Levitico 4:2

Ang Biblia 2011

“Sultihi ang katawhan sa Israel: Kon ang usa ka tawo makasala nga wala tuyoa sa bisan unsa sa mga sugo sa Ginoo mahitungod sa mga butang nga dili angay nga buhaton, ug makabuhat sa usa niini—

Cross References

Genesis 20:9

Unya si Abraham gitawag ni Abimelek ug giingnan siya, “Unsa ba kining gibuhat nimo kanamo? Ug unsa bay sala nako kanimo nga nagdala man ikaw kanako ug sa akong gingharian ug dako kaayong sala? Gibuhat nimo kanako ang dili angay nimong buhaton.”

Salmo 19:12

Kinsa ba ang makaila sa iyang mga sayop? Hinloi ako gikan sa mga sala nga natago.

Salmo 19:13

Pugngi ang imong sulugoon gikan sa mga sala nga tinuyo; dili unta kini maggahom ibabaw kanako! Unya mahimo akong dili masaway, ug walay kalabotan sa dakong kalapasan.

Ecclesiastes 5:6

Ayaw itugot nga ang imong baba magdala kanimo ngadto sa pagpakasala, ug ayaw pagsulti atubangan sa mensahero nga kini usa ka sayop. Nganong masuko man gayod ang Dios sa imong tingog, ug gub-on ang buhat sa imong mga kamot?

Levitico 22:14

Kon ang usa ka tawo makakaon sa mga butang nga balaan ug wala siya mahibalo niini, ulian niya ang pari sa balaan nga butang ug dugangan niya ug ikalimang bahin niini.

Levitico 4:1

Ang Ginoo miingon kang Moises,

Levitico 4:13

“Kon ang tibuok nga katilingban sa Israel makasala nga wala tuyoa ug ang sala natago gikan sa mga mata sa katilingban, ug nabuhat nila ang bisan unsa batok sa usa sa mga butang nga gidili sa Ginoo, ug mga sad-an sila;

Levitico 4:22

“Kon ang usa ka pangulo makasala ug nabuhat niya nga wala tuyoa ang bisan usa sa tanang mga butang nga gisugo sa Ginoo nga iyang Dios nga dili buhaton, ug sad-an siya,

Levitico 4:27

“Kon ang usa sa mga nagpuyo sa lungsod makasala nga wala tuyoa sa bisan unsa sa mga butang nga gisugo sa Ginoo nga dili buhaton, ug sad-an siya,

Numeros 35:11

magpili kamo ug mga siyudad nga mahimong mga siyudad nga dalangpanan alang kaninyo, aron ang makapatay ug tawo nga wala tuyoa makadangop didto.

Deuteronomio 19:4

“Ug kini mao ang kalagdaan alang sa makapatay ug tawo, nga pinaagi sa pagkagiw didto maluwas ang iyang kinabuhi. Kon adunay makapatay sa iyang isigkatawo nga dili tinuyo, ug nga walay pagdumot kaniya sa miaging panahon,

1 Timoteo 1:13

bisan pa nga kaniadto ako tigpasipala ug tigpanglutos ug mabiaybiayon, apan gikaluy-an ako kay sa akong pagkawalay pagtuo gibuhat nako kadto nga walay kahibalo.

Mga Hebreo 5:2

Ug siya makahimo nga magmalumo ngadto sa mga walay alamag ug sa mga nahisalaag kay siya sa iyang kaugalingon nagapos man usab sa kaluyahon.

Mga Hebreo 9:7

Apan ngadto sa ikaduhang bahin ang labawng pangulong pari mao lamang ang makasulod, ug kini makausa sa usa ka tuig. Siya magdala ug dugo nga iyang ihalad alang sa iyang kaugalingon ug sa mga sala sa katawhan nga wala tuyoa.

Santiago 3:10

Gikan sa mao rang usa ka baba nanggula ang pagdayeg ug pagpanunglo. Mga igsoon ko, kining butanga dili angayng buhaton.

1 Samuel 14:27

Apan si Jonatan wala makadungog sa iyang amahan nga nagsugo sa katawhan sa panumpa, busa iyang gibutang ang tumoy sa sungkod nga diha sa iyang kamot ug gituslob niya kini sa udlan nga may dugos ug gibutang niya ang iyang kamot ngadto sa iyang baba ug ang iyang mga mata midan-ag.