Levitico 26:33

Ang Biblia 2011

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.

Cross References

1 Mga Hari 8:46

Kon sila makasala batok kanimo, kay walay tawo nga dili makasala, ug ikaw masuko kanila ug magtugyan kanila ngadto sa kaaway aron sila dad-on nga binihag ngadto sa yuta sa kaaway, layo o duol,

2 Mga Hari 25:9

Ug iyang gisunog ang balay sa Ginoo ug ang balay sa hari ug ang tanan nga kabalayan sa Jerusalem, ang matag dagkong balay, iyang gisunog.

2 Cronicas 7:19

“Apan kon kamo motipas ug mobiya sa akong mga lagda ug mga sugo nga akong gihatag kaninyo, ug moadto ug mag-alagad sa laing mga dios ug magsimba kanila,

Nehemias 1:3

Ug sila miingon kanako, “Ang mga nahibilin diha sa lalawigan nga nakaikyas gikan sa pagkabihag anaa sa dakong kasamok ug kaulaw, ug ang paril sa Jerusalem nagun-ob ug ang mga ganghaan niini nangaguba pinaagi sa kalayo.”

Nehemias 1:8

Hinumdomi ang pulong nga imong gisugo sa imong alagad nga si Moises nga nag-ingon, ‘Kon kamo dili matinumanon, katagon nako kamo taliwala sa mga katawhan,

Ester 3:8

Unya si Haman miingon kang Hari Ahasuero, “Adunay usa ka katawhan nga nangakatag sa layong dapit ug nagkatibulaag sa taliwala sa mga katawhan sa tanang lalawigan sa imong gingharian. Ang ilang mga balaod lahi sa ubang katawhan ug wala nila tumana ang mga balaod sa hari, busa dili makaayo sa hari ang pagpasagad kanila.

Salmo 106:27

ug nga iyang katagon ang ilang kaliwatan taliwala sa mga nasod, ug patibulaagon sila sa mga kayutaan.

Salmo 44:11

Gihimo nimo kami nga sama sa mga karnero nga ihawonon, ug gipatibulaag kami ngadto sa mga nasod.

Salmo 44:12

Gibaligya nimo ang imong katawhan sa gamay nga bili, wala mangayo ug taas nga bili alang kanila.

Isaias 1:7

Ang inyong yuta nahimong awaaw, ang inyong kalungsoran nangasunog; sa inyong atubangan ang mga langyaw naglamoy sa inyong yuta; ug nahimo kining awaaw ingon nga daw gilumpag sa mga langyaw.

Isaias 6:11

Unya miingon ako, “Hangtod kanus-a O Ginoo?” Ug siya miingon, “Hangtod nga ang mga siyudad mahimong kamingawan ug walay magpuyo, ug ang mga kabalayan walay tawo, ug ang yuta mahimong biniyaan sa hingpit,

Jeremias 13:24

Katagon ko kamo sama sa uhot nga gipalid sa hangin nga gikan sa kamingawan.

Jeremias 15:4

Himoon nako sila nga kalisangan ngadto sa tanang gingharian sa yuta tungod sa gibuhat ni Manases nga anak ni Hesekias, hari sa Juda, didto sa Jerusalem.

Jeremias 31:10

“Pamatia ninyo ang pulong sa Ginoo, O kanasoran, ug ipahayag kini sa mga pulo sa layo; ingna, ‘Siya nga nagpatibulaag sa Israel magtigom kaniya, ug magbantay kaniya sama sa usa ka tigbantay nga magbantay sa iyang panon.’

Jeremias 4:7

Usa ka liyon migawas gikan sa iyang tagoanan, usa ka tiglaglag sa kanasoran nangandam na; siya migula gikan sa iyang dapit aron sa paglaglag sa imong yuta; ang imong mga siyudad mangagun-ob ug wala nay magpuyo.

Jeremias 7:34

Unya akong pahilomon gikan sa mga siyudad sa Juda ug sa kadalanan sa Jerusalem ang tingog sa hudyaka ug ang tingog sa kalipay, ang tingog sa pamanhonon ug ang tingog sa pangasaw-onon kay ang yuta mahimong usa ka awaaw.

Jeremias 8:3

Ang kamatayon maoy palabihon kay sa kinabuhi sa tanang mga salin nga nahibilin niining daotang panimalay sa tanang mga dapit diin didto giabog nako sila, nag-ingon ang Ginoo sa mga panon.

Jeremias 9:16

Katagon nako sila didto sa kanasoran nga wala nila mailhi o sa ilang mga katigulangan. Ug padad-an nako sila ug espada sunod kanila hangtod nga mapuo nako sila.”

Mga Pagbangotan 1:1

Pagkamingaw sa siyudad nga kaniadto puno sa mga tawo! Nahimo siya nga sama sa usa ka biyuda, siya nga kaniadto bantogan taliwala sa mga kanasoran! Siya nga kaniadto usa ka prinsesa taliwala sa mga lalawigan nahimo nga usa ka sakop.

Mga Pagbangotan 1:3

Ang Juda nabihag tungod sa mga kasakitan, ug sa lisod nga pagpangalagad; siya nagpuyo taliwala sa mga nasod, apan wala makakaplag ug pahulay; ang tanan nga naggukod kaniya nakaapas kaniya sa taliwala sa mga kalisdanan.

Mga Pagbangotan 4:15

“Pamahawa kamo, mga hugaw!” ang mga tawo misinggit kanila; “Pahawa! Pahawa! Ayaw paghikap!” Busa nahimo silang mga layas ug libod-suroy; ang mga tawo miingon taliwala sa kanasoran, “Dili na sila makapuyo uban kanato.”

Mga Pagbangotan 4:16

Ang Ginoo gayod mao ang nagptibulaag kanila, siya dili na magtagad kanila; wala nay pagtahod nga gipakita ngadto sa mga pari, wala nay pagtagad ngadto sa mga kadagkoan.

Ezequiel 12:20

Ug ang mga siyudad nga gipuy-an himoon nga awaaw ug ang yuta mahimong biniyaan. Ug kamo makaila nga ako mao ang Ginoo.”

Ezequiel 20:23

Nanumpa usab ako kanila didto sa kamingawan, nga patibulaagon nako sila taliwala sa mga nasod ug patibulaagon latas sa kanasoran,

Ezequiel 22:15

Patibulaagon ko ikaw taliwala sa mga nasod ug katagon ko ikaw sa kayutaan, ug puohon nako ang imong kahugaw gikan kanimo.

Ezequiel 5:2

Ang ikatulo nga bahin sunogon sa kalayo diha sa taliwala sa siyudad, sa diha nga ang mga adlaw sa pagsulong matapos na, ug kuhaon nimo ang ikatulo nga bahin ug imong tigbason sa espada libot sa siyudad, ug ang usa sa ikatulo nga bahin imong ikatag sa hangin ug laniton nako ang akong espada sunod kanila.

Oseas 9:6

Kay bisan ug sila makaikyas sa kalaglagan, ang Ehipto magtigom kanila, ang Memfis maoy maglubong kanila. Ang mga sampinit maoy manag-iya sa mga bililhon nilang mga butang nga plata, ang mga tunok maanaa sa ilang mga tolda.

Amos 9:4

Ug bisan pa ug moadto sila sa pagkabihag sa atubangan sa ilang mga kaaway, didto sugoon nako ang espada ug kini mopatay kanila; ug itutok nako kanila ang akong mga mata alang sa kadaotan ug dili alang sa kaayohan.”

Zacarias 7:14

ug gipatibulaag nako sila pinaagi sa alimpulos ngadto sa tanang mga nasod nga wala nila mailhi. Sa ingon niini ang yuta nahimong kamingawan nga ilang gitalikdan, tungod kay wala nay tawo nga milatas ngadto-nganhi ug ang maayong yuta nahimong kamingawan.”

Lucas 21:24

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Deuteronomio 4:27

Ug ang Ginoo magpatibulaag kaninyo taliwala sa mga katawhan, ug bilinan kamo ug diyotay nga gidaghanon taliwala sa mga nasod diin dad-on kamo sa Ginoo.

Santiago 1:1

Si Santiago, ulipon sa Dios ug sa Ginoong Jesu-Cristo; Alang sa napulo ug duha ka banay nga nagkatibulaag: Kumosta.