Levitico 26:39

Ang Biblia 2011

Ang mga mahibilin kaninyo mangaut-ot didto sa mga yuta sa inyong mga kaaway tungod sa ilang kasal-anan, ug tungod usab sa pagkadaotan sa ilang mga katigulangan mangaut-ot sila sama kanila.

Cross References

2 Cronicas 34:24

Kini mao ang giingon sa Ginoo: Magpadala ako ug kadaotan niining dapita ug sa ibabaw sa mga nagpuyo niini, ang tanang mga tunglo nga nasulat sa basahon nga ilang nabasa sa atubangan sa hari sa Juda.

Esdras 9:7

Sukad sa mga adlaw sa among mga katigulangan hangtod niining adlawa, kami hilabihan ka makasasala ug tungod sa among mga kalapasan, kami, ang among mga hari ug ang among mga pari gitugyan ngadto sa kamot sa mga hari sa kayutaan, ngadto sa espada, ngadto sa pagkabinihag ug sa pagkainilogan ug ngadto sa kaulawan hangtod niining adlawa.

Nehemias 1:9

apan kon kamo mobalik kanako ug magtuman sa akong mga sugo ug magbuhat niini, bisan pa ug ang inyong mga nagkatibulaag atua sa labing layo nga dapit, tigomon nako sila gikan didto ug dad-on ngadto sa dapit nga akong gipili aron papuy-on ang akong ngalan didto.’

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Exodo 34:7

nagpadayon sa gugmang walay paglubad ngadto sa mga linibo, nagpasaylo sa pagkadaotan ug sa pagkamalapason ug sa sala, apan dili magpalingkawas sa sad-an, nagsilot sa mga sala sa mga ginikanan diha sa mga anak ug sa mga anak sa mga anak ngadto sa ikatulo ug ikaupat nga kaliwatan.”

Isaias 14:21

Andama ang pagpatay sa iyang mga anak nga lalaki tungod sa kasal-anan sa ilang mga amahan, kay tingali unya ug manindog sila ug manag-iya sa yuta, ug ang kalibotan pun-on sa mga siyudad.”

Isaias 24:16

Gikan sa kinatumyan nga dapit sa yuta nakadungog kami ug mga awit sa pagdayeg, sa himaya ngadto sa Usa nga Matarong. Apan ako miingon, “Nagniwang ako, nagniwang ako. Alaot ako! Kay ang mabudhion nagbudhi, ang mabudhion nagbudhi sa hilabihan.”

Jeremias 29:12

Unya motawag kamo kanako, ug moduol ug mag-ampo kamo kanako, ug ako mamati kaninyo.

Jeremias 3:25

Manghigda kami sa among kaulawan, magpatabon kami sa among pagkatinamay, kay nakasala kami batok sa Ginoo nga among Dios, kami ug ang among mga katigulangan, gikan sa among pagkabatan-on bisan hangtod niining adlawa; ug kami wala magtuman sa tingog sa Ginoo nga among Dios.”

Jeremias 31:29

Nianang mga adlawa dili na sila moingon, ‘Ang mga amahan nakakaon ug aslom nga paras, ug ang mga ngipon sa mga anak nagngilo.’

Mga Pagbangotan 1:3

Ang Juda nabihag tungod sa mga kasakitan, ug sa lisod nga pagpangalagad; siya nagpuyo taliwala sa mga nasod, apan wala makakaplag ug pahulay; ang tanan nga naggukod kaniya nakaapas kaniya sa taliwala sa mga kalisdanan.

Mga Pagbangotan 4:9

Maayo pa ang mga gipamatay sa espada kay sa mga nangamatay sa gutom, nga naghigos, nag-antos sa kakulang sa mga bunga sa uma.

Ezequiel 18:19

“Apan kamo nag-ingon, ‘Ngano man nga ang anak dili magpas-an sa kasal-anan sa amahan?’ Sa diha nga ang anak magbuhat unsay subay sa Balaod ug sa matarong ug magtuman sa tanan nakong mga lagda ug magbuhat niini, siya mabuhi gayod.

Ezequiel 20:43

Ug didto mahinumdom kamo sa inyong mga pamaagi, ug sa tanan ninyong mga binuhatan, nga niini kamo naghugaw sa inyong kaugalingon, ug kamo lud-on sa inyong kaugalingon tungod sa tanang kadaotan nga inyong nabuhat.

Ezequiel 24:23

Ang inyong mga purong anha sa inyong mga ulo, ug ang inyong mga sandalyas anha sa inyong mga tiil. Dili kamo magbangotan o maghilak apan magniwang kamo tungod sa inyong kasal-anan ug mag-agulo ngadto sa usag usa.

Ezequiel 33:10

“Ug ikaw, anak sa tawo, sulti ngadto sa balay sa Israel: Mao kini ang inyong gisulti, ‘Ang among kalapasan ug ang among mga sala ania kanamo ug nagkaut-ot kami tungod niini; unsaon man namo pagkabuhi?’

Ezequiel 36:31

Unya mahinumdom kamo sa inyong mga daotang pamaagi ug sa inyong mga buhat nga dili maayo, ug ngil-aran kamo sa inyong kaugalingon tungod sa inyong mga kasal-anan ug sa inyong mga dulumtanang buhat.

Ezequiel 4:17

Kini aron sila makulangan sa pan ug tubig, ug magtinan-away nga may kalisang ug magkaut-ot tungod sa ilang silot.

Ezequiel 6:9

Unya kadtong pipila kaninyo nga makaikyas mahinumdom kanako taliwala sa mga nasod diin didto dad-on sila nga mga binihag tungod kay ako naguol pag-ayo tungod sa ilang mapatuyangon nga kasingkasing nga mibulag gikan kanako, ug sa ilang mapatuyangong mga mata nga misunod sa ilang mga diosdios. Ug sila lud-on sa ilang kaugalingon diha sa ilang atubangan tungod sa kadaotan nga ilang nahimo, tungod sa tanan nilang mga dulumtanan.

Oseas 5:15

Ako mobalik pag-usab sa akong dapit, hangtod nga sila moila sa ilang kalapasan ug mangita sa akong nawong, ug sa ilang kasakit sila mangita kanako.

Zacarias 10:9

Bisan ug gikatag nako sila taliwala sa mga nasod, apan didto sa mga layong dapit mahinumdom sila kanako, ug sila magpuyo uban sa ilang mga anak ug mamauli sila.

Numeros 14:18

‘Ang Ginoo hinay sa kasuko ug madagayaon sa gugmang walay paglubad, nagpasaylo sa kasal-anan ug sa kalapasan ug nga dili gayod magpakamatarong sa tawong sad-an, naghinumdom siya sa sala sa mga amahan diha sa mga anak, diha sa ikatulo ug diha sa ikaupat nga kaliwatan.’

Deuteronomio 28:65

Ug sa taliwala niining maong mga nasod dili kamo makakita ug kasayon, ug didto walay kapahulayan sa lapalapa sa inyong tiil apan ang Ginoo maghatag kaninyo didto ug kasingkasing nga talawan ug nagkaluya nga mata ug nagkaluya nga kalag.

Deuteronomio 30:1

“Sa diha nga moabot kaninyo kining tanang mga butang, ang panalangin ug ang tunglo nga gibutang nako sa inyong atubangan, ug mahinumdoman ninyo kini taliwala sa tanang nasod diin giabog kamo sa Ginoo nga inyong Dios,

Deuteronomio 5:9

Ayaw kamo pagyukbo kanila o pag-alagad kanila kay ako ang Ginoo nga inyong Dios abubhoan nga Dios, nga nagsilot sa mga anak tungod sa pagkadaotan sa mga ginikanan ngadto sa ikatulo ug sa ikaupat nga kaliwatan sa mga nagdumot kanako.

Deuteronomio 8:20

Sama sa mga nasod nga gilaglag sa Ginoo diha sa inyong atubangan, mangalaglag usab kamo kay kamo wala motuman sa tingog sa Ginoo nga inyong Dios.