Levitico 27:30

Ang Biblia 2011

“Ang tanan nga ikapulo sa yuta, gikan sa binhi sa yuta o sa bunga sa mga kahoy, iya sa Ginoo, kini butang nga balaan alang sa Ginoo.

Cross References

Genesis 14:20

Ug dalaygon ang Dios nga Labing Halangdon, nga nagtugyan sa imong mga kaaway nganha sa imong kamot!” Ug si Abram mihatag kaniya sa ikapulo sa tanan.

Genesis 28:22

Unya kining batoha nga akong gipatindog ingon nga usa ka haligi mahimong balay sa Dios. Ug sa tanan nga imong gihatag kanako, ihatag gayod nako ang ikapulo kanimo.”

Genesis 47:24

Ug sa panahon sa ting-ani ihatag ninyo ang ikalima nga bahin ngadto sa Paraon ug ang upat ka bahin inyo, alang sa inyong binhi sa yuta ug alang sa inyong pagkaon, ug alang kanila sa inyong mga panimalay ug aron makakaon ang inyong mga anak.”

Genesis 47:26

Busa gihimo kini ni Jose nga balaod mahitungod sa yuta sa Ehipto hangtod karon, nga ang Paraon maoy makaangkon sa ikalima nga bahin gawas lamang sa yuta sa mga pari nga wala maiya sa Paraon.

2 Cronicas 31:12

Ug sila nagmatinumanon sa pagdala sa mga amot, sa mga ikapulo ug sa mga hinalad nga mga butang. Ang labawng pangulo nga nagdumala kanila mao si Conanias nga Levihanon, ug si Simei nga iyang igsoon maoy luyoluyo.

Nehemias 12:44

Niadtong adlawa ang mga tawo gitudlo sa pag-atiman sa mga lawak nga tipiganan, sa mga amot, sa mga unang bunga ug sa mga ikapulo, aron tigomon ngadto niini ang mga bahin nga gisugo sa balaod alang sa mga pari ug sa mga Levihanon sumala sa kaumahan sa mga lungsod, kay ang Juda nalipay tungod sa mga pari ug sa mga Levihanon nga nag-alagad.

Nehemias 13:12

Unya ang tibuok Juda nagdala sa ikapulo sa trigo, sa bino, ug sa lana ngadto sa mga tipiganan sa bahandi.

Nehemias 13:5

nag-andam alang kang Tobias ug usa ka dakong lawak, nga kaniadto ilang butangan sa mga halad nga pagkaon, sa insenso, sa mga sudlanan, sa mga ikapulo sa trigo, sa bino ug sa lana nga gihatag pinaagi ug sugo ngadto sa mga Levihanon, sa mga mag-aawit ug sa mga tigbantay sa ganghaan ug ang mga amot alang sa mga pari.

Levitico 27:29

Walay si bisan kinsa nga hinalad nga laglagon gikan sa katawhan nga malukat, patyon gayod siya.

Levitico 27:31

Kon adunay buot nga molukat sa bisan unsa sa iyang ikapulo, idugang niya ang ikalima nga bahin sa bili niini.

Mateo 23:23

“Alaot kamong mga eskriba ug mga Pariseo, mga tigpakaaron-ingnon! Kay naghatag kamo ug ikapulo sa mga lamas, sa herbabuyna, sa anis ug sa kumino, apan wala kamo magtagad sa labaw pang mahinungdanong mga butang sa Balaod, ang hustisya, kaluoy, ug pagtuo. Kining mga butanga kinahanglan gayod unta nga inyong buhaton, sa walay pagpabaya sa uban.

Lucas 11:42

“Apan alaot kamong mga Pariseo, kay naghatag kamo sa ikapulo sa mga lamas sama sa herbabuyna ug sa kaningag ug sa tanang utanon, apan inyong gipasagdan ang hustisya ug ang gugma alang sa Dios! Kining mga butanga kinahanglan gayod nga inyo untang buhaton sa walay pagpasagad sa uban.

Lucas 18:12

Nagpuasa ako makaduha sa usa ka semana, ug naghatag ako sa ikapulo sa tanan nakong kinitaan.’

Deuteronomio 18:8

Makabaton sila ug samang bahin nga kaonon, walay labot sa iyang madawat gikan sa halin sa iyang katigayonan.

Deuteronomio 26:12

Sa dihang makahuman na ikaw paghatag sa tanang ikapulo sa imong mga abot sa ikatulong tuig nga mao ang tuig sa paghatag ug ikapulo nga ihatag nimo sa Levihanon, sa langyaw, sa wala nay amahan, ug sa biyuda aron sila makakaon sulod sa inyong mga lungsod ug mangabusog sila,