Levitico 26:8

Ang Biblia 2011

Ang lima kaninyo mogukod sa usa ka gatos ug ang usa ka gatos mogukod sa napulo ka libo ug ang inyong mga kaaway mangapukan sa inyong atubangan pinaagi sa espada.

Cross References

1 Cronicas 11:11

Kini mao ang subay sa mga bantogang tawo ni David: si Jasobeam, nga Hakmonihanon mao ang pangulo sa tulo. Gibakyaw niya ang iyang bangkaw batok sa tulo ka gatos nga iyang gipamatay sa usa lamang ka higayon.

1 Cronicas 11:20

Unya si Abisai, nga igsoon ni Joab, mao ang pangulo sa 30. Gibakyaw niya ang iyang bangkaw batok sa tulo ka gatos ka tawo ug gipangpatay sila ug nabantogan ang iyang ngalan uban sa tulo.

Ester 9:16

Ug ang ubang mga Judio nga diha sa mga lalawigan sa hari nagtigom aron sa pagpanalipod sa ilang kaugalingon ug nakapahulay gikan sa ilang mga kaaway, ug nakapatay sila ug 75,000 sa mga nagdumot kanila apan wala sila manghilabot sa mga kabtangan.

Levitico 26:7

Gukdon ninyo ang inyong mga kaaway ug mangapukan sila sa inyong atubangan pinaagi sa espada.

Zacarias 12:8

Nianang adlawa ang Ginoo magbutang ug salipod libot sa mga nagpuyo sa Jerusalem aron kadtong labing luya kanila nianang adlawa mahisama kang David, ug ang balay ni David mahisama sa Dios, sama sa anghel sa Ginoo nga nangulo kanila.

Numeros 14:9

Apan lamang, ayaw kamo pagpakigbatok sa Ginoo. Ug ayaw kahadlok sa katawhan nianang yutaa kay sila pan alang kanato. Ang ilang mga panalipod kuhaon gikan kanila, ug ang Ginoo uban kanato busa ayaw sila kahadloki.”

Numeros 31:4

Magpadala ikaw ug usa ka libo gikan sa matag banay sa Israel ngadto sa panggubatan.”

Deuteronomio 28:7

“Ang Ginoo maghimo nga ang inyong mga kaaway nga moalsa batok kaninyo mabuntog diha sa inyong atubangan. Manggula sila batok kaninyo sa usa ka dalan, ug sa pito ka dalan mokagiw sila gikan kaninyo.

Deuteronomio 32:30

Unsaon sa usa ka tawo paggukod sa usa ka libo ug sa duha ka tawo pagpakagiw sa napulo ka libo, gawas kon ang ilang Bato nagbaligya kanila ug ang Ginoo nagtugyan kanila?

Josue 23:10

Usa ka tawo kaninyo makaabog ug usa ka libo kay ang Ginoo nga inyong Dios mao ang makig-away alang kaninyo sumala sa iyang gisaad kaninyo.

Mga Maghuhukom 15:15

Ug siya nakakita ug usa ka bag-ong bukog sa apapangig sa asno, ug gituy-od niya ang iyang kamot ug gikuha kini ug pinaagi niini gipatay niya ang usa ka libo ka tawo.