Levitico 3:5

Ang Biblia 2011

Unya ang mga anak ni Aaron magsunog niini ibabaw sa halaran uban sa halad nga gisunog ibabaw sa sugnod nga anaa sa ibabaw sa kalayo. Kini usa ka halad pinaagi sa kalayo, usa ka kahumot alang sa Ginoo.

Cross References

1 Mga Hari 8:64

Niadtong adlawa usab gihalad sa hari ang taliwala sa hawanan nga diha sa atubangan sa balay sa Ginoo, kay didto siya naghalad sa halad nga sunogon ug sa halad nga pagkaon ug sa tambok nga halad sa pakigdait tungod kay ang bronsi nga halaran nga diha sa atubangan sa Ginoo gamay ra kaayo aron sa pagdawat sa halad nga sunogon ug sa halad nga pagkaon ug sa tambok nga halad sa pakigdait.

2 Cronicas 35:14

Human niini, nag-andam sila alang sa ilang kaugalingon ug alang sa mga pari, tungod kay ang mga pari nga mga kaliwat ni Aaron nag-atiman sa paghalad sa mga halad nga sunogon ug sa tambok nga mga bahin hangtod sa pagkagabii. Busa ang mga Levihanon nag-andam alang sa ilang kaugalingon ug alang sa mga pari nga mga kaliwat ni Aaron.

Exodo 29:13

Kuhaa ang tanang tambok nga nagputos sa mga tinai, ang habolhabol sa atay, ang duha ka amimislon ug ang tambok nga anaa niini, ug sunoga kini sa ibabaw sa halaran.

Ezequiel 44:15

“Apan ang mga pari nga mga Levihanon nga kaliwat ni Zadok, nga nagtuman sa sugo sa akong balaang dapit sa diha nga nahisalaag ang mga anak sa Israel gikan kanako, moduol kanako sa pag-alagad kanako. Sila mag-alagad sa akong atubangan sa paghalad alang kanako sa tambok ug dugo, nag-ingon ang Ginoong Dios.

Ezequiel 44:7

ang pagpasulod ninyo sa mga dumuduong, nga dili tinuli sa kasingkasing ug sa unod, aron makasulod sa akong balaang dapit sa pagpasipala niini, sa akong Templo, sa diha nga gihalad ninyo ang akong pan, ang tambok ug dugo. Inyong gilapas ang akong kasabotan, pinaagi sa tanan ninyong mga dulumtanan.

Levitico 1:13

Apan hugasan niya ug tubig ang sulod sa ginhawaan ug ang mga paa, ug ihalad sa pari ang tibuok ug sunogon kini niya ibabaw sa halaran. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Levitico 1:17

Laksion niya kini diha sa mga pako, apan dili na kini bahinon pa. Ug sunogon kini sa pari ibabaw sa halaran ibabaw sa sugnod diha sa kalayo. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Levitico 1:9

Apan hugasan niya ug tubig ang mga sulod sa ginhawaan ug ang mga paa niini. Ug sunogon sa pari ang tibuok ibabaw sa halaran ingon nga usa ka halad nga sinunog, usa ka halad pinaagi sa kalayo, usa ka kahumot alang sa Ginoo.

Levitico 3:11

Ug ang pari magsunog niini ibabaw sa halaran ingon nga pagkaon nga gihalad pinaagi sa kalayo ngadto sa Ginoo.

Levitico 3:4

ug ang duha ka amimislon ug ang tambok nga anaa sa niini dapit sa hawak, ug ang habolhabol sa atay nga kuhaon uban sa mga amimislon.

Levitico 4:31

Ug iyang kuhaon gikan niini ang tanang tambok sama sa pagkuha sa tambok sa inihaw nga halad sa pakigdait, ug ang pari magsunog niini sa ibabaw sa halaran ingon nga usa ka kahumot alang sa Ginoo, ug ang pari maghimo ug pagtabon sa sala alang sa maong tawo ug pasayloon siya.

Levitico 4:35

Iyang kuhaon gikan niini ang tanan nga tambok sama sa pagkuha sa tambok sa nating karnero gikan sa inihaw nga halad sa pakigdait ug sunogon kini sa pari diha sa halaran sama sa halad nga sunogon alang sa Ginoo, ug ang pari maghimo ug pagtabon sa sala alang kaniya alang sa sala nga iyang nabuhat, ug pasayloon siya.

Levitico 6:12

Ug ang kalayo sa ibabaw sa halaran kinahanglang kanunay nga magdilaab sa ibabaw niini, dili kini palongon. Ug ang pari magbutang niini ug sugnod matag buntag ug ipahimutang niya sa ibabaw niini ang halad nga sunogon ug iyang sunogon sa ibabaw sa halaran ang tambok sa mga halad sa pakigdait.

Levitico 7:28

Ang Ginoo miingon kang Moises,

Levitico 9:17

Ug iyang gihalad ang halad nga pagkaon, ug mihakop siya gikan niini ug gisunog niya kini ibabaw sa halaran dugang sa halad nga sunogon sa buntag.

Numeros 15:8

Ug sa diha nga ikaw mag-andam ug usa ka torong baka ingon nga halad nga sunogon o ingon nga usa ka halad nga inihaw aron sa pagtuman sa usa ka panaad o ingon nga mga halad sa pakigdait alang sa Ginoo,

Numeros 18:17

Apan ang kamagulangan sa baka o ang kamagulangan sa karnero o ang kamagulangan sa kanding, dili nimo lukaton, balaan kini. Isablig ang dugo niini sa ibabaw sa halaran ug sunoga ang tambok niini ingon nga halad pinaagi sa kalayo, ingon nga usa ka kahumot alang sa Ginoo.

Numeros 28:12

ug tulo ka ikanapulo nga bahin sa usa ka epha sa pinong harina ingon nga usa ka halad nga pagkaon nga sinagolan ug lana alang sa matag torong baka ug duha sa ikanapulo nga bahin sa pinong harina ingon nga usa ka halad nga pagkaon nga sinagolan ug lana alang sa laking karnero,

Numeros 28:3

Ug ingna sila, Kini mao ang halad nga pinaagi sa kalayo nga ihalad ninyo sa Ginoo: duha ka nating karnero nga laki nga walay tatsa nga usa ka tuig ang kagulangon sa matag adlaw ingon nga halad nga sunogon nga magpadayon.

1 Pedro 2:5

Ug ang inyong kaugalingon usab, ingon nga mga buhi nga bato, ipahimo ninyong espirituhanon nga balay, alang sa balaan nga pagkapari, aron sa paghalad ug espirituhanong mga halad nga kahimut-an sa Dios pinaagi kang Jesu-Cristo.