Levitico 26:19

Ang Biblia 2011

Lumpagon nako ang garbo sa inyong gahom ug himoon nako ang inyong kalangitan sama sa puthaw ug ang inyong yuta sama sa bronsi.

Cross References

1 Mga Hari 17:1

Unya si Elias, ang Tisbihanon, sa Tisbe sa Gilead miingon kang Ahab, “Ingon nga buhi ang Ginoo, ang Dios sa Israel, nga sa atubangan ako nagtindog, walay yamog o ulan niining mga tuiga, gawas kon akong ipamulong.”

1 Mga Hari 8:35

“Sa diha nga ang langit matak-opan ug walay ulan tungod kay sila nakasala batok kanimo, kon sila mag-ampo nganhi niining dapita ug moila sa imong ngalan ug talikdan nila ang ilang mga sala sa diha nga ikaw magsakit kanila,

Isaias 2:12

Kay ang Ginoo sa mga panon adunay adlaw batok sa tanang mapagarbohon ug mapahitas-on, batok sa tanang tinuboy ug halangdon;

Isaias 25:11

Ug iyang bukharon ang iyang mga kamot sa taliwala niini, ingon sa naglangoy nga magbuklad sa iyang mga kamot aron sa paglangoy, apan ipaubos sa Ginoo ang iyang garbo uban sa kabatid sa iyang mga kamot.

Isaias 26:5

Kay iyang gipaubos ang mga nagpuyo sa itaas, ang siyudad nga habog. Iya kining gipukan, iya kining gipukan ngadto sa yuta, gilumpag kini ngadto sa abog.

Isaias 28:1

Alaot kadtong purongpurong sa garbo sa mga palahubog sa Efraim, ug sa nagkalawos nga bulak sa iyang mahimayaong kaanyag, nga anaa sa ulo sa tabunok nga walog niadtong nangapukan tungod sa bino!

Jeremias 13:9

“Mao kini ang giingon sa Ginoo: Sa ingon niining paagiha, akong laglagon ang garbo sa Juda ug ang dakong garbo sa Jerusalem.

Jeremias 3:3

Busa ang ulan gipugngan, ug ang ulan sa tingpamulak wala moabot; bisan pa niini ikaw adunay kilay sa babaye nga nagbaligya sa iyang dungog, ikaw nagdumili sa pagkaulaw.

Ezequiel 24:21

‘Sultihi ang banay sa Israel, Mao kini ang giingon sa Ginoong Dios: Tan-awa, pasipalahan nako ang akong balaan nga dapit, ang garbo sa inyong gahom, ang kalipay sa inyong mga mata, ug ang tinguha sa inyong kalag. Ug ang inyong mga anak nga lalaki ug mga anak nga babaye nga inyong gibilin mangapukan pinaagi sa espada.

Ezequiel 30:6

“Mao kini ang giingon sa Ginoo: Kadtong motabang sa Ehipto mangapukan ug ang iyang mapagarbohong gahom mapukan; gikan sa Migdol ngadto sa Syene sila mangapukan diha kaniya pinaagi sa espada, nag-ingon ang Ginoong Dios.

Ezequiel 33:28

Ug ang yuta himoon nako nga biniyaan ug awaaw, ug ang pagpagarbo niya sa iyang gahom matapos, ug ang kabukiran sa Israel mangahimo nga biniyaan, nga tungod niana walay bisan usa nga moagi niini.

Ezequiel 7:24

Tungod niini dad-on nako ang labing daotan sa mga nasod aron manag-iya sa ilang mga balay. Pahunongon usab nako ang ilang mapahitas-on nga kusog, ug ang balaan nilang mga dapit panamastamasan.

Daniel 4:37

Karon ako, si Nabucodonosor, nagdayeg ug nagbayaw ug nagpasidungog sa Hari sa langit, kay ang tanan niyang mga buhat husto ug ang iyang mga pamaagi matarong ug kadtong naglakaw diha sa pagpagarbo iyang ipaubos.

Sofonias 3:11

Nianang adlawa ikaw dili ibutang sa kaulawan tungod sa tanang binuhatan nga pinaagi niini ikaw misupil kanako; kay unya akong kuhaon gikan sa imong taliwala ang imong mga tawo nga mapahitas-ong nagpalabilabi, ug ikaw dili na mapahitas-on diha sa akong bukid nga balaan.

Lucas 4:25

Apan sa pagkatinuod sultihan ko kamo, adunay daghang mga biyuda sa Israel sa panahon ni Elias, sa diha nga ang langit gitak-opan sa tulo ka tuig ug unom ka bulan ug sa dihang miabot ang dakong gutom sa tibuok nasod,

Deuteronomio 11:17

Ug ang kasuko sa Ginoo mosilaob batok kaninyo ug iyang tak-opan ang kalangitan aron walay ulan ug ang yuta dili maghatag ug bunga ug mangawala dayon kamo gikan sa maayong yuta nga gihatag kaninyo sa Ginoo.

Deuteronomio 28:23

Ug ang kalangitan nga ibabaw sa inyong mga ulo mahimo nga bronsi ug ang yuta sa ubos ninyo mahimo nga puthaw.

1 Samuel 4:11

Ug ang sudlanan sa kasabotan sa Dios nailog ug ang duha ka anak ni Eli nga si Hopni ug si Pinehas gipamatay.

1 Samuel 4:3

Sa diha nga ang mga tawo miabot na sa kampo, ang mga kadagkoan sa Israel miingon, “Nganong gipabuntog man kita sa Ginoo niining adlawa sa atubangan sa mga Filistihanon? Atong kuhaon ang sudlanan sa kasabotan sa Ginoo gikan sa Silo ug dad-on nato dinhi aron moanhi siya sa atong taliwala ug magluwas kanato gikan sa kamot sa atong mga kaaway.”