Levitico 3:12

Ang Biblia 2011

“Kon kanding ang iyang halad, ihalad niya kini sa atubangan sa Ginoo.

Cross References

Isaias 53:2

Kay siya mitubo sa iyang atubangan sama sa usa ka linghod nga tanom, ug sama sa gamot sa uga nga yuta; siya walay panagway o kaanyag nga kita motan-aw kaniya, ug walay katahom nga kita magtinguha kaniya.

Isaias 53:6

Kitang tanan sama sa mga karnero nga nangasaag; ang matag usa kanato misimang ngadto sa iyang kaugalingon nga dalan; ug gibutang sa Ginoo diha kaniya ang kasal-anan natong tanan.

Levitico 1:10

“Kon ang iyang halad alang sa halad nga sunogon gikan sa panon, sa mga karnero o sa mga kanding, ang iyang ihalad laki nga walay tatsa.

Levitico 1:2

“Sultihi ang katawhan sa Israel, ug ingna sila: Sa diha nga ang usa kaninyo magdala ug halad ngadto sa Ginoo, pagdala kamo sa inyong halad gikan sa kahayopan, gikan sa panon sa mga baka o gikan sa panon sa karnero.

Levitico 1:6

Ug panitan niya ang halad nga sunogon ug hiwahiwaon kini.

Levitico 10:16

Sa nagpakisusi si Moises mahitungod sa kanding nga halad tungod sa sala, kini gisunog na diay. Busa nasuko si Moises kang Eleasar ug kang Itamar, ang nahibilin nga mga anak nga lalaki ni Aaron, nga nag-ingon,

Levitico 3:1

“Kon ang iyang halad usa ka inihaw nga halad sa pakigdait, kon siya maghalad gikan sa panon sa mga baka, laki o baye, maoy ihalad niya ang walay tatsa sa atubangan sa Ginoo.

Levitico 9:15

Unya gihalad ni Aaron ang halad sa katawhan, ug gikuha niya ang laking kanding nga mao ang halad tungod sa sala sa katawhan, ug gipatay kini ug gihalad alang sa sala sama sa unang halad tungod sa sala.

Levitico 9:3

Ug sultihi ang katawhan sa Israel, ‘Pagkuha kamo ug usa ka laking kanding alang sa halad tungod sa sala, ug usa ka nating baka ug usa ka nating karnero, kining duha tagsa ka tuig ang kagulangon ug walay tatsa, alang sa halad nga sunogon,

Numeros 15:6

O alang sa usa ka laking karnero, ikaw mag-andam alang sa halad nga pagkaon, duha ka ikanapulo nga bahin sa epha nga pinong harina nga sinagolan ug lana nga ikatulo nga bahin sa usa ka hin nga lana.

Roma 8:3

Kay ang wala mahimo sa Balaod nga nahuyang tungod sa unod gihimo sa Dios pinaagi sa pagpadala niya sa kaugalingon niyang Anak diha sa dagway sa makasasala nga tawo ug mahitungod sa sala, gisilotan niya ang sala diha sa unod,

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.