Levitico 26:36

Ang Biblia 2011

Mahitungod sa mga nahabilin kaninyo, luyahon nako ang ilang mga kasingkasing didto sa yuta sa ilang mga kaaway ug ang kinanaas sa usa ka dahon magpakagiw kanila ingon sa usa nga mokagiw gikan sa espada ug mangapukan sila bisan walay maggukod kanila.

Cross References

Genesis 35:5

Ug samtang sila nagpanaw, ang kahadlok gikan sa Dios miabot ngadto sa mga kalungsoran nga naglibot kanila mao nga sila wala mogukod sa mga anak ni Jacob.

Genesis 4:12

Sa dihang mag-ugmad ikaw sa yuta, dili na kini maghatag kanimo sa iyang kusog. Maglatagaw ug magtagotago ikaw sa kalibotan.”

2 Cronicas 14:14

Unya ilang gilaglag ang tanang mga siyudad nga naglibot sa Gerar kay ang pagkahadlok sa Ginoo miabot kanila. Ilang gipanguhaan ang tanang mga siyudad kay may daghang sinakmit diha kanila.

Job 13:25

Lisangon ba nimo ang dahon nga napadpad, ug gukdon ang laya nga uhot?

Salmo 53:5

Anaa sila sa hilabihang kahadlok, sa kahadlok nga wala pa nila masinati! Kay ang Dios magkatag sa mga bukog niya nga nakigbatok kanimo; pakaulawan nimo sila, tungod kay ang Dios nagsalikway man kanila.

Salmo 53:6

O nga ang kaluwasan sa Israel mogula unta gikan sa Zion! Sa dihang ipahiuli sa Dios ang maayong kahimtang sa iyang katawhan, si Jacob maglipay ug ang Israel magmaya.

Salmo 89:43

Oo, gipasumbalik nimo ang sulab sa iyang espada, ug wala nimo siya patindoga sa gubat.

Mga Panultihon 28:1

Ang daotan mopalayo bisan ug walay naggukod, apan ang matarong isog sama sa liyon.

Isaias 30:17

Usa ka libo mangagiw tungod sa paghulga sa usa ka tawo; sa paghulga sa lima kamo mamiya, hangtod nga kamo mahibilin sama sa usa ka suga sa tumoy sa usa ka bukid, sama sa usa ka ilhanan ibabaw sa usa ka bungtod.

Isaias 7:2

Sa diha nga ang banay ni David gisuginlan, “Ang Siria nakig-abin kang Efraim,” ang iyang kasingkasing ug ang kasingkasing sa iyang katawhan nangurog sama sa kakahoyan sa lasang nga nangurog tungod sa hangin.

Isaias 7:4

ug sultihi siya, ‘Pagbantay ug paghilom, ayaw kahadlok, ug ayaw paluyaha ang imong kasingkasing, tungod niining duha ka nagbaga nga upos sa sugnod, tungod sa bangis nga kasuko ni Resin sa Siria ug sa anak ni Remalias.

Jeremias 37:10

Kay bisan pa ug mabuntog ninyo ang tibuok nga kasundalohan sa mga Caldeanhon nga nakig-away batok kaninyo, ug adunay mahibilin lamang kanila nga mga samdan nga mga tawo, ang tanang tawo diha sa iyang tolda, sila mobangon ug sunogon kining siyudad sa kalayo.’ ”

Jeremias 46:16

Ang imong dkaong panon napandol ug sila miingon sa usa ug usa, ‘Tindog, ug mobalik kita sa ngadto sa atong kaugalingon katawhan, ug ngadto sa yuta natong natawohan, tungod sa espada sa naglupig kanato!’

Mga Pagbangotan 1:3

Ang Juda nabihag tungod sa mga kasakitan, ug sa lisod nga pagpangalagad; siya nagpuyo taliwala sa mga nasod, apan wala makakaplag ug pahulay; ang tanan nga naggukod kaniya nakaapas kaniya sa taliwala sa mga kalisdanan.

Mga Pagbangotan 1:6

Gikan sa anak nga babaye sa Zion nahanaw ang tanan niyang pagkahalangdon. Ang iyang mga pangulo nangahimong sama sa mga lagsaw nga wala makakaplag ug sibsibanan; sila nanagan nga walay kusog gikan sa naggukod kanila.

Mga Pagbangotan 4:19

Ang mga naggukod kanamo tulin pa kay sa mga agila sa kalangitan; sila migukod kanamo ibabaw sa kabukiran, sila nag-atang kanamo sa kamingawan.

Ezequiel 21:12

Hilak ug pagminatay, anak sa tawo, kay kini batok sa akong katawhan. Kini batok sa tanang mga pangulo sa Israel. Sila gitugyan ngadto sa espada uban sa akong katawhan. Busa hapaka ang imong paa sa kasubo.

Ezequiel 21:15

aron ang ilang mga kasingkasing matunaw ug daghan gayod ang mapukan Diha sa ilang mga ganghaan akong gipahiluna ang nagpangidlap nga espada. Kini gihimo sama sa kilat, gipasinaw kini alang sa pagpatay.

Ezequiel 21:7

Ug sa diha nga sila moingon kanimo, ‘Nganong nanghupaw man ikaw?’ ikaw moingon, ‘Tungod sa mga balita. Sa diha nga moabot kini, ang tanang kasingkasing matunaw ug ang tanang mga kamot mawad-an ug kusog, ang tanang espiritu maluya, ug ang tanang mga tuhod mangahuyang sama sa tubig. Tan-awa, kini miabot na ug kini matuman gayod,’ ” nag-ingon ang Ginoong Dios.

Oseas 8:3

Ang Israel misalikway sa maayo; ang kaaway maggukod kaniya.

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Levitico 26:35

Samtang magpabilin kini nga biniyaan, kini may pahulay, ang pahulay nga wala mapahimusli niini sa inyong mga tuig nga igpapahulay sa nagpuyo pa kamo niini.

Deuteronomio 1:44

Unya ang mga Amorihanon nga nagpuyo niadtong dapita nanggula batok kaninyo ug migukod kaninyo sama sa mga putyokan ug mibuntog kaninyo gikan sa Seir hangtod sa Horma.

Josue 5:1

Sa diha nga ang mga hari sa mga Amorihanon nga didto sa tabok sa Jordan dapit sa kasadpan ug ang tanang hari sa mga Canaanhon nga didto duol sa dagat nakadungog nga gipahubas sa Ginoo ang katubigan sa Jordan alang sa katawhan sa Israel hangtod nga sila nakatabok na, ang ilang mga kasingkasing nangatunaw ug wala nay bisan unsang espiritu diha kanila tungod sa katawhan sa Israel.

Josue 7:5

Ug ang mga tawo sa Ai nakapatay kanila ug mga 36 ka tawo ug ilang gipanggukod ang mga Israelinhon gikan sa ganghaan ngadto sa Sebarim ug gipatay sila didto sa lugsonganan. Ug ang mga kasingkasing sa mga tawo nangatunaw ug nahisama sa tubig.

1 Samuel 17:24

Ang tanang katawhan sa Israel, sa diha nga nakakita sila sa tawo, nanagan gikan kaniya ug nangahadlok sa hilabihan gayod.