Levitico 27:27

Ang Biblia 2011

Kon kini gikan sa mga mananap nga hugaw, lukaton nila sumala sa bili nga imong ihatag ug magdugang niini sa ikalima nga bahin, ug kon dili nila lukaton, ibaligya kini sumala sa bili nga imong gihatag.

Cross References

Levitico 27:11

Kon kini mananap nga hugaw, nga dili angay nga ihalad ingon nga halad alang sa Ginoo, unya ang mananap iyang ibutang sa atubangan sa pari,

Levitico 27:13

Apan kon siya buot molukat niini, idugang niya ang ikalima nga bahin sa gihatag nga bili niini.

Levitico 27:15

Apan kon ang maghalad niini molukat sa iyang balay, magdugang siya sa ikalima nga bahin sa bili niini pinaagi sa salapi ug kini maiya.

Levitico 27:26

“Apan ang kamagulangan sa mga mananap, tungod kay ang kamagulangan iya sa Ginoo, walay si bisan kinsa nga maghalad niini, baka o karnero, kini iya sa Ginoo.

Levitico 27:28

“Apan walay bisan unsa nga butang nga hinalad nga ihalad sa usa ka tawo ngadto sa Ginoo gikan sa tanan nga iyaha, bisan sa tawo o sa mga mananap o sa mga yuta nga iyang kaugalingon nga ibaligya o lukaton. Ang tanan nga hinalad butang nga labing balaan alang sa Ginoo.

Levitico 27:31

Kon adunay buot nga molukat sa bisan unsa sa iyang ikapulo, idugang niya ang ikalima nga bahin sa bili niini.

Levitico 5:16

Ulian niya ang bili sa butang nga balaan nga nabuhatan niya sa kalapasan ug idugang niini ang ikalima nga bahin ug ihatag niya sa pari, ug ang pari maghimo alang kaniya sa pagtabon sa sala pinaagi sa laking karnero nga halad tungod sa paglapas, ug siya pasayloon.