Levitico 26:26

Ang Biblia 2011

Kon balion nako ang tinubdan sa pan, magluto ang napulo ka babaye sa inyong pan diha sa usa ka hudno ug ihatag nila kaninyo ang inyong pan nga tinimbang ug mangaon kamo apan dili kamo mangabusog.

Cross References

2 Mga Hari 6:25

Ug may usa ka dakong gutom sa Samaria samtang gisulong nila kini, hangtod ang usa ka ulo sa asno gibaligya ug tag-80 ka siklo nga plata, ug ang ikaupat nga bahin sa usa ka kab nga iti sa salampati gibaligya ug tag-lima ka siklo nga plata.

Salmo 105:16

Sa dihang mitawag siya ug gutom ibabaw sa yuta, ug gibali ang tanang tukod sa pan,

Isaias 3:1

Kay tan-awa, ang Ginoo, ang Ginoo sa mga panon, nagkuha gikan sa Jerusalem ug gikan sa Juda sa kalig-on ug sa sungkod, sa tibuok kalig-on gikan sa pan ug sa tibuok kalig-on gikan sa tubig;

Isaias 5:10

Kay upat ka luna nga parasan moani lamang ug usa ka bat nga bino ug ang usa ka homer nga binhi moani ug usa ka epha.”

Isaias 9:19

Pinaagi sa kapungot sa Ginoo sa mga panon ang yuta nasunog, ug ang katawhan daw sugnod alang sa kalayo; ug walay tawo nga magluwas sa iyang igsoon.

Isaias 9:20

Mosakmit sila diha sa ilang tuo apan gutom lang gihapon sila, ug sila mokaon diha sa wala, apan dili matagbaw, ang matag usa magkaon sa unod sa iyang silingan,

Jeremias 14:12

Bisan pa ug magpuasa sila, dili ako mamati sa ilang pagtuaw ug bisan pa ug maghalad sila ug halad nga sunogon ug halad nga pagkaon, dili ako modawat niini apan puohon nako sila pinaagi sa espada, pinaagi sa gutom ug pinaagi sa kamatay.”

Ezequiel 14:13

“Anak sa tawo, sa diha nga ang usa ka yuta makasala batok kanako pinaagi sa paglapas, ug ako magtuy-od sa akong kamot batok niini, ug ako maglaglag sa tinubdan sa pan niini ug magpadala ug gutom diha niini ug maglaglag sa tawo ug mananap gikan niini,

Ezequiel 4:10

Ug ang pagkaon nga imong kaonon timbangon, 20 ka siklo sa usa ka adlaw, sa gitakda nga mga panahon ikaw magkaon niini.

Ezequiel 4:16

Dugang pa, siya miingon kanako, “Anak sa tawo, tan-awa, laglagon nako ang tinubdan sa pan sa Jerusalem ug sila magkaon ug pan nga tinimbang ug uban ang kahadlok; ug sila mag-inom ug tubig nga tinakos ug uban ang kalisang.

Ezequiel 4:17

Kini aron sila makulangan sa pan ug tubig, ug magtinan-away nga may kalisang ug magkaut-ot tungod sa ilang silot.

Ezequiel 5:16

sa diha nga buhian nako nganha kaninyo ang makamatay nga mga udyong sa gutom, mga udyong alang sa kalaglagan nga akong ipadala aron sa paglaglag kaninyo, ug sa diha nga dugangan nako ang gutom diha kaninyo ug laglagon nako ang inyong tinubdan sa pan.

Oseas 4:10

Sila magkaon apan dili mangabusog; sila magpakighilawas apan dili mosanay; tungod kay ilang gibiyaan ang Ginoo aron sa paglipay sa ilang mga pagpakighilawas.

Levitico 26:27

“Kon niining tanan dili pa kamo mamati kanako, hinuon maglakaw kamo batok kanako,

Miqueas 6:14

Magkaon ikaw, apan dili matagbaw, ug aduna unyay kagutom diha sa imong kinasuloran; ikaw magtipig apan dili makatigom, ug ang imong matigom ihatag nako sa espada.

Hageo 1:6

Nagpugas kamo ug daghan ug diyotay ra ang naani. Nagkaon kamo apan wala kamo makabaton ug igo, nanginom kamo apan wala kamo matagbaw. Nagbisti kamo sa inyong kaugalingon apan walay usa nga nainitan ug kadtong nagdawat ug suhol nagdawat sa suhol aron ibutang diha sa sudlanan sa salapi nga busloton.