Levitico 26:5

Ang Biblia 2011

Ang inyong paggiok molungtad hangtod sa pagpamupo ug ang pagpamupo molungtad hangtod sa tingpugas ug magkaon kamo sa inyong pan ngadto sa pagkabusog ug magpuyo kamo nga layo sa kakuyaw diha sa inyong yuta.

Cross References

Salmo 144:13

mapuno unta ang among mga kamalig, nga sangkap sa tanang matang sa abot; ang among mga karnero magpasanay unta ug linibo, ug tagnapulo ka libo sa among mga kapatagan;

Salmo 90:1

Ginoo, ikaw mao ang among dapit nga puluy-anan sa tanang mga kaliwatan.

Exodo 16:8

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Mga Panultihon 1:33

apan siya nga mamati kanako magpuyo sa kasigurohan ug maanaa sa kasayon, walay kahadlok sa daotan.”

Mga Panultihon 18:10

Ang ngalan sa Ginoo maoy usa ka lig-ong tore; ang matarong modagan ngadto niini ug maluwas.

Isaias 1:19

Kon kamo andam ug masinugtanon, kamo magkaon sa maayong abot sa yuta.

Isaias 30:23

Ug siya maghatag ug ulan alang sa binhi nga ipugas nimo sa yuta, ug sa trigo, ang abot sa yuta, nga mahimong tambok ug daghan kaayo. Nianang adlawa ang imong kahayopan manibsib sa dagkong mga sibsibanan.

Jeremias 23:6

Sa iyang mga adlaw ang Juda maluwas, ug ang Israel magpuyo nga layo sa kakuyaw. Ug mao kini ang ngalan nga itawag kaniya: ‘Ang Ginoo mao ang among pagkamatarong.’

Oseas 2:18

Nianang adlawa ako maghimo alang kanimo ug usa ka kasabotan uban sa mga mananap sa kapatagan, sa mga langgam sa kalangitan ug sa nagkamang nga mga butang sa yuta; ug akong wagtangon ang mga busogan, ang espada ug ang gubat gikan sa yuta, ug papahulayon ko ikaw nga layo sa kakuyaw.

Oseas 2:20

Pangasaw-on ko ikaw diha sa pagkamatinumanon ug ikaw makaila sa Ginoo.

Joel 2:19

Ang Ginoo mitubag ug miingon sa iyang katawhan, “Ania, nagpadala ako kaninyo ug trigo, bino, ug lana, ug mangatagbaw kamo, ug dili na kamo nako himoon nga talamayon taliwala sa mga kanasoran.

Joel 2:22

Ayaw kahadlok, kamong mga mananap sa kapatagan; kay ang sibsibanan sa kamingawan lunhaw; ang kahoy namunga, ang kahoyng igera ug ang paras naghatag sa ilang hingpit nga abot.

Joel 2:26

“Kamo mangaon diha sa kadagaya ug mangatagbaw, ug magdayeg sa ngalan sa Ginoo nga inyong Dios, nga nagbuhat sa mga kahibulongan nganha kaninyo, ug ang akong katawhan dili na gayod maulawan.

Amos 9:13

“Tan-awa, ang mga adlaw nagsingabot,” nag-ingon ang Ginoo, “nga ang magdadaro makaapas sa mangangani, ug ang manggigiok sa mga paras, makaapas kaniya nga nagsabod sa binhi; ang kabukiran magpatulo ug tam-is nga bino ug ang tanang bungtod magdagayday niini.

Mateo 23:37

“O Jerusalem, Jerusalem nga nagpatay sa mga propeta ug nagbato sa mga pinadala nganha kanimo! Sa makadaghan gipangandoy nako ang pagtigom unta sa imong mga anak, sama sa himungaan nga nagtigom sa iyang mga piso ilalom sa iyang mga pako, apan nagdumili kamo!

Mga Buhat 14:17

Apan wala niya pasagdi nga dili kapamatud-an ang iyang kaugalingon kay gibuhat man niya ang maayo ug gihatagan niya kamo ug ulan gikan sa langit ug mga panahon nga mabungahon, nagbusog sa inyong mga kasingkasing sa pagkaon ug kalipay.”

Deuteronomio 11:15

Ug maghatag ako ug balili sa inyong kaumahan alang sa inyong kahayopan ug makakaon kamo ug mabusog.

1 Timoteo 6:17

Sa mga dato niining panahona karon, sugoa sila nga dili magpataas sa ilang kaugalingon o magbutang sa ilang paglaom diha sa walay kasigurohan nga mga bahandi, kondili diha sa Dios nga madagayaong naghatag kanato sa tanang butang alang sa atong kalipay.

1 Pedro 1:5

nga mga gibantayan sa gahom sa Dios pinaagi sa pagtuo alang sa kaluwasan nga andam aron ipadayag unya sa kataposang panahon.