sala alang sa tibuok nga katilingban sa katawhan sa Israel ug sila pasayloon kay kadto usa man ka sayop, ug sila nagdala sa ilang halad, usa ka halad pinaagi sa kalayo ngadto sa Ginoo ug ang ilang halad tungod sa sala sa atubangan sa Ginoo, alang sa ilang sayop.

Numeros 15:28

Ug ang pari maghimo sa pagtabon sa sala alang niadtong tawo nga nasayop, sa diha nga makasala siya nga wala tuyoa sa atubangan sa Ginoo, aron sa paghimo sa pagtabon sa sala alang kaniya ug siya pasayloon.

Roma 5:11

Ug dili lamang kay kini ra, kondili nga nagmalipayon usab kita diha sa Dios pinaagi sa atong Ginoong Jesu-Cristo, nga pinaagi kaniya nadawat nato karon ang pasig-uli.

Mga Taga-Galacia 3:13

Si Cristo milukat kanato gikan sa tunglo sa Balaod sa diha nga nahimo siyang tunglo alang kanato—kay nasulat, “Tinunglo ang matag usa nga gibitay diha sa kahoy”—

Mga Hebreo 1:3

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,

Mga Hebreo 2:17

Busa kinahanglan nga mahimo siya nga sama sa iyang mga igsoon sa tanang kahimtang, sa tuyo nga mahimo siyang labawng pangulong pari nga maluluy-on ug kasaligan diha sa pagpangalagad sa Dios alang sa kapasayloan sa mga sala sa katawhan.

Mga Hebreo 9:14

labaw pa gayod ang mahimo sa dugo ni Cristo, nga pinaagi sa Espiritu nga dayon mihalad sa iyang kaugalingon nga walay buling ngadto sa Dios aron sa paghinlo sa atong tanlag gikan sa mga patayng binuhatan aron mag-alagad sa Dios nga buhi.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

1 Juan 2:2

Ug siya mao ang halad sa pasig-uli alang sa atong mga sala ug dili lamang sa atong mga sala kondili sa mga sala usab sa tibuok kalibotan.

Gipadayag 1:5

ug gikan kang Jesu-Cristo, ang kasaligan nga saksi, ang panganay gikan sa mga nangamatay, ug ang pangulo sa mga hari sa yuta. Kaniya nga nahigugma kanato ug nagpahigawas kanato gikan sa atong mga sala pinaagi sa iyang dugo