Levitico 26:7

Ang Biblia 2011

Gukdon ninyo ang inyong mga kaaway ug mangapukan sila sa inyong atubangan pinaagi sa espada.

Cross References

1 Cronicas 19:15

Ug sa diha nga nakita sa mga Amonihanon nga ang mga Sirianhon nanagan, sila usab sa samang paagi nanagan gikan sa atubangan ni Abisai nga igsoon ni Joab ug misulod sa siyudad. Unya si Joab miadto sa Jerusalem.

Ester 9:16

Ug ang ubang mga Judio nga diha sa mga lalawigan sa hari nagtigom aron sa pagpanalipod sa ilang kaugalingon ug nakapahulay gikan sa ilang mga kaaway, ug nakapatay sila ug 75,000 sa mga nagdumot kanila apan wala sila manghilabot sa mga kabtangan.

Salmo 81:15

Ang mga nagdumot sa Ginoo moyukbo ngadto kaniya, apan ang ilang dangatan magpadayon hangtod sa kahangtoran.

Levitico 26:36

Mahitungod sa mga nahabilin kaninyo, luyahon nako ang ilang mga kasingkasing didto sa yuta sa ilang mga kaaway ug ang kinanaas sa usa ka dahon magpakagiw kanila ingon sa usa nga mokagiw gikan sa espada ug mangapukan sila bisan walay maggukod kanila.

Levitico 26:6

Maghatag ako ug pakigdait diha sa yuta ug manghigda kamo ug walay bisan usa nga makapahadlok kaninyo ug kuhaon ko ang daotan nga mga mananap gikan sa inyong yuta ug dili motadlas sa inyong kayutaan ang espada.

Levitico 26:8

Ang lima kaninyo mogukod sa usa ka gatos ug ang usa ka gatos mogukod sa napulo ka libo ug ang inyong mga kaaway mangapukan sa inyong atubangan pinaagi sa espada.

Deuteronomio 28:7

“Ang Ginoo maghimo nga ang inyong mga kaaway nga moalsa batok kaninyo mabuntog diha sa inyong atubangan. Manggula sila batok kaninyo sa usa ka dalan, ug sa pito ka dalan mokagiw sila gikan kaninyo.

Deuteronomio 32:30

Unsaon sa usa ka tawo paggukod sa usa ka libo ug sa duha ka tawo pagpakagiw sa napulo ka libo, gawas kon ang ilang Bato nagbaligya kanila ug ang Ginoo nagtugyan kanila?

Josue 23:10

Usa ka tawo kaninyo makaabog ug usa ka libo kay ang Ginoo nga inyong Dios mao ang makig-away alang kaninyo sumala sa iyang gisaad kaninyo.

Mga Maghuhukom 15:15

Ug siya nakakita ug usa ka bag-ong bukog sa apapangig sa asno, ug gituy-od niya ang iyang kamot ug gikuha kini ug pinaagi niini gipatay niya ang usa ka libo ka tawo.

Mga Maghuhukom 4:16

Apan gigukod ni Barak ang mga karwahi ug ang mga kasundalohan ngadto sa Haroset-hagoyim. Ug ang tanang kasundalohan ni Sisera napukan pinaagi sa sulab sa espada, walay usa ka tawo nga nahibilin.

Mga Maghuhukom 7:23

Ug ang mga tawo sa Israel gipatawag gikan sa Neftali ug gikan sa Aser ug gikan sa tibuok nga Manases, ug gigukod nila ang Midian.

1 Samuel 14:13

Unya si Jonatan mikatkat pinaagi sa iyang mga kamot ug sa iyang mga tiil ug ang tigdala sa iyang hinagiban nagsunod kaniya. Ug sila nangapukan sa atubangan ni Jonatan ug sila gipatay sa tigdala ug hinagiban nga nagsunod kaniya.