Levitico 26:22

Ang Biblia 2011

Ipadala nako diha sa inyong taliwala ang mga ihalas nga mananap nga mosakmit sa inyong mga anak gikan kaninyo ug laglagon nila ang inyong kahayopan ug magkadiyotay ang inyong gidaghanon ug ang inyong mga dalan mahimong kamingawan.

Cross References

2 Mga Hari 17:25

Ug sa pagsugod nila sa pagpuyo didto, wala sila mahadlok sa Ginoo, busa ang Ginoo, nagpadala ug mga liyon sa ilang taliwala ug gipatay ang uban kanila.

2 Mga Hari 2:24

Ug siya milingi ug sa pagkakita niya kanila, gitunglo niya sila sa ngalan sa Ginoo. Unya migula ang duha ka oso nga baye gikan sa kakahoyan ug mikunis-kunis sa 42 ka batang lalaki.

2 Cronicas 15:5

Niadtong mga panahona, walay kalinaw kaniya nga migula o kaniya nga misulod kay dagkong mga kagubot ang gipahamtang sa mga nagpuyo sa kayutaan.

Isaias 24:6

Busa ang tunglo naglamoy sa yuta, ug ang mga nagpuyo niini nag-antos tungod sa ilang sala, busa ang mga nagpuyo sa yuta nangasunog, ug diyotay lamang ang nahibilin.

Isaias 33:8

Ang mga dalan nangagun-ob, ang tawo nga nagpanaw mihunong. Ang mga kasabotan gilapas, ang mga saksi gitamay, wala nay pagtamod sa tawo.

Jeremias 15:3

“Ako magtudlo alang kanila ug upat ka matang sa tiglaglag, nag-ingon ang Ginoo: ang espada nga igpapatay, ang iro nga mokuniskunis, ug ang mga langgam sa kalangitan ug ang mga mananap sa yuta nga molamoy ug molaglag.

Jeremias 42:2

ug sila miingon kang Jeremias nga propeta, “Himoa nga ang among pangamuyo moabot sa imong atubangan, ug pag-ampo alang kanamo ngadto sa Ginoo nga imong Dios, alang niining tanan nga nahibilin kay kami diyotay lamang nga nahibilin gikan sa daghan, ingon nga ang imong mga mata nakakita kanamo,

Mga Pagbangotan 1:4

Ang kadalanan paingon sa Zion nagbangutan, tungod kay walay miadto sa gitakda nga mga kasaulogan; ang tanan niyang mga ganghaan biniyaan, ang iyang mga pari nag-agulo; ang iyang mga ulay gipaantos, ug siya gayod anaa sa kapaitan.

Ezequiel 14:15

Kon paagion nako ang mga ihalas nga mananap latas sa yuta ug sila magguba niini, ug kini mahimo nga kamingawan, nga tungod niana walay tawo nga makaagi tungod sa mga mananap,

Ezequiel 14:21

“Kay mao kini ang giingon sa Ginoong Dios: Unsa pa kaha kon ipadala nako ang akong upat ka dagkong hukom ngadto sa Jerusalem, ang espada ug ang gutom ug ang mga bangis nga mananap ug ang kamatay aron sa paglaglag gikan niini sa tawo ug mananap!

Ezequiel 33:28

Ug ang yuta himoon nako nga biniyaan ug awaaw, ug ang pagpagarbo niya sa iyang gahom matapos, ug ang kabukiran sa Israel mangahimo nga biniyaan, nga tungod niana walay bisan usa nga moagi niini.

Ezequiel 5:17

Busa magpadala ako kaninyo ug gutom ug bangis nga mga mananap, ug kini mosakmit sa inyong kabataan ug ang kamatay ug ang dugo molatas kaninyo, ug magdala ako ug espada diha kaninyo. Ako, ang Ginoo, nagsulti niini.”

Levitico 26:6

Maghatag ako ug pakigdait diha sa yuta ug manghigda kamo ug walay bisan usa nga makapahadlok kaninyo ug kuhaon ko ang daotan nga mga mananap gikan sa inyong yuta ug dili motadlas sa inyong kayutaan ang espada.

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Zacarias 7:14

ug gipatibulaag nako sila pinaagi sa alimpulos ngadto sa tanang mga nasod nga wala nila mailhi. Sa ingon niini ang yuta nahimong kamingawan nga ilang gitalikdan, tungod kay wala nay tawo nga milatas ngadto-nganhi ug ang maayong yuta nahimong kamingawan.”

Deuteronomio 32:24

mangaluya sila sa kagutom, ug lamyon sa nagdilaab nga kainit ug sa pait nga katalagman; ug ipadala nako ang mga ngipon sa mga mananap batok kanila, uban ang kalala sa mga butang nga nagkamang sa yuta.

Mga Maghuhukom 5:6

“Sa mga adlaw ni Samgar nga anak ni Anat, sa mga adlaw ni Jael, ang mga dalan wala na agii, ug ang mga magpapanaw nangagi sa laing mga dalan.