Levitico 3:3

Ang Biblia 2011

Ug gikan sa inihaw nga mga halad sa pakigdait, ingon nga halad pinaagi sa kalayo alang sa Ginoo, ihalad niya ang tambok nga nagputos sa mga tinai, ug ang tanan nga tambok nga anaa sa sulod sa ginhawaan,

Cross References

Salmo 119:70

ang ilang kasingkasing tambok sama sa sibo, apan ako naglipay diha sa imong Balaod.

Exodo 29:13

Kuhaa ang tanang tambok nga nagputos sa mga tinai, ang habolhabol sa atay, ang duha ka amimislon ug ang tambok nga anaa niini, ug sunoga kini sa ibabaw sa halaran.

Exodo 29:22

“Unya kuhaa ang tambok sa laking karnero ug ang tambok nga ikog, ug ang tambok nga nagputos sa mga tinai ug ang habolhabol sa atay, ug ang duha ka amimislon ug ang tambok nga anaa niini ug ang tuong paa, kay mao kini ang laking karnero nga gigamit alang sa paggahin,

Mga Panultihon 23:26

Anak ko, ihatag kanako ang imong kasingkasing, ug papaniira ang imong mga mata sa akong mga pamaagi.

Isaias 6:10

Pakubali ang kasingkasing niining katawhan, ug sampongi ang ilang mga dalunggan, ug tak-opi ang ilang mga mata; tingali unya ug makakita sila pinaagi sa ilang mga mata, ug makadungog pinaagi sa ilang mga dalunggan, ug makasabot sila pinaagi sa ilang kasingkasing, ug mangakabig ug mamaayo sila.”

Ezequiel 36:26

Hatagan ko kamo ug usa ka bag-o nga kasingkasing, ug ibutang nako sa sulod ninyo ang usa ka bag-ong espiritu. Kuhaon nako ang kasingkasing nga bato gikan sa inyong unod, ug hatagan kamo nako ug usa ka kasingkasing nga unod.

Ezequiel 44:15

“Apan ang mga pari nga mga Levihanon nga kaliwat ni Zadok, nga nagtuman sa sugo sa akong balaang dapit sa diha nga nahisalaag ang mga anak sa Israel gikan kanako, moduol kanako sa pag-alagad kanako. Sila mag-alagad sa akong atubangan sa paghalad alang kanako sa tambok ug dugo, nag-ingon ang Ginoong Dios.

Levitico 1:12

Ug hiwahiwaon niya kini uban ang ulo ug ang tambok niini ug ang pari maoy magpahimutang niini ibabaw sa sugnod ibabaw sa kalayo nga anaa ibabaw sa halaran.

Levitico 1:8

Ug ang mga pari nga mga anak ni Aaron magpahimutang sa mga hiniwa, sa ulo ug sa tambok ngadto sa sugnod ibabaw sa kalayo nga anaa sa ibabaw sa halaran.

Levitico 16:25

Ug sunogon niya ang tambok sa halad tungod sa sala ibabaw sa halaran.

Levitico 3:16

Ug ang pari magsunog niini sa ibabaw sa halaran ingon nga pagkaon nga gihalad pinaagi sa kalayo ingon nga kahumot alang sa Ginoo. Ang tanan nga tambok iya sa Ginoo.

Levitico 3:2

Ibutang niya ang iyang kamot sa ibabaw sa ulo sa iyang halad, ug patyon niya kini didto sa pultahan sa tolda nga tagboanan ug ang mga pari, ang mga anak ni Aaron, magsablig sa dugo niini libot sa halaran.

Levitico 3:4

ug ang duha ka amimislon ug ang tambok nga anaa sa niini dapit sa hawak, ug ang habolhabol sa atay nga kuhaon uban sa mga amimislon.

Levitico 4:10

sama nga kini gikuha gikan sa inihaw nga laking baka alang sa halad sa pakigdait, ug sunogon kini sa pari ibabaw sa halaran sa halad nga sunogon.

Levitico 7:30

Dad-on niya sa iyang kaugalingong mga kamot ang iyang halad pinaagi sa kalayo alang sa Ginoo; dad-on niya ang tambok uban sa dughan aron ang dughan ibayaw ingon nga halad nga binayaw sa atubangan sa Ginoo.

Levitico 7:5

Ug ang pari magsunog niini sa ibabaw sa halaran ingon nga halad pinaagi sa kalayo alang sa Ginoo. Kini halad tungod sa paglapas.

Levitico 9:10

Apan ang tambok ug ang mga amimislon ug ang habolhabol sa atay nga gikan sa halad tungod sa sala, iyang gisunog sa ibabaw sa halaran sumala sa gisugo sa Ginoo kang Moises.

Mateo 13:16

Apan bulahan gayod ang inyong mga mata kay makakita man ug ang inyong mga dalunggan kay makabati man.

Mateo 15:8

‘Kining mga tawhana nagpasidungog kanako pinaagi sa ilang mga ngabil, apan ang ilang kasingkasing layo kanako.

Roma 5:5

ug ang paglaom dili mopakyas kanato kay ang gugma sa Dios gikabubo man nganhi sa atong mga kasingkasing pinaagi sa Espiritu Santo nga gikahatag nganhi kanato.

Roma 6:6

Kita nasayod nga ang atong karaang pagkatawo gilansang sa krus uban kang Cristo aron malaglag ang lawas sa sala ug dili na kita maulipon sa sala.

Deuteronomio 30:6

Ug ang Ginoo nga inyong Dios magbag-o sa inyong kasingkasing ug sa kasingkasing sa inyong kaliwatan aron inyong higugmaon ang Ginoo nga inyong Dios sa tibuok ninyong kasingkasing ug sa tibuok ninyong kalag aron mabuhi kamo.

1 Samuel 2:15

Dugang pa, sa dili pa sunogon ang tambok, ang sulugoon sa pari moduol ug moingon sa tawo nga naghalad, “Hatagi ug unod ang pari aron isugba, kay dili siya modawat ug linat-an nga unod, kondili hilaw.”