Levitico 26:45

Ang Biblia 2011

kondili, tungod kanila hinumdoman nako ang kasabotan uban sa ilang mga katigulangan nga akong gikuha gikan sa yuta sa Ehipto, diha sa panan-aw sa mga nasod aron ako mahimong ilang Dios: ako mao ang Ginoo.”

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

Genesis 15:18

Niadtong adlawa ang Ginoo naghimo ug usa ka kasabotan uban kang Abram, nga nag-ingon, “Sa imong mga kaliwat ihatag nako kining yutaa, gikan sa suba sa Ehipto hangtod sa dako nga suba, ang suba nga Eufrates,

Genesis 26:24

Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”

Genesis 28:15

Tan-awa, ako mag-uban kanimo ug magbantay kanimo bisan asa ikaw moadto ug ikaw pabalikon nako niining yutaa kay ako dili mobiya kanimo hangtod nga matuman nako ang akong gisulti kanimo.”

Genesis 9:15

hinumdoman nako ang akong kasabotan, tali kanako ug kaninyo ug sa tanan nga binuhat nga buhi, sa tanang matang sa unod, ang mga tubig dili na gayod mahimong lunop aron laglagon ang tanan nga unod.

Salmo 106:45

Nahinumdom siya sa iyang kasabotan tungod ug alang kanila, ug siya nagmaluluy-on sumala sa kadagaya sa iyang gugmang walay paglubad.

Exodo 2:24

Ug sa dihang nadungog sa Dios ang ilang mga pag-agulo, nahinumdom siya sa iyang kasabotan uban kang Abraham, kang Isaac ug kang Jacob.

Exodo 20:2

“Ako mao ang Ginoo nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan.

Exodo 6:6

Busa sultihi ang katawhan sa Israel nga ako mao ang Ginoo, ug ako magpagawas kaninyo gikan sa mga kabug-at nga gipapas-an sa mga Ehiptohanon ug luwason ko kamo gikan sa ilang pagpangulipon ug lukaton ko kamo uban sa bukton nga tinuy-od ug uban sa dagkong buhat sa paghukom.

Exodo 6:8

Ug dad-on ko kamo ngadto sa yuta nga akong gipanumpa nga ihatag kang Abraham, kang Isaac ug kang Jacob ug ihatag ko kini kaninyo ingon nga panulundon. Ako mao ang Ginoo.”

Ezequiel 20:14

Apan ako nagbuhat tungod ug alang sa akong ngalan, aron kini dili pasipalahan sa atubangan sa mga nasod, nga diha sa ilang panan-aw gipagula nako sila.

Ezequiel 20:22

Apan akong gipugngan ang akong kamot, ug nagbuhat tungod ug alang sa akong ngalan aron kini dili pasipalahan diha sa atubangan sa mga nasod nga diha sa ilang panan-aw gipagula nako sila.

Ezequiel 20:9

Apan ako nagbuhat tungod ug alang sa akong ngalan, aron kini dili pasipalahan sa atubangan sa mga nasod, diin sila nagpuyo, nga diha sa ilang panan-aw gipaila nako kanila ang akong kaugalingon pinaagi sa pagdala kanila gawas sa yuta sa Ehipto.

Levitico 11:45

Kay ako ang Ginoo nga nagkuha kaninyo gikan sa yuta sa Ehipto aron mahimong inyong Dios. Busa pagbalaan kamo kay ako balaan man.”

Levitico 22:33

nga mao ang nagkuha kaninyo gikan sa yuta sa Ehipto aron mahimong inyong Dios. Ako mao ang Ginoo.”

Levitico 25:38

Ako mao ang Ginoo nga imong Dios nga nagkuha kaninyo gikan sa yuta sa Ehipto aron sa paghatag kaninyo sa yuta sa Canaan ug aron mahimo nga inyong Dios.

Roma 11:12

Ug kon ang ilang paglapas nahimong bahandi alang sa kalibotan ug ang ilang kapildihan nahimong kabulahanan sa mga Gentil, unsa pa kaha ka labaw pa diha sa ilang kahingpitan?

Deuteronomio 4:31

kay ang Ginoo nga inyong Dios maluluy-on nga Dios. Dili siya mopakyas kaninyo o molaglag kaninyo o malimot sa iyang kasabotan uban sa inyong mga katigulangan nga iyang gipanumpa kanila.

Deuteronomio 9:27

Hinumdomi ang imong mga ulipon, si Abraham, si Isaac ug si Jacob, ayaw tagda ang kagahi niining katawhan o ang ilang pagkadaotan o ang ilang sala